തോട്ടം തൊഴിലാളികളുടെ ഉന്നമനത്തിന്​ ക്ഷീരലയം പദ്ധതി

തൊ​ടു​പു​ഴ: തോ​ട്ടം തൊ​ഴി​ലാ​ളി​ക​ളു​ടെ സാ​മൂ​ഹി​ക സാ​മ്പ​ത്തി​ക ഉ​ന്ന​മ​ന​ത്തി​നും ക്ഷീ​ര മേ​ഖ​ല​യി​ലേ​ക്ക് കൂ​ടു​ത​ൽ പേ​രെ ആ​ക​ർ​ഷി​ക്കാ​നു​മാ​യി ക്ഷീ​ര​ല​യം പ​ദ്ധ​തി​ക്ക്​ തു​ട​ക്ക​മാ​കു​ന്നു.

തോ​ട്ടം തൊ​ഴി​ലാ​ളി​ക​ൾ​ക്ക് പ​ശു വ​ള​ർ​ത്ത​ലി​ലൂ​ടെ സ്ഥി​ര​വ​രു​മാ​ന​വും പാ​ൽ ഉ​ൽ​പാ​ദ​ന വ​ർ​ധ​ന​യും ല​ക്ഷ്യ​മി​ട്ട പ​ദ്ധ​തി മൂ​ന്നാ​റി​ലാ​ണ് ക്ഷീ​ര വി​ക​സ​ന വ​കു​പ്പി​ന്‍റെ നേ​തൃ​ത്വ​ത്തി​ൽ ആ​രം​ഭി​ക്കു​ക. തൊ​ഴി​ലാ​ളി​ക​ളു​ടെ പ​ശു​ക്ക​ൾ തു​റ​ന്ന​സ്ഥ​ല​ത്ത് മേ​യു​ന്ന​തും അ​വ​യെ വ​ന്യ​ജീ​വി​ക​ൾ ആ​ക്ര​മി​ക്കു​ന്ന​തും പ​തി​വാ​ണ്. ഇ​തി​ന് പ​ദ്ധ​തി പ​രി​ഹാ​ര​മാ​കു​മെ​ന്ന് അ​ധി​കൃ​ത​ർ പ​റ​ഞ്ഞു. പ​ദ്ധ​തി​യി​ലൂ​ടെ 10 പേ​ർ​ക്കാ​യി 10 പ​ശു​ക്ക​ളെ ഉ​ൾ​ക്കൊ​ള്ളു​ന്ന തൊ​ഴു​ത്ത് വ​കു​പ്പ് നി​ർ​മി​ച്ച് ന​ൽ​കും. പ​ശു​ക്ക​ൾ​ക്ക് ഉ​ൾ​പ്പെ​ടെ 14 ല​ക്ഷം രൂ​പ​യാ​ണ് ചെ​ല​വ്. ഇ​തി​ൽ 11 ല​ക്ഷ​വും സ​ബ്സി​ഡി​യാ​ണ്‌. ക​ണ്ണ​ൻ ദേ​വ​ൻ ഹി​ൽ​സ് പ്ലാ​ന്റേ​ഷ​ൻ​സ് ക​മ്പ​നി പ്രൈ​വ​റ്റ് ലി​മി​റ്റ​ഡ് ന​ൽ​കു​ന്ന സ്ഥ​ല​ത്താ​ണ് ക്ഷീ​ര​ല​യം നി​ർ​മി​ക്കു​ക. ക​മ്പ​നി ന​ൽ​കു​ന്ന 50 സെ​ന്റി​ൽ പു​ൽ​കൃ​ഷി​യും ആ​രം​ഭി​ക്കും. ചാ​ണ​ക​ത്തി​ൽ​നി​ന്നു​ള്ള ബ​യോ​ഗ്യാ​സും കു​ടും​ബ​ങ്ങ​ൾ​ക്ക് ന​ൽ​കും. മൂ​ന്നാ​ർ ല​ക്ഷ്‍മി ക്ഷീ​ര​സം​ഘ​ത്തി​ൽ ര​ജി​സ്റ്റ​ർ ചെ​യ്‍ത​വ​രാ​ണ്‌ ആ​ദ്യ​ഗു​ണ​ഭോ​ക്താ​ക്ക​ൾ. പീ​രു​മേ​ട്ടി​ൽ ക്ഷീ​ര​ല​യം തു​ട​ങ്ങു​മെ​ന്നും അ​ധി​കൃ​ത​ർ പ​റ​ഞ്ഞു. പ​ദ്ധ​തി​യി​ലൂ​ടെ ജി​ല്ല​യി​ൽ ഈ ​വ​ർ​ഷം പാ​ൽ ഉ​ൽ​പാ​ദ​നം വ​ർ​ധി​ക്കു​മെ​ന്നാ​ണ്​ പ്ര​തീ​ക്ഷ. ക​ഴി​ഞ്ഞ ര​ണ്ട് സാ​മ്പ​ത്തി​ക വ​ർ​ഷ​ത്തി​ൽ ല​ഭി​ച്ച ഉ​ൽ​പാ​ദ​ന തോ​ത് നി​ല​നി​ർ​ത്താ​നാ​കും. 2021–22 സാ​മ്പ​ത്തി​ക വ​ർ​ഷ​ത്തി​ൽ 6.70 കോ​ടി ലി​റ്റ​ർ പാ​ലാ​ണ് ജി​ല്ല​യി​ൽ ഉ​ൽ​പാ​ദി​പ്പി​ച്ച​ത്. 2022–23ൽ ​ഇ​ത് 6.29 ആ​യി. ഈ ​സാ​മ്പ​ത്തി​ക വ​ർ​ഷം ഇ​തു​വ​രെ നാ​ലു​കോ​ടി​ക്ക​ടു​ത്ത് ലി​റ്റ​ർ ഉ​ൽ​പാ​ദി​പ്പി​ച്ചു. മേ​ഖ​ല​യി​ലേ​ക്ക് കൂ​ടു​ത​ൽ യു​വാ​ക്ക​ളെ ആ​ക​ർ​ഷി​ക്കാ​ൻ കി​ടാ​രി പാ​ർ​ക്കു​ക​ൾ സം​സ്ഥാ​ന​ത്ത് ആ​രം​ഭി​ച്ച​തി​ൽ ആ​ദ്യ​ത്തേ​ത് ജി​ല്ല​യി​ലെ വാ​ത്തി​ക്കു​ടി​യി​ലാ​ണ് സ്ഥാ​പി​ച്ച​ത്. കാ​ലി​ത്തീ​റ്റ​യു​ടെ വി​ല​വ​ർ​ധ​ന മേ​ഖ​ല​യെ പ്ര​തി​കൂ​ല​മാ​യി ബാ​ധി​ച്ചി​ട്ടു​ണ്ട്. കാ​ലി​ത്തീ​റ്റ​ക്കൊ​പ്പം പ​ച്ച​പ്പു​ൽ ന​ൽ​കു​ന്ന​ത് തീ​റ്റ​വി​ല പി​ടി​ച്ചു​നി​ർ​ത്തും. പ​ശു​ക്ക​ൾ​ക്ക് ഗ​ർ​ഭ​ധാ​ര​ണ​ത്തി​നും തൂ​ക്കം കൂ​ടാ​നും ആ​രോ​ഗ്യം മെ​ച്ച​പ്പെ​ടാ​നും സ​ഹാ​യി​ക്കും. ജി​ല്ല​യി​ൽ എ​ല്ലാ വ​ർ​ഷ​വും 100 ഹെ​ക്ട​റി​ലേ​റെ സ്ഥ​ല​ത്ത് പു​ൽ​കൃ​ഷി​ക്കു​ള്ള ധ​ന​സ​ഹാ​യ​വും സൗ​ജ​ന്യ പു​ൽ​ക്ക​ട വി​ത​ര​ണ​വു​മു​ണ്ട്‌.