ഓപറേഷന്‍ സുരക്ഷിത വിദ്യാരംഭം; സ്കൂൾ ബസുകളുടെ ഫിറ്റ്​നസ് മസ്റ്റ്

തൊ​ടു​പു​ഴ: സ്‌​കൂ​ൾ വി​ദ്യാ​ര്‍ഥി​ക​ളു​ടെ സു​ര​ക്ഷ ഉ​റ​പ്പാ​ക്കാ​ൻ ഓ​പ​റേ​ഷ​ൻ സു​ര​ക്ഷി​ത വി​ദ്യാ​രം​ഭം 2025 പ​ദ്ധ​തി​യു​ടെ ഭാ​ഗ​മാ​യി ജി​ല്ല​യി​ലെ സ്‌​കൂ​ൾ ബ​സു​ക​ളു​ടെ പ​രി​ശോ​ധ​ന പു​രോ​ഗ​മി​ക്കു​ന്നു. ജി​ല്ല​യി​ലെ അ​ഞ്ച് ആ​ർ.​ടി ഓ​ഫി​സു​ക​ളു​ടെ കീ​ഴി​ലാ​യാ​ണ് പ​രി​ശോ​ധ​ന ന​ട​ക്കു​ന്ന​ത്.

വാ​ഹ​ന പ​രി​ശോ​ധ​ന​ക്കാ​യി അ​ത​ത്​ സ്‌​കൂ​ളു​ക​ളി​ൽ നേ​രി​ട്ട് എ​ത്തി​യാ​ണ് മോ​ട്ടോ​ർ വാ​ഹ​ന വ​കു​പ്പ് പ​രി​ശോ​ധ​ന ന​ട​ത്തു​ന്ന​ത്. സ്‌​കൂ​ൾ വാ​ഹ​ന ഡ്രൈ​വ​ർ​മാ​ർ​ക്ക്​ അ​ത്ത​രം വാ​ഹ​ന​ങ്ങ​ൾ ഓ​ടി​ച്ച് 10 വ​ർ​ഷ​ത്തെ പ​രി​ച​യം നി​ർ​ബ​ന്ധ​മാ​ണ്.

വാ​ഹ​ന​ത്തി​ന്റെ വാ​തി​ലു​ക​ളി​ൽ അ​റ്റ​ൻ​ഡ​ർ​മാ​ർ നി​ർ​ബ​ന്ധ​മാ​യും ഉ​ണ്ടാ​യി​രി​ക്ക​ണം. സ്‌​കൂ​ളി​ന്റേ​ത് അ​ല്ലാ​ത്ത വാ​ഹ​ന​ങ്ങ​ളി​ൽ ഓ​ൺ സ്‌​കൂ​ൾ ഡ്യൂ​ട്ടി എ​ന്ന ബോ​ർ​ഡ്​ വെ​ക്ക​ണം. വാ​തി​ലു​ക​ളു​ടെ​യും ജ​ന​ലു​ക​ളു​ടെ​യും ഷ​ട്ട​റു​ക​ൾ ക്യ​ത്യ​മാ​യി പ്ര​വ​ർ​ത്തി​ക്കേ​ണ്ട ത​ര​ത്തി​ലാ​യി​രി​ക്ക​ണം. സ്‌​കൂ​ൾ ബാ​ഗു​ക​ൾ വെ​ക്കാ​ൻ റാ​ക്ക് സം​വി​ധാ​നം ഏ​ർ​പ്പെ​ടു​ത്ത​ണം. സ്‌​കൂ​ളി​ന്റെ പേ​ര്, ഫോ​ൺ ന​മ്പ​ർ, എ​മ​ർ​ജ​ൻ​സി കോ​ൺ​ടാ​ക്ട് ന​മ്പ​ർ എ​ന്നി​വ വാ​ഹ​ന​ങ്ങ​ളു​ടെ ഇ​രു​വ​ശ​ത്തും പ​തി​ക്ക​ണം.

വാ​ഹ​ന​ത്തി​ന് പി​റ​കി​ൽ സീ​റ്റി​ങ്​ ക​പ്പാ​സി​റ്റി രേ​ഖ​പ്പെ​ടു​ത്ത​ണം. കൂ​ളി​ങ്​ ഫി​ലിം / ക​ർ​ട്ട​ൻ എ​ന്നി​വ​യു​ടെ ഉ​പ​യോ​ഗം സ്‌​കൂ​ൾ വാ​ഹ​ന​ങ്ങ​ളി​ൽ ക​ർ​ശ​ന​മാ​യി ഒ​ഴി​വാ​ക്കാ​ണം. വാ​ഹ​ന​ങ്ങ​ളി​ൽ ഘ​ടി​പ്പി​ച്ച ജി.​പി.​എ​സ് സം​വി​ധാ​നം സു​ര​ക്ഷ​മി​ത്ര സോ​ഫ്റ്റ്​​വെ​യ​റു​മാ​യി ബ​ന്ധി​പ്പി​ച്ച് ടാ​ഗ് ചെ​യ്തി​ട്ടു​ണ്ടെ​ന്ന് ഉ​റ​പ്പു​വ​രു​ത്തേ​ണ്ട​താ​ണ്. കൂ​ടാ​തെ വി​ദ്യാ​വാ​ഹ​ൻ ആ​പ്പു​മാ​യും ടാ​ഗ്​ ചെ​യ്യ​ണം.

എ​ന്നാ​ൽ മാ​ത്ര​മേ സ്‌​കൂ​ൾ വാ​ഹ​ന​ങ്ങ​ളു​ടെ വി​വ​രം മോ​ട്ടോ​ർ വാ​ഹ​ന വ​കു​പ്പി​ന്റെ സു​ര​ക്ഷ​മി​ത്ര പോ​ർ​ട്ട​ലി​ൽ ല​ഭ്യ​മാ​വു​ക​യു​ള്ളൂ. അ​ത്യാ​വ​ശ്യ​ഘ​ട്ട​ങ്ങ​ളി​ൽ യാ​ത്ര​ക്കാ​ർ​ക്ക്​ സ​ഹാ​യം തേ​ടാ​ൻ പാ​നി​ക് ബ​ട്ട​ണു​ക​ൾ വാ​ഹ​ന​ത്തി​ൽ ഘ​ടി​പ്പി​ച്ചി​ട്ടു​ണ്ടെ​ന്ന് ഉ​റ​പ്പു​വ​രു​ത്തു​ക. തു​ട​ങ്ങി​യ പൊ​തു​നി​ർ​ദേ​ശ​ങ്ങ​ൾ പാ​ലി​ച്ചാ​ണ് സ്‌​കൂ​ൾ വാ​ഹ​ന​ങ്ങ​ളു​ടെ പ​രി​ശോ​ധ​ന പൂ​ര്‍ത്തി​യാ​ക്കി​യ​ത്. പ​രി​ശോ​ധ​ന​യി​ൽ വി​ജ​യി​ക്കു​ന്ന വാ​ഹ​ന​ങ്ങ​ളി​ൽ മോ​ട്ടോ​ർ വാ​ഹ​ന വ​കു​പ്പ് സ്റ്റി​ക്ക​ർ പ​തി​ക്കും.