അഗ്​നിരക്ഷാ സേനക്ക്​ തുണ ഫയർ ബീറ്ററും വടിയും ബക്കറ്റ്​ വെള്ളവും

തൊ​ടു​പു​ഴ: ജി​ല്ല​യി​ൽ വേ​ന​ൽ ക​ന​ത്ത​തോ​ടെ തീ​പി​ടി​ത്ത​വും വ്യാ​പ​ക​മാ​കു​ന്നു. അ​ധി​ക​വും വാ​ഹ​ന​ങ്ങ​ൾ എ​ത്താ​ത്ത സ്ഥ​ല​ങ്ങ​ളി​ലാ​ണ്​ തീ​പി​ടി​ത്ത​മു​ണ്ടാ​കു​ന്ന​ത്. ഇ​തു​മൂ​ലം തീ​യ​ണ​ക്കാ​നും അ​ഗ്​​നി​ര​ക്ഷാ സേ​ന അം​ഗ​ങ്ങ​ൾ​ക്ക്​ പ്ര​യാ​സ​പ്പെ​ടേ​ണ്ടി വ​രു​ന്നു. ഫ​യ​ർ ബീ​റ്റ​റും വ​ടി​യും ബ​ക്ക​റ്റ്​ വെ​ള്ള​വു​മാ​ണ്​ പ​ല​പ്പോ​ഴും ആ​ശ്ര​യ​മാ​യി മാ​റു​ന്ന​ത്.

വെ​ള്ളി​യാ​ഴ്ച വൈ​കീ​ട്ട്​ ഇ​ട​വെ​ട്ടി പ​ഞ്ചാ​യ​ത്തി​ലെ മാ​ർ​ത്തോ​മ എ​സ്​​റ്റേ​റ്റി​ലും രാ​​ത്രി തൊ​ടു​പു​ഴ ശാ​സ്താം​പാ​റ​യി​ലും ക​ഴി​ഞ്ഞ ദി​വ​സ​ങ്ങ​ളി​ൽ വ​ണ്ണ​പ്പു​റം പ​ഞ്ചാ​യ​ത്തി​ലെ ക​മ്പ​ക​ക്കാ​ന​ത്തും അ​ടി​മാ​ലി​യി​ലും മാ​ങ്കു​ള​ത്തെ ആ​ന​ക്കു​ള​ത്തു​മെ​ല്ലാം തീ​പി​ടി​ത്ത​മു​​ണ്ടാ​യ​ത്​ ഇ​ത്ത​രം പ്ര​ദേ​ശ​ങ്ങ​ളി​ലാ​യി​രു​ന്നു. ഇ​വി​ട​ങ്ങ​ളി​ലെ​ല്ലാം ഫ​യ​ർ ബീ​റ്റ​റും പ​ച്ചി​ല​ക്കൂ​ട്ട​വും ബ​ക്ക​റ്റ്​ വെ​ള്ള​വു​മെ​ല്ലാം ഉ​പ​യോ​ഗി​ച്ചാ​ണ്​ തീ​യ​ണ​ച്ച​ത്.

ചൂ​ട്​ ക​ന​ത്ത​തോ​ടെ അ​ടി​ക്കാ​ടു​ക​ൾ​ക്കും ക​രി​യി​ല​ക​ൾ​ക്കും തീ​പി​ടി​ക്കു​ന്ന​താ​ണ്​ വ്യാ​പ​കം. പ​ല​പ്പോ​ഴും ച​വ​റു​ക​ൾ​ക്ക്​ തീ​യി​ടു​ന്ന​ത്​ വ്യാ​പി​ച്ച്​ വ​ലി​യ നാ​ശ​വും ഉ​ണ്ടാ​കു​ന്നു​ണ്ട്. ജി​ല്ല​യി​ലെ അ​ഗ്​​നി​ര​ക്ഷാ​സേ​ന യൂ​നി​റ്റു​ക​ൾ മു​ഴു​വ​ൻ സ​മ​യ​വും പ​രി​ശ്ര​മി​ച്ചാ​ണ്​ വ​ലി​യ അ​പ​ക​ട​ങ്ങ​ൾ ഒ​ഴി​വാ​ക്കു​ന്ന​ത്.

ശാ​സ്താം​പാ​റ​യി​ൽ എ​ൽ.​പി സ്കൂ​ളി​നും ക്ഷേ​ത്ര​ത്തി​നും സ​മീ​പം പ്ര​വ​ർ​ത്ത​നം നി​ർ​ത്തി​യ പാ​റ​മ​ട​ക്ക്​ സ​മീ​പ​ത്ത്​ പു​ല്ലി​നും അ​ടി​ക്കാ​ടു​ക​ൾ​ക്കു​മാ​ണ്​ വെ​ള്ളി​യാ​ഴ്ച രാ​ത്രി 10.45ഓ​ടെ തീ​പി​ടി​ച്ച​ത്. ആ​ന​കെ​ട്ടി​പ്പ​റ​മ്പി​ൽ ജാ​ഫ​റി​ന്‍റേ​താ​ണ്​ സ്ഥ​ലം. അ​ടി​ക്കാ​ടു​ക​ൾ ഉ​ണ​ങ്ങി​യ അ​വ​സ്ഥ​യി​ൽ ആ​യി​രു​ന്ന​തി​നാ​ൽ തീ ​അ​തി​വേ​ഗം പ​ട​ർ​ന്നു. നാ​ട്ടു​കാ​ർ തീ​യ​ണ​ക്കാ​ൻ ശ്ര​മി​ച്ചെ​ങ്കി​ലും വി​ജ​യി​ച്ചി​ല്ല. വി​വ​ര​മ​റി​ഞ്ഞ്​ തൊ​ടു​പു​ഴ​യി​ൽ​നി​ന്ന്​ അ​സി. സ്റ്റേ​ഷ​ൻ ഓ​ഫി​സ​ർ കെ.​എ. ജാ​ഫ​ർ​ഖാ​ന്‍റെ നേ​തൃ​ത്വ​ത്തി​ൽ ര​ണ്ട് യൂ​നി​റ്റ് സേ​ന സ്ഥ​ല​ത്തെ​ത്തി. തീ​പി​ടി​ച്ച സ്ഥ​ല​ത്തേ​ക്ക്​ വാ​ഹ​നം എ​ത്താ​ത്ത​തി​നാ​ൽ ജീ​വ​ന​ക്കാ​ർ ന​ട​ന്നെ​ത്തി ഫ​യ​ർ ബീ​റ്റ​ർ ഉ​പ​യോ​ഗി​ച്ച് തീ ​ത​ല്ലി​ക്കൊ​ടു​ത്ത​വ​നു​ള്ള ശ്ര​മ​മാ​ണ് ആ​രം​ഭി​ച്ച​ത്. സേ​ന അം​ഗ​ങ്ങ​ൾ ത​ന്നെ ബ​ക്ക​റ്റി​ലും മ​റ്റും വെ​ള്ളം സ്ഥ​ല​ത്തെ​ത്തി​ച്ച് അ​ര​മ​ണി​ക്കൂ​റി​നു​ള്ളി​ൽ തീ​പൂ​ർ​ണ​മാ​യും അ​ണ​ച്ചു.

ഇ​ട​വെ​ട്ടി പ​ഞ്ചാ​യ​ത്തി​ലെ മാ​ർ​ത്തോ​മ എ​സ്റ്റേ​റ്റി​ൽ റ​ബ​ർ തോ​ട്ട​ത്തി​ലെ പു​ല്ലി​നും അ​ടി​ക്കാ​ടു​ക​ൾ​ക്കും വെ​ള്ളി​യാ​ഴ്ച വൈ​കീ​ട്ട് അ​ഞ്ചോ​ടെ​യാ​ണ്​ തീ​പി​ടി​ച്ച​ത്. മ​ർ​ത്തോ​മ സ്വ​ദേ​ശി​യാ​യ പി​ച്ചാ​ട്ടു​കു​ന്നേ​ൽ ജ​ലീ​ലി​ന്റെ ഒ​രു ഏ​ക്ക​റി​ല​ധി​കം വ​രു​ന്ന റ​ബ​ർ തോ​ട്ട​ത്തി​ന്റെ ഏ​ക​ദേ​ശം 20 സെ​ന്‍റ്​ സ്ഥ​ല​ത്താ​ണ്​ തീ​പ​ട​ർ​ന്ന​ത്. തൊ​ടു​പു​ഴ അ​ഗ്നി​ര​ക്ഷാ സേ​ന സ്റ്റേ​ഷ​ൻ ഓ​ഫി​സ​ർ ബി​നു സെ​ബാ​സ്റ്റ്യ​ന്‍റെ നേ​തൃ​ത്വ​ത്തി​ൽ സ്ഥ​ല​ത്തെ​ത്തി. ഇ​ടു​ങ്ങി​യ വ​ഴി ആ​യ​തി​നാ​ൽ സേ​ന​യു​ടെ ചെ​റി​യ വാ​ഹ​ന​മാ​യ വാ​ട്ട​ർ മി​സ്റ്റി​ൽ സ്ഥ​ല​ത്തെ​ത്തി. തു​ട​ർ​ന്ന് ഫ​യ​ർ ബീ​റ്റ​ർ ഉ​പ​യോ​ഗി​ച്ച് ത​ല്ലി​ക്കെ​ടു​ത്തു​ക​യാ​യി​രു​ന്നു.

ദി​വ​സ​ങ്ങ​ൾ മു​മ്പ്​ ആ​ന​ക്കു​ള​ത്ത്​ മ​ര​ത്തി​ന്​ തീ​പി​ടി​ച്ച​പ്പോ​ഴും വാ​ഹ​നം എ​ത്തി​ക്കാ​ൻ സാ​ധി​ക്കാ​ത്ത അ​വ​സ്ഥ​യാ​യി​രു​ന്നു. തു​ട​ർ​ന്ന്​ പു​ഴ​യി​ൽ​നി​ന്ന്​ വെ​ള്ളം ഉ​പ​യോ​ഗി​ച്ചാ​ണ്​ തീ​യ​ണ​ച്ച​ത്. വാ​ഹ​ന​വും വെ​ള്ള​വും ല​ഭ്യ​മാ​കാ​ത്ത സ്ഥ​ല​ങ്ങ​ളി​ൽ തീ​പി​ടി​ച്ചാ​ൽ അ​ണ​ക്കാ​ൻ ഏ​റെ പ്ര​യാ​സ​​പ്പെ​ടു​ന്ന​താ​യും അ​ഗ്​​നി​ര​ക്ഷാ​സേ​ന ഉ​ദ്യോ​ഗ​സ്ഥ​ർ പ​റ​യു​ന്നു. മ​ര​ത്തി​ന്​ തീ​പി​ടി​ച്ചാ​ൽ ഫ​യ​ർ ബീ​റ്റ​ർ ഉ​പ​യോ​ഗി​ക്കാ​നും സാ​ധി​ക്കി​ല്ല.

53 ദി​വ​സം; 42 തീ​പി​ടി​ത്തം

തൊ​ടു​പു​ഴ അ​ഗ്​​നി​ര​ക്ഷാ​സേ​ന സ്​​റ്റേ​ഷ​ന്‍റെ പ​രി​ധി​യി​ൽ 2025 പി​റ​ന്ന ശേ​ഷം 53 ദി​വ​സ​ത്തി​നി​ടെ​യു​ണ്ടാ​യ​ത്​ 42 തീ​പി​ടി​ത്തം. ഇ​ത്​ അ​ട​ക്കം 85 ര​ക്ഷാ പ്ര​വ​ർ​ത്ത​ന​ങ്ങ​ളാ​ണ്​ സേ​ന ഈ ​വ​ർ​ഷം ന​ട​ത്തി​യ​ത്. പ​ല​പ്പോ​ഴും അ​ശ്ര​ദ്ധ​യും അ​മി​ത ആ​ത്മ​വി​ശ്വാ​സ​വു​മാ​ണ്​ തീ ​പ​ട​രാ​ൻ കാ​ര​ണ​മെ​ന്നാ​ണ്​ ഉ​ദ്യോ​ഗ​സ്ഥ​ർ പ​റ​യു​ന്ന​ത്.

ഒ​ന്ന്​ ക​രു​തൂ; അ​പ​ക​ട​ങ്ങ​ൾ ഒ​ഴി​വാ​ക്കൂ

തൊ​ടു​പു​ഴ​യി​ൽ ഈ ​വ​ർ​ഷ​മു​ണ്ടാ​യ തീ​പി​ടി​ത്ത​ങ്ങ​ളി​ൽ ബ​ഹു​ഭൂ​രി​ഭാ​ഗ​വും അ​ശ്ര​ദ്ധ വ​രു​ത്തി​വെ​ച്ച​താ​ണ്. ക​ന​ത്ത ചൂ​ടി​നും കാ​റ്റി​നു​മൊ​പ്പം അ​ശ്ര​ദ്ധ​യും കൂ​ടി​യാ​യ​തോ​ടെ പ​ല​യി​ട​ങ്ങ​ളി​ലും തീ​പ​ട​ർ​ന്നു. അ​ടി​ക്കാ​ടു​ക​ൾ ഉ​ണ​ങ്ങി നി​ൽ​ക്കു​ന്ന​തും റ​ബ​ർ തോ​ട്ട​ങ്ങ​ളി​ൽ അ​ട​ക്കം ക​രി​യി​ല​ക​ൾ കൂ​ടി​ക്കി​ട​ക്കു​ന്ന​തും തീ​യെ​ളു​പ്പ​ത്തി​ൽ പ​ട​രാ​ൻ ഇ​ട​യാ​ക്കു​ന്നു. ഈ ​സാ​ഹ​ച​ര്യ​ത്തി​ൽ ച​പ്പു​ച​വ​റു​ക​ൾ​ക്ക്​ തീ​യി​ടു​മ്പോ​ൾ അ​തീ​വ ജാ​ഗ്ര​ത പാ​ലി​ക്ക​ണ​മെ​ന്ന്​ അ​ഗ്​​നി​ര​ക്ഷാ സേ​ന ഉ​ദ്യോ​ഗ​സ്ഥ​ർ ഉ​ണ​ർ​ത്തു​ന്നു.

വെ​യി​ലും കാ​റ്റും ഇ​ല്ലാ​ത്ത സ​മ​യ​ത്ത്​ മാ​ത്രം ഉ​ണ​ങ്ങി​യ ഇ​ല​ക​ളും മ​റ്റും ക​ത്തി​ക്കു​ക, വ​ലി​യ കൂ​ന​ക​ളാ​ക്കി ക​ത്തി​ക്കു​ന്ന​ത്​ ഒ​ഴി​വാ​ക്കു​ക, തീ ​നി​യ​ന്ത്ര​ണാ​തീ​തം ആ​യാ​ൽ കെ​ടു​ത്തു​ന്ന​തി​ന്​ വെ​ള്ള​വും പ​ച്ചി​ല​ക്കൂ​ട്ട​വും ക​രു​തി​വെ​ക്കു​ക തു​ട​ങ്ങി​യ മു​ൻ ക​രു​ത​ലു​ക​ൾ കൈ​ക്കൊ​ള്ള​ണം.