ജില്ലയില്‍ പുതുതായി അഞ്ച് മൊബൈല്‍ വെറ്ററിനറി ആംബുലന്‍സ്

തൊ​ടു​പു​ഴ: മൃ​ഗ​സം​ര​ക്ഷ​ണ വ​കു​പ്പി​ന്റെ നേ​തൃ​ത്വ​ത്തി​ല്‍ ജി​ല്ല​യി​ല്‍ പു​തു​താ​യി അ​ഞ്ച് മൊ​ബൈ​ല്‍ വെ​റ്റ​റി​ന​റി ആം​ബു​ല​ന്‍സു​ക​ള്‍ അ​നു​വ​ദി​ച്ചു.

ഏ​താ​നും മാ​സം മു​മ്പ് ജി​ല്ല​യി​ലേ​ക്ക് മൂ​ന്ന് മൊ​ബൈ​ല്‍ വെ​റ്റി​ന​റി ആം​ബു​ല​ന്‍സു​ക​ള്‍ അ​നു​വ​ദി​ച്ചി​രു​ന്നു. വ​ണ്ടി​പ്പെ​രി​യാ​ര്‍, ക​ട്ട​പ്പ​ന, മൂ​ന്നാ​ര്‍ എ​ന്നി​വി​ട​ങ്ങ​ളി​ലാ​ണ് മൊ​ബൈ​ല്‍ വെ​റ്റി​ന​റി ആം​ബു​ല​ന്‍സ്​ പ്ര​വ​ര്‍ത്തി​ക്കു​ന്ന​ത്. തൊ​ടു​പു​ഴ, ക​ട്ട​പ്പ​ന ന​ഗ​ര​സ​ഭ​ക​ള്‍, മൊ​ബൈ​ല്‍ വെ​റ്റ​റി​ന​റി ആം​ബു​ല​ന്‍സു​ക​ള്‍ ഇ​ല്ലാ​ത്ത മ​റ്റ് ബ്ലോ​ക്കു​ക​ള്‍ എ​ന്നി​വി​ട​ങ്ങ​ളി​ല്‍ പു​തി​യ ആം​ബു​ല​ന്‍സു​ക​ളു​ടെ സേ​വ​നം ല​ഭി​ക്കും. ജൂ​നി​യ​ര്‍ റെ​സി​ഡ​ന്റ് വെ​റ്റ​റി​ന​റി ഡോ​ക്ട​ര്‍മാ​രു​ടെ നാ​ല് ത​സ്തി​ക​ക​ള്‍ മൃ​ഗ​സം​ര​ക്ഷ​ണ വ​കു​പ്പ് ക​ഴി​ഞ്ഞ​ദി​വ​സം അ​നു​വ​ദി​ച്ചി​രു​ന്നു.

രാ​ത്രി​യി​ല്‍ വെ​റ്റ​റി​ന​റി സേ​വ​ന​ങ്ങ​ള്‍ക്കു​വേ​ണ്ടി അ​നു​വ​ദി​ച്ച കേ​ന്ദ്ര​ങ്ങ​ള്‍ ജി​ല്ല​യി​ലെ എ​ട്ട് ബ്ലോ​ക്കു​ക​ളി​ലും കാ​ര്യ​ക്ഷ​മ​മാ​യാ​ണ് പ്ര​വ​ര്‍ത്തി​ക്കു​ന്ന​ത്. രാ​ത്രി കാ​ല​ങ്ങ​ളി​ല്‍ വെ​റ്റ​റി​ന​റി സേ​വ​ന​ങ്ങ​ള്‍ ആ​വ​ശ്യ​മാ​യി വ​രു​ന്ന സ്ഥ​ല​ങ്ങ​ളി​ല്‍ ഡോ​ക്ട​ര്‍മാ​ര്‍ ഉ​ള്‍പ്പെ​ടു​ന്ന സം​ഘം നേ​രി​ട്ടെ​ത്തും.

പു​തി​യ പ​ദ്ധ​തി​പ്ര​കാ​രം 24 മ​ണി​ക്കൂ​റും സേ​വ​ന​ങ്ങ​ള്‍ ഉ​റ​പ്പാ​ക്കു​ന്ന രീ​തി​യി​ലാ​ണ് പ്ര​വ​ര്‍ത്ത​ന​ങ്ങ​ള്‍ സ​ജ്ജ​മാ​ക്കു​ന്ന​ത്. മൊ​ബൈ​ല്‍ വെ​റ്റ​റി​ന​റി സ​ര്‍ജ​റി യൂ​നി​റ്റും ജി​ല്ല​ക്ക്​ അ​നു​വ​ദി​ച്ചി​ട്ടു​ണ്ട്. യൂ​നി​റ്റ് ഉ​ട​ന്‍ പ്ര​വ​ര്‍ത്ത​ന സ​ജ്ജ​മാ​ക്കാ​നു​ള്ള ഒ​രു​ക്ക​ത്തി​ലാ​ണ് അ​ധി​കൃ​ത​ര്‍.

രാ​ത്രി കാ​ല​ങ്ങ​ളി​ല്‍ വീ​ടു​ക​ളി​ല്‍ നേ​രി​ട്ടെ​ത്തി മൃ​ഗ​ങ്ങ​ള്‍ക്ക് ആ​വ​ശ്യ​മാ​യ സ​ര്‍ജ​റി ചി​കി​ത്സ ന​ല്‍കു​ക എ​ന്ന​താ​ണ് പ​ദ്ധ​തി​യി​ലൂ​ടെ ല​ക്ഷ്യ​മി​ടു​ന്ന​ത്.