ഓപറേഷൻ സൈലൻസ്: 421 കേസ്​, 10,74,750 പി​ഴ​ ചു​മ​ത്തി

തൊ​ടു​പു​ഴ: കാ​ത​ട​പ്പി​ക്കു​ന്ന ശ​ബ്ദ​ത്തോ​ടെ വാ​ഹ​ന​ങ്ങ​ളി​ല്‍ ചീ​റി​പ്പാ​യു​ന്ന​വ​രെ ക​ണ്ടെ​ത്താ​ൻ മോ​ട്ടോ​ർ വാ​ഹ​ന വ​കു​പ്പ്​ രം​ഗ​ത്തി​റ​ങ്ങി​യ​പ്പോ​ൾ പി​ടി​കൂ​ടി​യ​ത്​ 421 കേ​സു​ക​ൾ. ഇ​വ​രി​ൽ​നി​ന്ന്​ 10,74,750 പി​ഴ ചു​മ​ത്തി. മോ​ട്ടോ​ർ വാ​ഹ​ന വ​കു​പ്പും എ​ൻ​ഫോ​ഴ്​​സ്​​മെ​ന്‍റ്​ വി​ഭാ​ഗ​വും അ​ഞ്ചു​ദി​വ​സ​ത്തി​നി​ടെ ന​ട​ത്തി​യ പ​രി​ശോ​ധ​ന​യി​ലാ​ണ്​ ഇ​ത്ര​യ​ധി​കം കേ​സു​ക​ൾ പി​ടി​കൂ​ടി​യ​ത്.

വാ​ഹ​ന​ങ്ങ​ളി​ലെ സൈ​ല​ന്‍സ​റി​ല്‍ മാ​റ്റം വ​രു​ത്തി അ​മി​ത ശ​ബ്ദ​മു​ണ്ടാ​ക്കു​ന്ന വാ​ഹ​ന​ങ്ങ​ള്‍ പി​ടി​കൂ​ടാ​ന്‍ ഓ​പ​റേ​ഷ​ന്‍ സൈ​ല​ന്‍സ് എ​ന്ന പേ​രി​ൽ ഫെ​ബ്രു​വ​രി 14 മു​ത​ൽ 18 വ​രെ പ്ര​ത്യേ​ക പ​രി​ശോ​ധ​ന​യു​മാ​യി മോ​ട്ടോ​ര്‍ വാ​ഹ​ന വ​കു​പ്പും എ​ൻ​ഫോ​ഴ്​​സ്​​മെ​ന്‍റും രം​ഗ​ത്തു​ണ്ടാ​യി​രു​ന്നു. ട്രാ​ന്‍സ്‌​പോ​ര്‍ട്ട് ക​മീ​ഷ​ണ​റു​ടെ നി​ർ​ദേ​ശ​ത്തെ തു​ട​ർ​ന്നാ​യി​രു​ന്നു പ​രി​ശോ​ധ​ന.

ബു​ള്ള​റ്റു​ക​ളി​ലും മ​റ്റും സൈ​ല​ന്‍സ​റി​ല്‍ ഭേ​ദ​ഗ​തി​വ​രു​ത്തി ജ​ന​ങ്ങ​ള്‍ക്ക് അ​രോ​ച​ക​മാ​കു​ന്ന വി​ധ​ത്തി​ല്‍ അ​മി​ത ശ​ബ്ദ​ത്തി​ല്‍ യു​വാ​ക്ക​ള്‍ ന​ട​ത്തു​ന്ന അ​ഭ്യാ​സ പ്ര​ക​ട​ന​ങ്ങ​ൾ​ക്കെ​തി​രെ പ​രാ​തി ശ​ക്ത​മാ​യ സാ​ഹ​ച​ര്യ​ത്തി​ലാ​ണ് മോ​ട്ടോ​ര്‍ വാ​ഹ​ന വ​കു​പ്പ് ന​ട​പ​ടി​യു​മാ​യി രം​ഗ​ത്തി​റ​ങ്ങി​യ​ത്. ഇ​ടു​ക്കി ആ​ർ.​ടി.​​ഒ​യു​ടെ നേ​തൃ​ത്വ​ത്തി​ൽ ന​ട​ന്ന പ​രി​ശോ​ധ​ന​യി​ൽ 351 കേ​സു​ക​ളി​ൽ​നി​ന്ന്​ 8,27,750 രൂ​പ പി​ഴ ചു​മ​ത്തി​യ​പ്പോ​ൾ എ​ൻ​ഫോ​ഴ്​​സ്​ മെ​ന്‍റി​ന്‍റെ നേ​തൃ​ത്വ​ത്തി​ൽ ന​ട​ത്തി​യ പ​രി​ശോ​ധ​ന​യി​ൽ 70 കേ​സു​ക​ളി​ൽ​നി​ന്ന്​ 2,47,000 രൂ​പ പി​ഴ ഇ​ട്ടു. മോ​ട്ടോ​ര്‍ വാ​ഹ​ന വ​കു​പ്പ് എ​ന്‍ഫോ​ഴ്സ്​​മെ​ന്‍റ്​ സ്‌​ക്വാ​ഡി​ന്‍റെ നേ​തൃ​ത്വ​ത്തി​ല്‍ വി​വി​ധ മേ​ഖ​ല​ക​ളി​ലാ​യി ആ​റു​സം​ഘ​ങ്ങ​ളാ​ണ് പ​രി​ശോ​ധ​ന ന​ട​ത്തി​യ​ത്.

എ​ന്‍ഫോ​ഴ്‌​സ്‌​മെ​ന്‍റ്​ വി​ഭാ​ഗ​ത്തി​നു​പു​റ​മെ ആ​ര്‍.​ടി ഓ​ഫി​സ്, സ​ബ് ആ​ര്‍.​ടി ഓ​ഫി​സ് എ​ന്നി​വി​ട​ങ്ങ​ളി​ലെ എം.​വി.​ഐ​മാ​യും എ.​എം.​വി.​ഐ​മാ​രും പ​രി​ശോ​ധ​ന​യി​ല്‍ പ​ങ്കെ​ടു​ത്തു. ഇ​രു​ച​ക്ര വാ​ഹ​ന​ങ്ങ​ള്‍ക്ക് പു​റ​മെ ഫാ​ന്‍സി മോ​ഡ​ലി​ലു​ള്ള കാ​റു​ക​ളി​ലും പ​രി​ശോ​ധ​ന ഉ​ണ്ടാ​യി​രു​ന്നു. ഇ​ടു​ക്കി ആ​ർ.​ടി.​ഒ ഓ​ഫി​സ്, തൊ​ടു​പു​ഴ, ഉ​ടു​മ്പ​ൻ​ചോ​ല, വ​ണ്ടി​പ്പെ​രി​യാ​ർ എ​ന്നീ നാ​ല്​ സ​ബ്​ ആ​ർ.​ടി.​ഒ ഓ​ഫി​സു​ക​ളു​ടെ​യും നേ​തൃ​ത്വ​ത്തി​ലു​മാ​യി​രു​ന്നു പ​രി​ശോ​ധ​ന.

ഹെ​ഡ്‌​ലൈ​റ്റി​ന് വെ​ളി​ച്ചം കൂ​ട്ടു​ക, ഹാ​ന്‍ഡി​ല്‍ ബാ​ര്‍ മാ​റ്റു​ക, അ​ന​ധി​കൃ​ത രൂ​പ​മാ​റ്റം വ​രു​ത്ത​ല്‍ എ​ന്നി​വ​ക്കെ​തി​രെ​യും ന​ട​പ​ടി​യെ​ടു​ത്തു. വാ​ഹ​ന​ങ്ങ​ള്‍ക്ക് പി​ഴ ചു​മ​ത്തു​ക​യും സ്വ​ന്തം ചെ​ല​വി​ല്‍ പ​ഴ​യ പ​ടി​യാ​ക്കാ​ന്‍ നി​ര്‍ദേ​ശം ന​ല്‍കു​ക​യും ചെ​യ്തി​ട്ടു​ണ്ട്. നി​ര്‍ദേ​ശം പാ​ലി​ച്ചി​ല്ലെ​ങ്കി​ല്‍ ര​ജി​സ്‌​ട്രേ​ഷ​ന്‍ റ​ദ്ദാ​ക്കു​ന്ന​തി​നു​ള്ള ന​ട​പ​ടി​ക​ളി​ലേ​ക്ക് ക​ട​ക്കു​മെ​ന്നും അ​ധി​കൃ​ത​ർ പ​റ​ഞ്ഞു.

കട്ടപ്പനയിൽ ആഡംബര ബൈക്കുകളുടെ മത്സര ഓട്ടം

ക​ട്ട​പ്പ​ന: ന​ഗ​ര​ത്തി​ൽ ന​മ്പ​ർ​പ്ലേ​റ്റ് ഇ​ല്ലാ​തെ ആ​ഡം​ബ​ര ബൈ​ക്കു​ക​ളു​ടെ മ​ത്സ​ര ഓ​ട്ടം. സ്കൂ​ൾ വി​ടു​ന്ന സ​മ​യം ബൈ​ക്കി​ൽ വി​ല​സു​ന്ന​വ​ർ യാ​ത്ര​ക്കാ​രെ ഇ​ടി​ച്ചി​ട്ട്​ ക​ട​ന്നു​ക​ള​യു​ന്ന​ത് തു​ട​ർ​ക്ക​ഥ​യാ​കു​ന്നു. ക​ട്ട​പ്പ​ന ന​ഗ​ര​ത്തി​ന്‍റെ പൊ​തു​നി​ര​ത്ത് ബൈ​ക്ക് അ​ഭ്യാ​സി​ക​ൾ കൈ​യ​ട​ക്കു​മ്പോ​ൾ ജീ​വ​ൻ ഭീ​തി​യി​ലാ​ണ്​ യാ​ത്ര​ക്കാ​ർ. വീ​തി കു​റ​ഞ്ഞ​തും തി​ര​ക്കേ​റി​യ​തു​മാ​യ റോ​ഡു​ക​ളി​ലൂ​ടെ മി​ന്ന​ൽ വേ​ഗ​ത്തി​ലാ​ണ് യു​വാ​ക്ക​ൾ ബൈ​ക്കു​ക​ളി​ൽ പാ​യു​ന്ന​ത്. പ​ല ബൈ​ക്കു​ക​ൾ​ക്കും ന​മ്പ​ർ പ്ലേ​റ്റും ഹെ​ഡ് ലൈ​റ്റു​ക​ളും ഉ​ണ്ടാ​കാ​റി​ല്ല. ദി​വ​സ​ങ്ങ​ൾ​ക്ക് മു​മ്പാ​ണ് കെ.​എ​സ്.​ഇ.​ബി ജ​ങ്​​ഷ​നി​ൽ ക​ട്ട​പ്പ​ന സ്വ​ദേ​ശി ജോ​ർ​ജ് അ​പ​ക​ട​ത്തി​ൽ​പ്പെ​ട്ട​ത്.

ഇ​ര​ട്ട​യാ​ർ റോ​ഡി​ൽ​നി​ന്ന്​ അ​മി​ത വേ​ഗ​ത്തി​ലെ​ത്തി​യ ബൈ​ക്ക് ജോ​ർ​ജി​നെ ഇ​ടി​ച്ചു​തെ​റി​പ്പി​ക്കു​ക​യാ​യി​രു​ന്നു. ഇ​ടി​ച്ച ബൈ​ക്ക് നി​ർ​ത്താ​തെ ഓ​ടി​ച്ചു​പോ​യി. ന​ടു​വി​നും, കാ​ലി​നും കാ​ര്യ​മാ​യ പ​രി​ക്കു​പ​റ്റി​യ ഇ​ദ്ദേ​ഹ​ത്തെ നാ​ട്ടു​കാ​രാ​ണ് ആ​ശു​പ​ത്രി​യി​ൽ എ​ത്തി​ച്ച​ത്. വേ​ഗ​ത ചോ​ദ്യം​ചെ​യ്ത​പ്പോ​ൾ ബൈ​ക്കോ​ടി​ച്ച യു​വാ​വ് കൈ​യേ​റ്റ​ത്തി​നും മു​തി​ർ​ന്നു.

വൈ​കീ​ട്ട്​ സ്കൂ​ൾ വി​ട്ടാ​ൽ പി​ന്നെ നി​ര​ത്തി​ൽ ബൈ​ക്കി​ൽ യു​വാ​ക്ക​ളു​ടെ അ​ഭ്യാ​സം അ​തി​രു​വി​ടും. വ​ലി​യ ശ​ബ്ദ​ത്തി​ൽ ഉ​യ​ർ​ന്ന പ​വ​റും, ടോ​ർ​ക്കു​മു​ള്ള ബൈ​ക്കു​ക​ളു​മാ​യി​ട്ടാ​ണ് യു​വാ​ക്ക​ൾ നി​ര​ത്തി​ലി​റ​ങ്ങു​ന്ന​ത്. ക​ട്ട​പ്പ​ന സെ​ൻ​ട്ര​ൽ ജ​ങ്​​ഷ​ൻ മു​ത​ൽ പ​ള്ളി​ക്ക​വ​ല വ​രെ​യു​ള്ള റൂ​ട്ടി​ലാ​ണ് ഇ​വ​രു​ടെ മ​ര​ണ​പ്പാ​ച്ചി​ൽ. വി​ദ്യാ​ർ​ഥി​നി​ക​ളെ ആ​ക​ർ​ഷി​ക്കാ​നാ​യി സൈ​ല​ൻ​സ​ർ അ​ഴി​ച്ചു​മാ​റ്റി പാ​യു​ന്ന വി​രു​ത​ന്മാ​രും ഈ ​കൂ​ട്ട​ത്തി​ലു​ണ്ട്. പ​രി​ശോ​ധി​ച്ചാ​ൽ പ​ല​ർ​ക്കും ലൈ​സ​ൻ​സും ഉ​ണ്ടാ​കി​ല്ല. ര​ണ്ടു​പേ​ർ സ​ഞ്ച​രി​ക്കേ​ണ്ട ബൈ​ക്കി​ൽ മൂ​ന്ന് പേ​ർ ക​യ​റി യാ​ത്ര ചെ​യ്യു​ന്ന​തും പ​തി​വ് കാ​ഴ്ച​യാ​ണ്.

ഗ​താ​ഗ​ത നി​യ​മ​ങ്ങ​ൾ തെ​റ്റി​ക്കു​ന്ന​വ​രു​ടെ ദൃ​ശ്യ​ങ്ങ​ൾ പ​രി​ശോ​ധി​ക്കാ​ൻ ക​ട്ട​പ്പ​ന ടൗ​ണി​ൽ സ്ഥാ​പി​ച്ച സി.​സി.​ടി.​വി കാ​മ​റ​ക​ൾ ത​ക​രാ​റി​ല​യി​ട്ട് വ​ർ​ഷ​ങ്ങ​ൾ ക​ഴി​ഞ്ഞു. ഇ​രു​ച​ക്ര വാ​ഹ​ന​ങ്ങ​ൾ ചീ​റി​പ്പാ​യു​ന്ന പ​ള്ളി​ക്ക​വ​ല​യി​ൽ ര​ണ്ട് നി​രീ​ക്ഷ​ണ കാ​മ​റ​ക​ൾ ഉ​ണ്ടെ​ങ്കി​ലും ഇ​വ പ്ര​വ​ർ​ത്തി​ക്കു​ന്നി​ല്ല.