മലയോര ജില്ലയെ നിരാശപ്പെടുത്തി കേന്ദ്ര ബജറ്റ്

തൊ​ടു​പു​ഴ: ജി​ല്ല​യി​ലെ കാ​ർ​ഷി​ക-​തോ​ട്ടം മേ​ഖ​ല​ക​ൾ​ക്ക്​ നി​രാ​ശ ന​ൽ​കി കേ​ന്ദ്ര​ബ​ജ​റ്റ്. ജി​ല്ല​യെ സം​ബ​ന്ധി​ച്ച്​ തോ​ട്ടം-​കാ​ർ​ഷി​ക മേ​ഖ​ല ഏ​റെ പ്ര​തീ​ക്ഷ​യോ​ടെ​യാ​ണ്​ ബ​ജ​റ്റി​നെ നോ​ക്കി​ക്ക​ണ്ട​ത്. പ്ര​ള​യ​ത്തി​ന്‍റെ​യും കോ​വി​ഡി​ന്‍റെ​യും പ്ര​തി​സ​ന്ധി​യി​ൽ​നി​ന്ന് ക​ര​ക​യ​റാ​നു​ള്ള പ്ര​ഖ്യാ​പ​ന​ങ്ങ​ൾ കാ​ർ​ഷി​ക- തോ​ട്ടം- ടൂ​റി​സം മേ​ഖ​ല പ്ര​തീ​ക്ഷി​ച്ചി​രു​ന്നു. എ​ന്നാ​ൽ, കാ​ര്യ​മാ​യ പ്ര​ഖ്യാ​പ​ന​ങ്ങ​ളൊ​ന്നു​മു​ണ്ടാ​യി​ല്ല. ഇ​ടു​ക്കി​യി​ൽ 74 തേ​യി​ല​ത്തോ​ട്ട​ങ്ങ​ളാ​ണു​ള്ള​ത്. ഈ ​എ​സ്റ്റേ​റ്റു​ക​ളി​ൽ ജോ​ലി ചെ​യ്യു​ന്ന തൊ​ഴി​ലാ​ളി​ക​ൾ അ​ടി​സ്ഥാ​ന ആ​വ​ശ്യ​ങ്ങ​ളെ​ല്ലാം അ​വ​ഗ​ണി​ക്ക​പ്പെ​ട്ട് സ​മൂ​ഹ​ത്തി​ലെ ഏ​റ്റ​വും പാ​ർ​ശ്വ​വ​ത്​​ക​രി​ക്ക​പ്പെ​ട്ട വി​ഭാ​ഗ​ങ്ങ​ളി​ലൊ​ന്നാ​യി ജീ​വി​തം ത​ള്ളി നീ​ക്കു​ക​യാ​ണ്. പീ​രു​മേ​ട്ടി​ൽ മാ​ത്ര​മു​ള്ള 38 എ​സ്റ്റേ​റ്റു​ക​ളി​ൽ 17 എ​ണ്ണ​വും ഭാ​ഗി​ക​മാ​യി മാ​ത്ര​മാ​ണ് പ്ര​വ​ർ​ത്തി​ക്കു​ന്ന​ത്. തോ​ട്ടം മേ​ഖ​ല​ക്കാ​യി പ്ര​ത്യേ​ക പാ​ക്കേ​ജ്​ എ​ന്ന​ത്​ ഇ​ടു​ക്കി​യു​ടെ പ്ര​തീ​ക്ഷ​ക​ളി​ൽ ഒ​ന്നാ​യി​രു​ന്നു. എ​ന്നാ​ൽ, ബ​ജ​റ്റി​ൽ ഇ​തി​നും ഒ​രു പ​രി​ഹാ​രം ഉ​ണ്ടാ​യി​ല്ല. പൂ​ട്ടി​യ തോ​ട്ട​ങ്ങ​ൾ തു​റ​ക്കു​ന്ന പ​ദ്ധ​തി​യാ​ണ് പ്ര​ധാ​ന​മാ​യും പ്ര​തീ​ക്ഷി​ച്ചി​രു​ന്ന​ത്. തേ​യി​ല​ക്ക്​ പ്ര​ത്യേ​ക പാ​ക്കേ​ജും വേ​ണ​മെ​ന്ന ആ​വ​ശ്യം ഉ​യ​ർ​ന്നി​രു​ന്നു. എ​ന്നാ​ൽ, ധ​ന​മ​ന്ത്രി​യു​ടെ ബ​ജ​റ്റ് പ്ര​സം​ഗ​ത്തി​ൽ ഇ​തു​ണ്ടാ​യി​ല്ല.

കാ​ർ​ഷി​ക ഗ​വേ​ഷ​ണ​ത്തി​ൽ കു​റ​വ്​ വ​രു​ത്തി​യ​തും രാ​സ​വ​ള സ​ബ്സി​ഡി കു​​റ​ച്ച​തും നി​യ​മ​പ​ര​മാ​യി വി​ല പ​രി​ര​ക്ഷ​യു​ള്ള യൂ​റി​യ​ക്ക് പോ​ലും സ​ബ്സി​ഡി​യി​ൽ കു​റ​വ്​ വ​രു​ത്തി​യ​തും കാ​ർ​ഷി​ക മേ​ഖ​ല​യാ​യ ഇ​ടു​ക്കി​യി​ലും പ്ര​തി​സ​ന്ധി സൃ​ഷ്ടി​ക്കു​മെ​ന്നാ​ണ്​ വി​ല​യി​രു​ത്ത​ൽ. അ​തേ​സ​മ​യം, ജൈ​വ കൃ​ഷി​ക്ക്​ പ്രാ​മു​ഖ്യം ന​ൽ​കു​മെ​ന്നും ക​ർ​ഷ​ക​രു​ടെ അ​ക്കൗ​ണ്ടി​ലേ​ക്ക്​ താ​ങ്ങു​വി​ല ന​ൽ​കു​മെ​ന്നു​മു​ള്ള പ്ര​ഖ്യാ​പ​നം ആ​ശ്വാ​സം ന​ൽ​കു​ന്ന​താ​ണ്. ക​ർ​ഷ​ക​ക്ഷേ​മ, തൊ​ഴി​ലു​റ​പ്പ് പ​ദ്ധ​തി​ക​ൾ​ക്കാ​യി വ​ക​യി​രു​ത്തി​യ തു​ക കു​റ​ഞ്ഞെ​ന്നും ഇ​ത് ജി​ല്ല​യെ ബാ​ധി​ക്കു​മെ​ന്നും ആ​ക്ഷേ​പം ഉ​യ​രു​ന്നു​ണ്ട്.