തൊണ്ടിവാഹനങ്ങളാൽ ശ്വാസം മുട്ടി പൊലീസ്​ സ്​റ്റേഷനുകൾ

തൊ​ടു​പു​ഴ: കേ​സു​ക​ളി​ൽ​പെ​ട്ടും മ​റ്റു​മാ​യി സ്​​റ്റേ​ഷ​ൻ പ​രി​സ​ര​ത്ത്​ കൊ​ണ്ടി​ടു​ന്ന വാ​ഹ​ന​ങ്ങ​ളാ​ൽ വീ​ർ​പ്പു​മു​ട്ടു​ക​യാ​ണ്​ ജി​ല്ല​യി​ലെ വി​വി​ധ പൊ​ലീ​സ്​ സ്​​റ്റേ​ഷ​നു​ക​ൾ. പ​ല​യി​ട​ങ്ങ​ളും വാ​ഹ​ന​ങ്ങ​ൾ കാ​ടു​മൂ​ടി ഇ​ഴ​ജ​ന്തു​ക്ക​ളു​ടെ വാ​സ​സ്ഥ​ല​മാ​യി മാ​റി​ക്ക​ഴി​ഞ്ഞു.​ ലോ​റി​യും കാ​റും ബൈ​ക്കും ജീ​പ്പു​മ​ട​ക്കം നി​ര​വ​ധി വാ​ഹ​ന​ങ്ങ​ളാ​ണ്​ ഇ​ത്ത​ര​ത്തി​ൽ കാ​ടു​മൂ​ടി​യും തു​രു​മ്പെ​ടു​ത്തും ന​ശി​ക്കു​ന്ന​ത്. വേ​ന​ൽ ക​ടു​ത്ത​തോ​ടെ തീ​പി​ടി​ക്കാ​നു​ള്ള സാ​ധ്യ​ത​യു​മേ​റി.

അ​പ​ക​ട​ങ്ങ​ൾ ഉ​ൾ​പ്പെ​ടെ​യു​ള്ള​ കേ​സു​ക​ളു​മാ​യി ബ​ന്ധ​പ്പെ​ട്ട്​ പൊ​ലീ​സ്​ ക​സ്റ്റ​ഡി​യി​ലു​ള്ള നി​ര​വ​ധി വാ​ഹ​ന​ങ്ങ​ളാ​ണ് ഇ​ങ്ങ​നെ സ്റ്റേ​ഷ​ൻ പ​രി​സ​ര​ത്ത് കി​ട​ക്കു​ന്ന​ത്. ജി​ല്ല​യി​ലെ സ്റ്റേ​ഷ​നു​ക​ളി​ൽ ഇ​ങ്ങ​നെ​യു​ള്ള അ​ഞ്ഞൂ​റി​ല​ധി​കം വാ​ഹ​ന​ങ്ങ​ളു​ണ്ടെ​ന്നാ​ണ്​ വി​വ​രം. തൊ​ടു​പു​ഴ പൊ​ലീ​സ്​ സ്​​റ്റേ​ഷ​ൻ സ്റ്റേ​ഷ​ൻ പ​രി​സ​ര​ത്ത് മാ​ത്ര​മു​ള്ള​ത്​ നൂ​റി​ല​ധി​കം വാ​ഹ​ന​ങ്ങ​ളാ​ണ്.​ അ​തി​ൽ പ​ല​തും ഉ​പ​യോ​ഗ​ശൂ​ന്യ​മാ​ണ്. കു​മ​ളി, ക​മ്പം​മെ​ട്ട് തു​ട​ങ്ങി​യ പൊ​ലീ​സ് സ്റ്റേ​ഷ​ൻ പ​രി​ധി​ക​ളി​ൽ ല​ഹ​രി ക​ട​ത്തി​ന് ഉ​പ​യോ​ഗി​ച്ച വാ​ഹ​ന​ങ്ങ​ള​ട​ക്കം പി​ടി​ച്ചെ​ടു​ത്ത​വ​യി​ലു​ണ്ട്​.

കു​മ​ളി, വ​ണ്ട​ൻ​മേ​ട്, മ​റ​യൂ​ർ തു​ട​ങ്ങി​യ സ്റ്റേ​ഷ​നു​ക​ളി​ൽ മ​ണ​ൽ ക​ട​ത്തി​യ വാ​ഹ​ന​ങ്ങ​ളും പി​ടി​കൂ​ടി​യി​ട്ടു​ണ്ട്. ഇ​ത്ത​രം കേ​സു​ക​ൾ തീ​രാ​ൻ ഏ​റെ​ക്കാ​ല​മെ​ടു​ക്കും. അ​ത്ര​യും​കാ​ലം വാ​ഹ​ന​ങ്ങ​ൾ സ്റ്റേ​ഷ​ൻ പ​രി​സ​ര​ത്ത് കി​ട​ക്കും. കേ​സി​ൽ​പെ​ട്ട വാ​ഹ​ന​ങ്ങ​ൾ കോ​ട​തി നി​യ​ന്ത്ര​ണ​ത്തി​ലാ​യ​തി​നാ​ൽ ലേ​ലം ചെ​യ്യ​ണ​മെ​ങ്കി​ലും കോ​ട​തി അ​നു​മ​തി വേ​ണം.

ഉ​പ്പു​ത​റ -നാ​ല്, വ​ണ്ടി​പ്പെ​രി​യാ​ർ -21, ക​ട്ട​പ്പ​ന -50, വ​ണ്ട​ൻ​മേ​ട് -20, കു​മ​ളി -23, മു​ട്ടം -16, കാ​ളി​യാ​ർ -31, പീ​രു​മേ​ട് -66, പെ​രു​വ​ന്താ​നം -15, മ​റ​യൂ​ർ -42, വാ​ഗ​മ​ൺ -16, ക​രി​ങ്കു​ന്നം -മൂ​ന്ന്, നെ​ടു​ങ്ക​ണ്ടം - ഒ​മ്പ​ത്, ക​മ്പം​മെ​ട്ട് -30, ഇ​ടു​ക്കി -46, മു​രി​ക്കാ​ശ്ശേ​രി -15, ത​ങ്ക​മ​ണി -ര​ണ്ട്, ക​ഞ്ഞി​ക്കു​ഴി -25 എ​ന്നി​ങ്ങ​നെ​യാ​ണ്​ ജി​ല്ല​യി​ലെ പൊ​ലീ​സ്​ സ്​​റ്റേ​ഷ​നു​ക​ളി​ലെ നി​ർ​ത്തി​യി​ട്ട വാ​ഹ​ന​ങ്ങ​ളു​ടെ ഏ​ക​ദേ​ശ ക​ണ​ക്ക്. വ​ർ​ഷ​ങ്ങ​ൾ​ക്ക്​ മു​മ്പ്​​ കേ​സു​ക​ളു​മാ​യി ബ​ന്ധ​പ്പെ​ട്ട്​ ക​സ്​​റ്റ​ഡി​യി​ലെ​ടു​ത്ത വാ​ഹ​ന​ങ്ങ​ൾ​വ​രെ സ്​​റ്റേ​ഷ​ൻ പ​രി​സ​ര​ങ്ങ​ളി​ലു​ണ്ട്​.

പൊ​ലീ​സ്​ ന​ട​പ​ടി​ക​ളു​ടെ ഭാ​ഗ​മാ​യി ക​സ്റ്റ​ഡി​യി​ലെ​ടു​ക്കു​ന്ന വാ​ഹ​ന​ങ്ങ​ളി​ൽ ചി​ല​ത്​ തി​രി​ച്ചെ​ടു​ക്കാ​ൻ ഉ​ട​മ​ക​ൾ വ​രാ​ത്ത സം​ഭ​വ​ങ്ങ​ളു​​മു​ണ്ട്. വ്യ​ക്ത​മാ​യ രേ​ഖ​ക​ൾ ഇ​ല്ലാ​ത്ത വാ​ഹ​ന​ങ്ങ​ളും പ​ല​രും ഉ​പേ​ക്ഷി​ക്കാ​റു​ണ്ട്.