പൊ​തു​ജ​ന​ങ്ങ​ള്‍ക്ക് ഇനി നേ​രി​ട്ട് സം​വ​ദി​ക്കാം; സ​ബ് ക​ല​ക്ട​ർ വില്ലേജ്​ ഓഫിസിലെത്തും; നൂതന പദ്ധതിയുമായി ജില്ല ഭരണകൂടത്തിൻറെ ‘ഒപ്പം സബ് കലക്ടർ’

തൊ​ടു​പു​ഴ: ഭ​ര​ണ​നി​ര്‍വ​ഹ​ണം ജ​ന​ങ്ങ​ളി​ലേ​ക്ക് അ​ടു​പ്പി​ക്കാ​നും സു​താ​ര്യ​വും കാ​ര്യ​ക്ഷ​മ​വു​മാ​യ സേ​വ​ന വി​ത​ര​ണം ഉ​റ​പ്പാ​ക്കാ​നും ജി​ല്ല ഭ​ര​ണ​കൂ​ട​ത്തി​ന്റെ നേ​തൃ​ത്വ​ത്തി​ല്‍ നൂ​ത​ന പ​ദ്ധ​തി​യു​മാ​യി ഇ​ടു​ക്കി സ​ബ് ക​ല​ക്ട​ര്‍ അ​നൂ​പ് ഗാ​ര്‍ഗ്. ജ​ന​ങ്ങ​ളോ​ടൊ​പ്പം എ​ന്ന പേ​രി​ല്‍ രൂ​പ​ക​ൽ​പ​ന ചെ​യ്തി​രി​ക്കു​ന്ന പ​ദ്ധ​തി​യി​ല്‍ പ്രാ​ദേ​ശി​ക സ​മൂ​ഹ​വു​മാ​യി നേ​രി​ട്ട് ഇ​ട​പ​ഴ​കു​ക​യും പൊ​തു​സ്ഥാ​പ​ന​ങ്ങ​ളി​ല്‍ ജ​ന​ങ്ങ​ള്‍ക്കു​ള്ള വി​ശ്വാ​സം ശ​ക്തി​പ്പെ​ടു​ത്തു​ക​യു​മാ​ണ് ല​ക്ഷ്യ​മി​ടു​ന്ന​ത്.

എ​ല്ലാ മാ​സ​വും ര​ണ്ടാ​മ​ത്തെ​യും നാ​ലാ​മ​ത്തെ​യും വ്യാ​ഴാ​ഴ്ച​ക​ളി​ല്‍ സ​ബ് ക​ല​ക്ട​ര്‍ ത​ന്റെ അ​ധി​കാ​ര പ​രി​ധി​യി​ലു​ള്ള താ​ലൂ​ക്കി​നു കീ​ഴി​ലു​ള്ള ഒ​രു വി​ല്ലേ​ജ് ഓ​ഫി​സ് സ​ന്ദ​ര്‍ശി​ക്കു​ക​യും അ​വി​ടെ അ​ന്നേ​ദി​വ​സം പ്ര​വ​ര്‍ത്തി​ക്കു​ക​യും ചെ​യ്യും. പ​രാ​തി​ക​ള്‍ പ​രി​ഹ​രി​ക്കു​ക​യും പ്രാ​ദേ​ശി​ക ഭ​ര​ണ​പ​ര​മാ​യ പ്ര​വ​ര്‍ത്ത​ന​ങ്ങ​ള്‍ക്ക് മേ​ല്‍നോ​ട്ടം വ​ഹി​ക്കു​ക​യും ചെ​യ്യും. ഇ​ടു​ക്കി, പീ​രു​മേ​ട്, തൊ​ടു​പു​ഴ താ​ലൂ​ക്കു​ക​ളാ​ണ് സ​ബ് ക​ല​ക്ട​ര്‍ അ​നൂ​പ് ഗാ​ര്‍ഗി​ന്റെ അ​ധി​കാ​ര പ​രി​ധി​യി​ലു​ള്ള​ത്. ഈ ​താ​ലൂ​ക്കു​ക​ള്‍ക്ക് കീ​ഴി​ലു​ള്ള എ​ല്ലാ വി​ല്ലേ​ജ് ഓ​ഫി​സു​ക​ളി​ലും സ​ബ് ക​ല​ക്ട​റെ​ത്തും.

സ​ബ് ക​ല​ക്ട​ർ വില്ലേജ് ​ഓഫിസിലെത്തും

സ​ന്ദ​ർ​ശ​ന ദി​വ​സം സ​ബ് ക​ല​ക്ട​ര്‍ ത​ന്റെ ഔ​ദ്യോ​ഗി​ക ജോ​ലി അ​ത​ത് വി​ല്ലേ​ജ് ഓ​ഫി​സി​ല്‍ നി​ര്‍വ​ഹി​ക്കു​ക​യും അ​വി​ടെ​യു​ള്ള പ്ര​വ​ര്‍ത്ത​ന​ങ്ങ​ള്‍ നി​രീ​ക്ഷി​ക്കു​ക​യും ചെ​യ്യും. പൊ​തു​ജ​ന​ങ്ങ​ള്‍ക്ക് സ​ബ് ക​ല​ക്ട​റു​മാ​യി നേ​രി​ട്ട് സം​വ​ദി​ക്കാ​ന്‍ അ​വ​സ​രം ല​ഭി​ക്കും. ത​ങ്ങ​ളു​ടെ ആ​ശ​ങ്ക​ക​ള്‍ക്ക് വേ​ണ്ട​ത്ര പ​രി​ഗ​ണ​ന ല​ഭി​ക്കു​ന്നു​ണ്ടെ​ന്ന് ഉ​റ​പ്പാ​ക്കാ​നും ക​ഴി​യും. സ​ര്‍ക്കാ​ര്‍ ഇ​ട​പെ​ട​ല്‍ ആ​വ​ശ്യ​മു​ള്ള പ്രാ​ദേ​ശി​ക പ്ര​ശ്ന​ങ്ങ​ള്‍ ഉ​ട​ന്‍ വി​ല​യി​രു​ത്തി പ​രി​ഹ​രി​ക്കാ​നു​ള്ള ന​ട​പ​ടി​ക​ള്‍ വേ​ഗ​ത്തി​ലാ​ക്കും.

ഭ​ര​ണ നി​ര്‍വ​ഹ​ണ​ത്തി​ല്‍ പൊ​തു​ജ​ന​പ​ങ്കാ​ളി​ത്തം പ്രോ​ത്സാ​ഹി​പ്പി​ക്കു​ക​യാ​ണ് ല​ക്ഷ്യ​മെ​ന്ന് സ​ബ് ക​ല​ക്ട​ര്‍ പ​റ​ഞ്ഞു. സ​ര്‍ക്കാ​ര്‍ ജീ​വ​ന​ക്കാ​രും പൊ​തു​ജ​ന​ങ്ങ​ളും ത​മ്മി​ലു​ള്ള മി​ക​ച്ച ഇ​ട​പെ​ട​ലി​ലൂ​ടെ പ്രാ​ദേ​ശി​ക​മാ​യ വെ​ല്ലു​വി​ളി​ക​ള്‍ പ​രി​ഹ​രി​ക്കാ​ന്‍ ക​ഴി​യു​മെ​ന്നും അ​ദ്ദേ​ഹം പ​റ​ഞ്ഞു.