Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightIdukkichevron_rightThodupuzhachevron_rightഏലത്തോട്ടങ്ങളിൽ;...

ഏലത്തോട്ടങ്ങളിൽ; അനധികൃത കുഴൽക്കിണറുകൾ വ്യാപകം

text_fields
bookmark_border
ഏലത്തോട്ടങ്ങളിൽ; അനധികൃത കുഴൽക്കിണറുകൾ വ്യാപകം
cancel

തൊ​ടു​പു​ഴ: ഇ​ടു​ക്കി​യി​ൽ ഏ​ല​ത്തോ​ട്ട​ങ്ങ​ളി​ല​ട​ക്കം അ​ന​ധി​കൃ​​ത കു​ഴ​ൽ കി​ണ​റു​ക​ൾ വ്യാ​പ​കം. യാ​തൊ​രു മാ​ന​ദ​ണ്ഡ​ങ്ങ​ളും പാ​ലി​ക്കാ​തെ​യാ​ണ്​ ജി​ല്ല​യി​ൽ കു​ഴ​ൽ കി​ണ​റു​ക​ൾ കു​ഴി​ക്കു​ന്ന​ത്. ​വേ​ന​ൽ തു​ട​ങ്ങി​യ​തോ​ടെ ​ കു​ഴ​ൽ കി​ണ​ർ കു​ഴി​ക്കാ​ൻ ത​മി​ഴ്​​നാ​ട്ടി​ൽ നി​ന്നു​ള്ള​വ​ര​ട​ക്കം എ​ത്തി ത​മ്പ​ടി​ച്ചി​രി​ക്കു​ക​യാ​ണ്. ലൈ​സ​ൻ​സ്​ ഉ​ള്ള​വ​രെ മ​റി​ക​ട​ന്ന്​ ന​ട​ക്കു​ന്ന കു​ഴ​ൽ കി​ണ​ർ നി​ർ​മാ​ണ​ത്തി​ന്​ പി​ന്നി​ൽ വ​ലി​യ ലോ​ബി​ക​ൾ ത​ന്നെ പ്ര​വ​ർ​ത്തി​ക്കു​ന്നു​ണ്ട്.

ഒ​രു എ​സ്​​റ്റേ​റ്റി​ൽ ത​ന്നെ മൂ​ന്നും നാ​ലും കു​ഴ​ൽ കി​ണ​റു​ക​ളാ​ണ്​ നി​ർ​മി​ക്കു​ന്ന​ത്. 1000 മു​ത​ൽ 1500 അ​ടി​വ​രെ​യാ​ണ്​ ഇ​തി​നാ​യി താ​ഴ്ത്തു​ന്ന​ത്. ഒ​രി​ട​ത്ത്​ നി​ന്ന്​ മ​റ്റൊ​രി​ട​ത്തേ​ക്ക്​ കു​ഴ​ൽ കി​ണ​റു​ക​ളി​ലെ വെ​ള്ളം എ​ത്തി​ക്കു​ക​യും ചെ​യ്യു​ന്നു​ണ്ട്. രാ​ത്രി​കാ​ല​ങ്ങ​ളി​ൽ പോ​ലും ഇ​വി​ട​ങ്ങ​ളി​ൽ ജ​ല​ചൂ​ഷ​ണം ന​ട​ക്കു​ന്ന​താ​യാ​ണ്​ വി​വ​രം. വ​ലി​യ എ​സ്​​റ്റേ​റ്റു​ക​ളാ​യ​തി​നാ​ൽ അ​ധി​കൃ​ത​ർ​ക്ക്​ ഇ​വി​ടേ​ക്ക്​ എ​ത്തി​പ്പെ​ടു​ക അ​സാ​ധ്യ​മാ​ണ്. അ​തു​കൊ​ണ്ട്​ പ​രി​ശോ​ധ​ന​ക​ളും ഉ​ണ്ടാ​കു​ന്നി​ല്ല.

പ​ല​യി​ട​ങ്ങ​ളി​ലും ഭൂ​ഗ​ർ​ഭ ജ​ല നി​ര​പ്പ്​ പോ​ലും താ​ഴു​ന്ന വി​ധ​ത്തി​ലാ​ണ്​ ഭൂ​മി തു​ര​ക്കു​ന്ന​ത്. ജി​ല്ല ഭ​ര​ണ​കൂ​ട​ത്തി​​ന്‍റെ അ​നു​മ​തി​യോ​ടെ കു​ഴി​ച്ച​തി​ന്‍റെ ഇ​ര​ട്ടി​യി​ല​ധി​കം കു​ഴ​ൽ കി​ണ​റു​ക​ളാ​ണ്​ വി​വി​ധ മേ​ഖ​ല​ക​ളി​ൽ സ്വ​കാ​ര്യ വ്യ​ക്​​തി​ക​ൾ കു​ഴി​ച്ച​ത്. ഇ​തി​ന്‍റെ ക​ണ​ക്കു​ക​ൾ പോ​ലും അ​ധി​കൃ​ത​രു​​ടെ ​കൈ​വ​ശ​മി​ല്ല.

ത​മി​ഴ്നാ​ട്ടി​ൽ​നി​ന്ന്​ കു​ത്ത​ക കി​ണ​ർ നി​ർ​മാ​താ​ക്ക​ൾ എ​ല്ലാ വ​ർ​ഷ​വും എ​ത്തി ഹൈ​റേ​ഞ്ച്​ മേ​ഖ​ല​ക​ളി​ൽ കു​ഴ​ൽ കി​ണ​ർ നി​ർ​മാ​ണ​ത്തി​നാ​യി ത​മ്പ​ടി​ക്കു​ക​യാ​ണ്​ ചെ​യ്യു​ന്ന​ത്.

വേ​ന​ലി​നു മു​മ്പേ മേ​ഖ​ല​യി​ൽ കു​ടി​വെ​ള്ള​ക്ഷാ​മം രൂ​ക്ഷ​മാ​യ​തോ​ടെ​യാ​ണ് ജ​ന​ങ്ങ​ൾ കു​ഴ​ൽ കി​ണ​റു​ക​ളെ ആ​ശ്ര​യി​ക്കു​ന്ന​ത്​. ചി​ല​യി​ട​ങ്ങ​ളി​ൽ വ്യ​ക്‌​തി​ക​ൾ സ്വ​ന്തം നി​ല​യി​ൽ ചെ​യ്യു​മ്പോ​ൾ മ​റ്റി​ട​ങ്ങ​ളി​ൽ ഒ​ന്നി​ല​ധി​കം കു​ടും​ബ​ങ്ങ​ൾ സം​യു​ക്ത​മാ​യാ​ണ് കി​ണ​ർ നി​ർ​മി​ക്കു​ന്ന​ത്.

നി​യ​മപ്ര​കാ​ര​മു​ള്ള​തി​നേ​ക്കാ​ൾ കൂ​ടു​ത​ലാ​ണ്​ കി​ണ​ർ കു​ഴി​ക്ക​ൽ

വേ​ന​ലി​​ന്‍റെ ആ​രം​ഭ​ത്തി​ൽ ത​ന്നെ കു​ടി​വെ​ള്ള​ക്ഷാ​മം രൂ​ക്ഷ​മാ​കു​മെ​ന്ന സൂ​ച​ന ല​ഭി​ച്ച​തോ​ടെ പ​ല​രും മു​ൻ​ക​രു​ത​ലെ​ന്ന നി​ല​യി​ൽ കു​ഴ​ൽ കി​ണ​ർ നി​ർ​മി​ച്ച​ത്. നി​യ​മ​പ്ര​കാ​ര​മു​ള്ള​തി​നേ​ക്കാ​ൾ കൂ​ടു​ത​ലാ​ണ്​ പ​ല​യി​ട​ത്തും കി​ണ​ർ കു​ഴി​ക്ക​ൽ. വ്യാ​പ​ക​മാ​യി കു​ഴ​ൽ കി​ണ​ർ നി​ർ​മാ​ണം ന​ട​ത്തു​ന്ന​ത്​ പ്ര​ദേ​ശ​ത്ത് നി​ല​വി​ലു​ള്ള കു​ടി​വെ​ള്ള​വും ഇ​ല്ലാ​താ​ക്കു​മെ​ന്ന് പ​രി​സ്ഥി​തി പ്ര​വ​ർ​ത്ത​ക​ർ പ​റ​യു​ന്നു. കു​ഴ​ൽ കി​ണ​ർ നി​ർ​മാ​ണ​ത്തി​ന്​ പ​ഞ്ചാ​യ​ത്തി​ന്‍റെ അ​നു​മ​തി വേ​ണ​മെ​ന്നാ​ണ്​ നി​യ​മം.

ഭൂ​ജ​ല വ​കു​പ്പാ​ണ്​ ക്ലി​യ​റ​ൻ​സ്​ സ​ർ​ട്ടി​ഫി​ക്ക​റ്റ്​ ന​ൽ​കേ​ണ്ട​ത്. എ​ന്നാ​ൽ, ഇ​തെ​ല്ലാം ലം​ഘി​ച്ചാ​ണ്​ നി​ർ​മാ​ണം. ജ​ല​ല​ഭ്യ​ത​യി​ല്‍ സെ​മി ക്രി​ട്ടി​ക്ക​ല്‍ വി​ഭാ​ഗ​ത്തി​ല്‍പ്പെ​ടു​ന്ന നെ​ടു​ങ്ക​ണ്ടം ബ്ലോ​ക്കി​ല​ട​ക്കം കു​ഴ​ൽ കി​ണ​റു​ക​ൾ ഏ​റെ​യാ​ണ്. തൊ​ടു​പു​ഴ ബ്ലോ​ക്കി​ലെ മ​ണ​ക്കാ​ട്, ഇ​ളം​ദേ​ശ​ത്തെ ഉ​ടു​മ്പ​ന്നൂ​ര്‍, ദേ​വി​കു​ള​ത്തെ ശാ​ന്ത​മ്പാ​റ, അ​ഴു​ത​യി​ലെ കു​മ​ളി എ​ന്നീ പ​ഞ്ചാ​യ​ത്തു​ക​ളും സെ​മി ​ക്രി​ട്ടി​ക്ക​ൽ വി​ഭാ​ഗ​ത്തി​ലു​ള്ള​താ​ണ്. ഹൈ​റേ​ഞ്ചി​ലെ ജ​ല​സ്രോ​ത​സ്സു​ക​ൾ അ​തി​വേ​ഗ​മാ​ണ് വ​റ്റി​വ​ര​ളു​ന്ന​ത്​.

കി​ണ​റു​ക​ളു​ടെ അ​വ​സ്ഥ​യും ഭി​ന്ന​മ​ല്ല. ദി​നം​പ്ര​തി​യെ​ന്നോ​ണം ചൂ​ടി​ന് കാ​ഠി​ന്യം കൂ​ടു​ക​യാ​ണ്. ഈ ​സ്ഥി​തി തു​ട​ർ​ന്നാ​ൽ ആ​ഴ്ച​ക​ള്‍ക്കു​ള്ളി​ല്‍ കു​ടി​വെ​ള്ള​ക്ഷാ​മം ജ​ന​ങ്ങ​ൾ​ക്ക് കൂ​ടു​ത​ൽ ദു​രി​ത​മാ​യി മാ​റും. കാ​ര്‍ഷി​ക​മേ​ഖ​ല​യി​ലും ഇ​തി​ന്‍റെ പ്ര​തി​ഫ​ല​നം ഉ​ണ്ടാ​കു​ന്നു​ണ്ട്. കു​രു​മു​ള​ക് ഏ​ലം തു​ട​ങ്ങി​യ നാ​ണ്യ​വി​ള​ക​ള്‍ക്കാ​ണ് പെ​ട്ട​ന്നു​ണ്ടാ​യ കാ​ലാ​വ​സ്ഥ മാ​റ്റം കൂ​ടു​ത​ല്‍ ദോ​ഷം ചെ​യ്യു​ന്ന​ത്. മ​റ്റ് കൃ​ഷി​ക​ളും കാ​ലി​വ​ള​ര്‍ത്ത​ലും പ്ര​തി​സ​ന്ധി​യി​ലാ​ണ്.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Idukki NewsCardamom plantationIllegal borewell
News Summary - Illegal borewells in Cardamom plantation
Next Story