പൊളിക്കാൻ അനുമതി നൽകാതെ ജില്ല പഞ്ചായത്ത്; അപകടഭീതിയുയർത്തി ആശുപത്രിക്കെട്ടിടം

തൊ​ടു​പു​ഴ: കോ​ട്ട​യം മെ​ഡി​ക്ക​ൽ കോ​ള​ജി​ൽ പ​ഴ​യ കെ​ട്ടി​ടം ത​ക​ർ​ന്ന് വീ​ട്ട​മ്മ മ​രി​ച്ച​തോ​ടെ ച​ർ​ച്ച​യാ​യി ജി​ല്ല ആ​ശു​പ​ത്രി​യി​ലെ അ​പ​ക​ട ഭീ​തി​യു​യ​ർ​ത്തു​ന്ന കെ​ട്ടി​ടം. പ​തി​റ്റാ​ണ്ടു​ക​ൾ പ​ഴ​ക്ക​മു​ള്ള കെ​ട്ടി​ടം പൊ​ളി​ക്കാ​ൻ അ​നു​മ​തി ന​ൽ​കാ​ത്ത ജി​ല്ല പ​ഞ്ചാ​യ​ത്ത് ന​ട​പ​ടി വി​മ​ർ​ശ​ന​ത്തി​ന് കാ​ര​ണ​മാ​യി. കാ​രി​ക്കോ​ട് പ്ര​വ​ർ​ത്തി​ക്കു​ന്ന ജി​ല്ല ആ​ശു​പ​ത്രി​യി​ലാ​ണ് പ​തി​റ്റാ​ണ്ടു​ക​ൾ പ​ഴ​ക്ക​മു​ള്ള കെ​ട്ടി​ടം അ​പ​ക​ട ഭീ​ഷ​ണി​യു​യ​ർ​ത്തി നി​ൽ​ക്കു​ന്ന​ത്.

പു​തി​യ കെ​ട്ടി​ടം പ്ര​വ​ർ​ത്ത​ന​സ​ജ്ജ​മാ​യ​തോ​ടെ പ​ഴ​യ​ത്​ പൊ​ളി​ച്ചു​മാ​റ്റാ​ൻ അ​ൺ​ഫി​റ്റ് സ​ർ​ട്ടി​ഫി​ക്ക​റ്റ് തേ​ടി ജി​ല്ല പ​ഞ്ചാ​യ​ത്തി​നെ സ​മീ​പി​ച്ചെ​ങ്കി​ലും ന​ൽ​കാ​ത്ത​താ​ണ് കാ​ര​ണം. സ​ർ​ട്ടി​ഫി​ക്ക​റ്റി​നാ​യി പ​ല​വ​ട്ടം സ​മീ​പി​ച്ചെ​ന്നാ​ണ് ആ​ശു​പ​ത്രി അ​ധി​കൃ​ത​രു​ടെ വി​ശ​ദീ​ക​ര​ണം. കെ​ട്ടി​ടം നാ​ശോ​ന്മു​ഖ​മാ​യ​തോ​ടെ മേ​ൽ​ക്കൂ​ര​യ​ട​ക്കം ത​ക​ർ​ന്ന് ഏ​തു​സ​മ​യ​വും നി​ലം​പൊ​ത്താ​വു​ന്ന നി​ല​യി​ലാ​ണ്. ഓ​ടു​ക​ളാ​ക​ട്ടെ പ​ല​പ്പോ​ഴും അ​ട​ർ​ന്ന് വീ​ഴു​ന്നു​ണ്ട്. ഇ​തി​നോ​ട് ചേ​ർ​ന്നാ​ണ് ഒ.​പി ടി​ക്ക​റ്റ് കൗ​ണ്ട​ർ പ്ര​വ​ർ​ത്തി​ക്കു​ന്ന​ത്.

കൂ​ടാ​തെ ടി.​ബി യൂ​നി​റ്റും ഇ​വി​ടെ പ്ര​വ​ർ​ത്തി​ക്കു​ന്നു​ണ്ട്. കെ​ട്ടി​ടം ശോ​ച്യാ​വ​സ്ഥ​യി​ലാ​യ​തോ​ടെ നേ​ര​ത്തേ ഇ​വി​ടെ പ്ര​വ​ർ​ത്തി​ച്ചി​രു​ന്ന ഫാ​ർ​മ​സി, പാ​ലി​യേ​റ്റി​വ്, കാ​സ്പ് ഓ​ഫി​സു​ക​ളെ​ല്ലാം ഇ​വി​ടെ​നി​ന്ന് മാ​റ്റി‍യി​രു​ന്നു. കെ​ട്ടി​ട​ത്തി​നോ​ട് ചേ​ർ​ന്ന ഭാ​ഗം പാ​ർ​ക്കി​ങ് കേ​ന്ദ്ര​മാ​യി ഉ​പ​യോ​ഗി​ക്കു​ന്ന​തി​നാ​ൽ നി​ര​വ​ധി വാ​ഹ​ന​ങ്ങ​ൾ ഇ​വി​ടെ പാ​ർ​ക്ക് ചെ​യ്യാ​നും ഉ​പ​യോ​ഗി​ക്കു​ന്നു​ണ്ട്. കാ​ല​ങ്ങ​ളാ​യി അ​റ്റ​കു​റ്റ​പ്പ​ണി ന​ട​ത്താ​ത്ത​താ​ണ് കെ​ട്ടി​ട​ത്തി​ന്‍റെ ശോ​ച്യാ​വ​സ്ഥ രൂ​ക്ഷ​മാ​ക്കി​യ​ത്. ഇ​തോ​ടൊ​പ്പം പ​ല​ഭാ​ഗ​ങ്ങ​ളി​ലും മ​ലി​ന​ജ​ലം ഒ​ഴു​കി​യെ​ത്തു​ന്ന​ത് മൂ​ലം രോ​ഗി​ക​ള​ട​ക്ക​മു​ള്ള​വ​ർ​ക്ക് ദു​രി​ത​മാ​ണ്.