കൂറുമാറ്റം: കരിമണ്ണൂര്‍ പഞ്ചായത്ത്​ അംഗം ഡി. ദേവസ്യയെ അയോഗ്യനാക്കി

തൊ​ടു​പു​ഴ: ക​രി​മ​ണ്ണൂ​ര്‍ പ​ഞ്ചാ​യ​ത്ത്​ അം​ഗം ഡി.​ദേ​വ​സ്യ​യെ കൂ​റു​മാ​റ്റ നി​രോ​ധ​ന നി​യ​മ​പ്ര​കാ​രം സം​സ്ഥാ​ന തെ​ര​ഞ്ഞെ​ടു​പ്പ്‌ ക​മീ​ഷ​ന്‍ അ​യോ​ഗ്യ​നാ​ക്കി. 2015ല്‍ ​കോ​ണ്‍ഗ്ര​സ് സ്ഥാ​നാ​ര്‍ഥി​യാ​യി കൈ​പ്പ​ത്തി ചി​ഹ്ന​ത്തി​ല്‍ മ​ത്സ​രി​ച്ച്​ വി​ജ​യി​ച്ച​തി​നു ശേ​ഷം പാ​ര്‍ട്ടി വി​പ്പ്‌ ലം​ഘി​ച്ച്‌ എ​ല്‍.​ഡി.​എ​ഫ്‌ പി​ന്തു​ണ​യോ​ടെ പ​ഞ്ചാ​യ​ത്ത്‌ പ്ര​സി​ഡ​ന്‍റാ​യ​താ​ണ്​ അ​യോ​ഗ്യ​ത​ക്ക്​​ കാ​ര​ണ​മാ​യ​ത്‌. യു.​ഡി.​എ​ഫ്​ ധാ​ര​ണ​പ്ര​കാ​രം കേ​ര​ള കോ​ൺ​ഗ്ര​സി​ലെ ടോ​ജോ പോ​ൾ രാ​ജി​വെ​ച്ച ഒ​ഴി​വി​ൽ ന​ട​ന്ന തെ​ര​ഞ്ഞെ​ടു​പ്പി​ലാ​ണ് അ​ട്ടി​മ​റി ന​ട​ന്ന​ത്. ഇ​​തോ​ടെ യു.​ഡി.​എ​ഫി​ന്‌ ഭ​ര​ണ​വും ന​ഷ്ട​പ്പെ​ട്ടു.

അ​ന്ന്‌ യു.​ഡി.​എ​ഫി​ന്‍റെ പ്ര​സി​ഡ​ന്‍റ്​ സ്ഥാ​നാ​ർ​ഥി​യാ​യി​രു​ന്ന സി​ബി കു​ഴി​ക്കാ​ട്ടി​ലാ​ണ്‌ പ​രാ​തി​യു​മാ​യി തെ​ര​ഞ്ഞെ​ടു​പ്പ്​ ക​മീ​ഷ​നെ സ​മീ​പി​ച്ച​ത്‌. 2015ല്‍ ​ക​രി​മ​ണ്ണൂ​ര്‍ ടൗ​ണ്‍ വാ​ര്‍ഡി​നെ​യാ​ണ്‌ ഡി. ​ദേ​വ​സ്യ പ്ര​തി​നി​ധീ​ക​രി​ച്ച​ത്‌. അ​ന്ന് യു.​ഡി.​എ​ഫ്​​ എ​ട്ട്, എ​ൽ.​ഡി.​എ​ഫ്​​ ആ​റ്​ എ​ന്നി​ങ്ങ​നെ​യാ​യി​രു​ന്നു ക​ക്ഷി​നി​ല. കോ​ൺ​ഗ്ര​സു​കാ​ര​നാ​യ ഡി. ​ദേ​വ​സ്യ കൂ​റു​മാ​റി എ​ൽ.​ഡി.​എ​ഫി​ൽ എ​ത്തി പ്ര​സി​ഡ​ന്‍റ്​ സ്ഥാ​നാ​ർ​ഥി​യാ​യി.

പ്ര​സി​ഡ​ന്‍റ്​ തെ​ര​ഞ്ഞെ​ടു​പ്പി​ൽ ഇ​രു​വ​ർ​ക്കും തു​ല്യ വോ​ട്ട് കി​ട്ടു​ക​യും തു​ട​ർ​ന്ന് ന​റു​ക്കെ​ടു​പ്പി​ലൂ​ടെ ഡി. ​ദേ​വ​സ്യ പ്ര​സി​ഡ​ന്‍റാ​യി തെ​ര​ഞ്ഞെ​ടു​ക്ക​പ്പെ​ടു​ക​യു​മാ​യി​രു​ന്നു. 2020ലെ ​തെ​ര​ഞ്ഞെ​ടു​പ്പി​ല്‍ എ​ൽ.​ഡി.​എ​ഫ്‌ സ്വ​ത​ന്ത്ര​നാ​യി ഒ​മ്പ​താം​വാ​ര്‍ഡ്‌ പ​ന്നൂ​രി​ല്‍നി​ന്നു​മാ​ണ്‌ വി​ജ​യി​ച്ച​ത്‌. അ​യോ​ഗ്യ​നാ​ക്ക​പ്പെ​ട്ട​തോ​ടെ ആ​റു​വ​ര്‍ഷ​ത്തേ​ക്ക്​ തെ​ര​ഞ്ഞെ​ടു​പ്പി​ൽ മ​ത്സ​രി​ക്കാ​ൻ ക​ഴി​യി​ല്ല. നി​ല​വി​ലെ പ​ഞ്ചാ​യ​ത്ത്​ അം​ഗ​ത്വം ന​ഷ്ട​മാ​കും. 14അം​ഗ ഭ​ര​ണ​സ​മി​തി​യി​ല്‍ എ​ല്‍.​ഡി.​എ​ഫ്‌ എ​ട്ട്‌, യു.​ഡി.​എ​ഫ്‌ ആ​റ്‌ എ​ന്ന​താ​ണ്‌ ഇ​പ്പോ​ഴ​ത്തെ ക​ക്ഷി​നി​ല. ഡി. ​ദേ​വ​സ്യ അ​യോ​ഗ്യ​നാ​യെ​ങ്കി​ലും ഒ​രീ അം​ഗ​ത്തി​ന്‍റെ ഭൂ​രി​പ​ക്ഷ​മു​ള്ള​തി​നാ​ൽ എ​ല്‍.​ഡി.​എ​ഫി​ന്‌ ഭ​ര​ണം നി​ല​നി​ര്‍ത്താ​ന്‍ ബു​ദ്ധി​മു​ട്ടി​ല്ല. അ​യോ​ഗ്യ​നാ​ക്കി​യ വി​ധി​ക്കെ​തി​രെ ഹൈ​കോ​ട​തി​യെ സ​മീ​പി​ക്കു​മെ​ന്ന്‌ ദേ​വ​സ്യ പ​റ​ഞ്ഞു.