മലങ്കര-മീനച്ചില്‍ കുടിവെള്ള പദ്ധതിക്ക്​ ഭരണാനുമതി

തൊ​ടു​പു​ഴ: മ​ല​ങ്ക​ര ജ​ലാ​ശ​യ​ത്തി​ൽ​നി​ന്ന്​ കോ​ട്ട​യം ജി​ല്ല​യി​ലെ 13 പ​ഞ്ചാ​യ​ത്തി​ല്‍ കു​ടി​വെ​ള്ളം എ​ത്തി​ക്കു​ന്ന മ​ല​ങ്ക​ര- മീ​ന​ച്ചി​ല്‍ കു​ടി​വെ​ള്ള പ​ദ്ധ​തി​ക്ക് ഭ​ര​ണാ​നു​മ​തി ന​ല്‍കി​യ​താ​യി മ​ന്ത്രി റോ​ഷി അ​ഗ​സ്റ്റ്യ​ന്‍ അ​റി​യി​ച്ചു. 1250 കോ​ടി​യു​ടെ പ​ദ്ധ​തി​യി​ലൂ​ടെ അ​ര​ല​ക്ഷ​ത്തോ​ളം കു​ടും​ബ​ങ്ങ​ള്‍ക്ക് വ​ര്‍ഷം മു​ഴു​വ​ന്‍ കു​ടി​വെ​ള്ളം ല​ഭ്യ​മാ​കും. നീ​ലൂ​രി​ല്‍ സ്ഥാ​പി​ക്കു​ന്ന ജ​ല​ശു​ദ്ധീ​ക​ര​ണ ശാ​ല​യി​ല്‍നി​ന്ന് പ്ര​തി​ദി​നം 40 ദ​ശ​ല​ക്ഷം ലി​റ്റ​ര്‍ കു​ടി​വെ​ള്ളം വി​ത​ര​ണം ചെ​യ്യാ​ൻ ഉ​ദ്ദേ​ശി​ച്ചു​ള്ള​താ​ണ്​ പ​ദ്ധ​തി.

1998ല്‍ ​അ​ന്ന​ത്തെ മ​ന്ത്രി​യാ​യി​രു​ന്ന കെ.​എം. മാ​ണി​യു​ടെ നേ​തൃ​ത്വ​ത്തി​ല്‍ വി​ഭാ​വ​നം ചെ​യ്ത​താ​ണ് പ​ദ്ധ​തി. ഒ​ന്നേ​മു​ക്കാ​ല്‍ ഏ​ക്ക​റോ​ളം ഭൂ​മി ഇ​തി​നാ​യി ഏ​റ്റെ​ടു​ത്തി​രു​ന്നു.

എ​ന്നാ​ല്‍, സാ​മ്പ​ത്തി​ക പ്ര​തി​സ​ന്ധി​മൂ​ലം പ​ദ്ധ​തി നീ​ണ്ടു. കു​ടി​വെ​ള്ള ക്ഷാ​മം നേ​രി​ടു​ന്ന 13 പ​ഞ്ചാ​യ​ത്തി​ല്‍ ജ​ൽ ജീ​വ​ന്‍ മി​ഷ​നി​ലൂ​ടെ പ​ദ്ധ​തി ന​ട​പ്പാ​ക്കാ​നാ​ണ്​ നീ​ക്കം. മൂ​ന്നി​ല​വ്, മേ​ലു​കാ​വ്, ക​ട​നാ​ട്, രാ​മ​പു​രം, തി​ട​നാ​ട്, ഭ​ര​ണ​ങ്ങാ​നം, മീ​ന​ച്ചി​ല്‍, ത​ല​പ്പ​ലം, ത​ല​നാ​ട്, തീ​ക്കോ​യി, പൂ​ഞ്ഞാ​ര്‍, പൂ​ഞ്ഞാ​ര്‍ തെ​ക്കേ​ക്ക​ര, കൂ​ട്ടി​ക്ക​ല്‍ പ​ഞ്ചാ​യ​ത്തു​ക​ൾ​ക്കാ​ണ്​ പ​ദ്ധ​തി​യു​ടെ പ്ര​യോ​ജ​നം ല​ഭി​ക്കു​ക.

ഈ ​പ​ദ്ധ​തി​ക്ക് ബ​ദ​ലാ​യി കൂ​റ്റ​നാ​ല്‍ ക​ട​വി​ലും ക​ള​രി​യാ​മാ​ക്ക​ലി​ലും മീ​ന​ച്ചി​ലാ​റി​ന് കു​റു​കെ ചെ​ക്ക് ഡാ​മു​ക​ള്‍ നി​ര്‍മി​ച്ച് മൂ​ന്നു പ​ദ്ധ​തി​ക​ളാ​യി മ​റ്റൊ​രു പ​ദ്ധ​തി പ​രി​ഗ​ണി​ച്ചി​രു​ന്നു. എ​ന്നാ​ല്‍, മീ​ന​ച്ചി​ലാ​റി​ലെ ജ​ല​ദൗ​ര്‍ല​ഭ്യം ക​ണ​ക്കി​ലെ​ടു​ത്ത്​ ഉ​പേ​ക്ഷി​ക്കു​ക​യാ​യി​രു​ന്നു.

മ​ല​ങ്ക​ര കു​ടി​വെ​ള്ള പ​ദ്ധ​തി​ക്ക്​ ചെ​ല​വ് കൂ​ടു​ത​ലാ​ണെ​ങ്കി​ലും വ​ര്‍ഷം മു​ഴു​വ​ന്‍ ജ​ല​ല​ഭ്യ​ത ഉ​റ​പ്പാ​ക്കാ​നാ​കും. ജ​ൽ ജീ​വ​ന്‍ മി​ഷ​ന്‍റെ പ്ര​ധാ​ന പ​ദ്ധ​തി​ക​ളി​ലൊ​ന്നാ​ണ് ഇ​തെ​ന്ന് മ​ന്ത്രി റോ​ഷി അ​ഗ​സ്റ്റ്യ​ന്‍ പ​റ​ഞ്ഞു. പ​ദ്ധ​തി ന​ട​ത്തി​പ്പു​മാ​യി ബ​ന്ധ​പ്പെ​ട്ട് സ്ഥ​ലം എം.​എ​ൽ.​എ​മാ​രു​ടെ​യും ജ​ന​പ്ര​തി​നി​ധി​ക​ളു​ടെ​യും ഉ​ദ്യോ​ഗ​സ്ഥ​രു​ടെ​യും യോ​ഗം വി​ളി​ക്കു​മെ​ന്നും മ​ന്ത്രി അ​റി​യി​ച്ചു.