നെയ്യശേരി- തോക്കുമ്പൻ റോഡ്- നിബന്ധനകളുമായി കെ.എസ്.ഇ.ബി, വഴങ്ങാതെ കെ.എസ്.ടി.പി

തൊ​ടു​പു​ഴ: നെ​യ്യ​ശേ​രി- തോ​ക്കു​മ്പ​ൻ റോ​ഡ്​ പ​ണി​ക്ക്​ ഏ​ർ​പെ​ടു​ത്തി​യ സ്റ്റോ​പ്പ്‌ മെ​മ്മോ ഒ​ഴി​വാ​ക്കാ​ൻ നി​ബ​ന്ധ​ന​ക​ളു​മാ​യി കെ.​എ​സ് ഇ.​ബി. വ​ഴ​ങ്ങാ​തെ കെ.​എ​സ്‌.​ടി.​പി​യും. വൈ​ദ്യൂ​തി പോ​സ്റ്റു​ക​ൾ മാ​റ്റാ​ൻ ന​ഷ്ട പ​രി​ഹാ​ര​മാ​യി വ​ലി​യ തു​ക​യാ​ണ്​ കെ. ​എ​സ്‌.​ഇ.​ബി ആ​വ​ശ്യ​പ്പെ​ടു​ന്ന​ത്. കൂ​ടാ​തെ അ​രി​കി​ലേ​ക്ക്​ മാ​റ്റേ​ണ്ട 300 പോ​സ്റ്റു​ക​ളു​ടെ കാ​ര്യ​ത്തി​ലും ത​ർ​ക്കം തു​ട​രു​ക​യാ​ണ്. നെ​യ്യ​ശ്ശേ​രി -തോ​ക്കു​മ്പ​ൻ റോ​ഡി​ന്‍റെ പ​ണി ഇ​തോ​ടെ അ​വ​താ​ള​ത്തി​ലാ​യി.

റോ​ഡു ക​ട​ന്നു​പോ​കു​ന്ന വ​ഴി​യി​ലെ വൈ​ദ്യു​തി തൂ​ണു​ക​ള്‍ അ​രി​കി​ലേ​ക്ക്​ മാ​റ്റു​ന്ന​തു​മാ​യി ബ​ന്ധ​പ്പെ​ട്ട് ര​ണ്ട്​ ഏ​ജ​ന്‍സി​ക​ളും ത​മ്മി​ല്‍ ത​ര്‍ക്കം ഉ​ട​ലെ​ടു​ത്തി​ട്ട്‌ നാ​ളു​ക​ളാ​കു​ന്നു. പ്ര​ശ്​​നം പ​രി​ഹ​രി​ക്കാ​ന്‍ പൊ​തു​മ​രാ​മ​ത്ത്​ മ​ന്ത്രി​യോ വൈ​ദ്യു​തി​ മ​ന്ത്രി​യോ ശ്ര​മി​ക്കു​ന്നി​ല്ലെ​ന്ന് നാ​ട്ടു​കാ​ര്‍ ആ​രോ​പി​ക്കു​ന്നു.

ഇ​തി​നി​ടെ പി.​ജെ ജോ​സ​ഫ്​ എം.​എ​ല്‍.​എ.​യു​ടെ നേ​തൃ​ത്വ​ത്തി​ൽ പ്ര​ശ്ന പ​രി​ഹാ​ര​ത്തി​ന് ഒ​രു​മാ​സം മു​മ്പ്‌ യോ​ഗം ചേ​ര്‍ന്നി​രു​ന്നു. അ​ന്ന​ത്തെ തീ​രു​മാ​ന​പ്ര​കാ​രം വൈ​ദ്യു​തി പോ​സ്റ്റു​ക​ൾ റോ​ഡ​രി​കി​ലേ​ക്ക്​ മാ​റ്റു​ന്ന​ത്​ വി​ല​ക്കി കെ.​എ​സ്‌.​ഇ.​ബി. മു​മ്പ് ന​ല്‍കി​യ മെ​മ്മോ പി​ന്‍വ​ലി​ക്കു​മെ​ന്ന് പ​റ​ഞ്ഞി​രു​ന്നു. ക​ഴി​ഞ്ഞ ദി​വ​സം വ​ണ്ണ​പ്പു​റം പ​ഞ്ചാ​യ​ത്ത്​ പ്ര​സി​ഡ​ന്‍റ്​ എം.​എ. ബി​ജു പ​ഞ്ചാ​യ​ത്തി​ല്‍ യോ​ഗം വി​ളി​ച്ചു. അ​വി​ടെ​യും കെ.​എ​സ്.​ഇ.​ബി യു​ടെ നി​ല​പാ​ട്‌ റോ​ഡു​പ​ണി ത​ട​സ്സ​പ്പെ​ടു​ത്തു​ന്ന വി​ധ​ത്തി​ലാ​ണെ​ന്ന ആ​ക്ഷേ​പം നി​ല​നി​ല്‍ക്കു​ന്നു.