സ്വകാര്യ ബസ്​ സർവിസുകൾ തകർച്ചയിൽ ഓപറേറ്റേഴ്സ് ഫെഡറേഷൻ സമരത്തിലേക്ക്

തൊ​ടു​പു​ഴ: ദീ​ർ​ഘ​കാ​ല​മാ​യി സ​ർ​വി​സ് ന​ട​ത്തു​ന്ന സ്വ​കാ​ര്യ ബ​സു​ക​ളു​ടെ പെ​ർ​മി​റ്റു​ക​ൾ ദൂ​ര​പ​രി​ധി നോ​ക്കാ​തെ യ​ഥാ​സ​മ​യം പ​ക്കാ പെ​ർ​മി​റ്റാ​യി പു​തു​ക്കി ന​ൽ​കു​ക, വി​ദ്യാ​ർ​ഥി​ക​ളു​ടെ ടി​ക്ക​റ്റ് നി​ര​ക്ക് വ​ർ​ധി​പ്പി​ക്കു​ക​യും കെ.​എ​സ്.​ആ​ർ.​ടി.​സി​യി​ലും സ്വ​കാ​ര്യ ബ​സു​ക​ളി​ലേ​തു​പോ​ലെ സ്​​പോ​ട്ട്​​ ടി​ക്ക​റ്റി​ങ്​ സ​മ്പ്ര​ദാ​യം ന​ട​പ്പാ​ക്കു​ക​യും ചെ​യ്യു​ക, ബ​സ് വ്യ​വ​സാ​യ​ത്തെ​ക്കു​റി​ച്ച് പ​ഠി​ക്കാ​ൻ ക​മീ​ഷ​നെ നി​ശ്ച​യി​ക്കു​ക തു​ട​ങ്ങി​യ ആ​വ​ശ്യ​ങ്ങ​ൾ ഉ​ന്ന​യി​ച്ച്​ ബ​സ് ഓ​പ​റേ​റ്റേ​ഴ്സ് ഫെ​ഡ​റേ​ഷ​ന്‍റെ നേ​തൃ​ത്വ​ത്തി​ൽ നി​രാ​ഹാ​ര സ​മ​രം ന​ട​ത്തു​മെ​ന്ന്​ ഭാ​ര​വാ​ഹി​ക​ൾ വാ​ർ​ത്ത​സ​മ്മേ​ള​ന​ത്തി​ൽ അ​റി​യി​ച്ചു. ലി​മി​റ്റ​ഡ് സ്റ്റോ​പ് ഓ​ർ​ഡി​ന​റി സ​ർ​വി​സു​ക​ൾ പി​ടി​ച്ചെ​ടു​ക്കാ​ൻ സ​ർ​ക്കാ​ർ 2023 മേ​യ് നാ​ലി​ന് പു​തി​യ വി​ജ്ഞാ​പ​നം ഇ​റ​ക്കി​യി​രു​ന്നു. ഇ​ത്​ ന​ട​പ്പാ​ക്കു​ക​യാ​ണെ​ങ്കി​ൽ സ്വ​കാ​ര്യ ബ​സ് സ​ർ​വി​സ് മു​ഴു​വ​ൻ ര​ണ്ടോ നാ​ലോ വ​ർ​ഷം​കൊ​ണ്ട് നി​ര​ത്തൊ​ഴി​യും. നി​ല​വി​ലു​ള്ള ബ​സു​ക​ളെ​ങ്കി​ലും നി​ല​നി​ർ​ത്ത​ണ​മെ​ന്ന് ആ​വ​ശ്യ​പ്പെ​ട്ടാ​ണ്​ ഫെ​ഡ​റേ​ഷ​ൻ സം​സ്ഥാ​ന പ്ര​സി​ഡ​ന്റ് കെ.​കെ. തോ​മ​സ് സെ​ക്ര​ട്ടേ​റി​യ​റ്റ് പ​ടി​ക്ക​ൽ ജൂ​ൺ അ​ഞ്ചു മു​ത​ൽ അ​നി​ശ്ചി​ത​കാ​ല നി​രാ​ഹാ​ര​സ​മ​രം ന​ട​ത്തു​ക. മു​ൻ പ്ര​തി​പ​ക്ഷ നേ​താ​വ് ര​മേ​ശ്​ ചെ​ന്നി​ത്ത​ല എം.​എ​ൽ.​എ ഉ​ദ്ഘാ​ട​നം ചെ​യ്യു​മെ​ന്ന്​ ജി​ല്ല ഭാ​ര​വാ​ഹി​ക​ൾ അ​റി​യി​ച്ചു.

വാ​ർ​ത്ത​സ​​മ്മേ​ള​ന​ത്തി​ൽ ജി​ല്ല സെ​ക്ര​ട്ട​റി കെ.​കെ. അ​ജി​ത്കു​മാ​ർ, ജി​ല്ല വൈ​സ്​ പ്ര​സി​ഡ​ന്‍റ്​ കെ.​എം. സ​ലിം, ജി​ല്ല ട്ര​ഷ​റ​ർ പി.​എം. ജോ​ർ​ജ്, ഫെ​ഡ​റേ​ഷ​ൻ കേ​ന്ദ്ര ക​മ്മി​റ്റി​യം​ഗം ജോ​ബി മാ​ത്യു എ​ന്നി​വ​ർ പ​​ങ്കെ​ടു​ത്തു.