ഇല്ലിചാരി മലയിൽ അണയാതെ തീ

തൊ​ടു​പു​ഴ: ക​രി​ങ്കു​ന്നം പ​ഞ്ചാ​യ​ത്തി​ലെ ഇ​ല്ലി​ചാ​രി മ​ല​യി​ൽ വ​ൻ തീ​പി​ടു​ത്തം. ര​ണ്ടു ദി​വ​സ​മാ​യി ഇ​വി​ടെ തീ ​പ​ട​രു​ന്ന സാ​ഹ​ച​ര്യ​മാ​ണ്. ശ​നി​യാ​ഴ്ച വൈ​കി​ട്ടോ​ടെ തീ ​നി​യ​ന്ത്ര​ണ വി​ധേ​യ​മാ​ക്കി അ​ഗ്​​നി​ര​ക്ഷാ​ ഉ​ദ്യോ​ഗ​സ്ഥ​ർ മ​ട​ങ്ങി​യെ​ങ്കി​ലും വീ​ണ്ടും തീ ​പ​ട​ർ​ന്നു. ശ​നി​യാ​ഴ്ച രാ​ത്രി​യും ഞാ​യ​റാ​ഴ്ച​യു​മാ​യി ഒ​ട്ടേ​റെ പ്ര​ദേ​ശ​ങ്ങ​ളി​ലാ​ണ്​ തീ ​പ​ട​ർ​ന്ന​ത്. അ​ഗ്​​നി​ര​ക്ഷാ​സേ​ന​യും നാ​ട്ടു​കാ​രും ചേ​ർ​ന്ന് തീ ​അ​ണ​ക്കാ​നു​ള്ള ശ്ര​മ​ത്തി​ലാ​ണ്. ശ​നി​യാ​ഴ്ച രാ​വി​ലെ പ​ത്തോ​ടെ​യാ​ണ്​ തീ ​ക​ണ്ട​ത്. നാ​ട്ടു​കാ​രും അ​ഗ്​​നി​ര​ക്ഷാ​സേ​ന​യും എ​ത്തി ആ​ദ്യം തീ ​നി​യ​ന്ത്ര​ണ വി​ധേ​യ​മാ​ക്കി. എ​ന്നാ​ൽ ഇ​വ​ർ മ​ട​ങ്ങി​യ ശേ​ഷ​വും തീ ​പ​ട​ർ​ന്നു തു​ട​ങ്ങി.

ഒ​രു മ​ല​യു​ടെ മു​ക​ൾ​ഭാ​ഗം മു​ഴു​വ​ൻ ക​ത്തി തീ​ർ​ന്ന ശേ​ഷം കാ​ട്ടോ​ലി ഭാ​ഗ​ത്തേ​ക്കും അ​മ്പ​ലം പ​ടി ഭാ​ഗ​ത്തേ​ക്കും തീ ​പ​ട​ർ​ന്നു. ഞാ​യ​റാ​ഴ്ച പു​ല​രു​വോ​ളം നാ​ട്ടു​കാ​ർ ന​ട​ത്തി​യ പ​രി​ശ്ര​മ​ത്തി​ലൂ​ടെ തീ ​അ​ണ​ച്ചു. എ​ന്നാ​ൽ വെ​യി​ൽ ക​ന​ത്ത​തോ​ടെ ക​ന​ലു​ക​ളി​ൽ നി​ന്ന് വീ​ണ്ടും തീ ​പ​ട​ർ​ന്നു. അ​ഗ്​​നി​ര​ക്ഷാ സം​വീ​ധാ​ന​ങ്ങ​ൾ മ​ല​യു​ടെ അ​ടി​വാ​ര​ത്ത് എ​ത്തി​യെ​ങ്കി​ലും വെ​ള്ളം പ​മ്പ് ചെ​യ്യാ​ൻ പ​റ്റാ​ത്ത അ​ക​ലെ​യാ​ണ് തീ​പി​ടി​ത്തം.

ക​ന്നാ​ര​തോ​ട്ട​ങ്ങ​ളി​ൽ ഉ​പ​യോ​ഗി​ക്കു​ന്ന നീ​ളം കൂ​ടി​യ ഓ​സു​ക​ൾ നാ​ട്ടു​കാ​ർ എ​ത്തി​ച്ചാ​ണ് തീ​യ​ണ​യ്ക്കാ​ൻ ശ്ര​മം ന​ട​ത്തി​യ​ത്. ഞാ​യ​റാ​ഴ്ച ഉ​ച്ച​യോ​ടെ നാ​ട്ടു​കാ​രും അ​ഗ്​​നി​ര​ക്ഷാ​സേ​ന​യും ചേ​ർ​ന്ന് തീ ​നി​യ​ന്ത്ര​ണ വി​ധേ​യ​മാ​ക്കി​യെ​ങ്കി​ലും ക​ന​ത്ത ചൂ​ടും വീ​ശി​യ​ടി​ക്കു​ന്ന കാ​റ്റും തീ ​ഇ​നി​യും ആ​ളി​പ്പ​ട​രാ​ൻ സാ​ധ്യ​ത ഉ​ണ്ട്. തൊ​ടു​പു​ഴ ത​ഹ​സി​ൽ​ദാ​രും ദു​ര​ന്ത​നി​വാ​ര​ണ ഇ​ൻ​സി​ഡ​ന്റ് ക​മാ​ൻ​ഡ​റും കൂ​ടി​യാ​യ എ.​എ​സ് .ബി​ജി​മോ​ൾ, ഡെ​പ്യൂ​ട്ടി ത​ഹ​സി​ൽ​ദാ​ർ വി.​എ.​സു​നി, ക​രി​ങ്കു​ന്നം പ​ഞ്ചാ​യ​ത്ത് പ്ര​സി​ഡ​ന്‍റ്​ തോ​മ​സ്, വാ​ർ​ഡ് അം​ഗ​ങ്ങ​ൾ എ​ന്നി​വ​ർ സ്ഥ​ലം സ​ന്ദ​ർ​ശി​ച്ചു. ഇ​ത് സം​ബ​ന്ധി​ച്ച റി​പ്പോ​ർ​ട്ട് തി​ങ്ക​ളാ​ഴ്ച ക​ല​ക്ട​ർ​ക്ക്​ കൈ​മാ​റു​മെ​ന്ന് ത​ഹ​സി​ൽ​ദാ​ർ അ​റി​യി​ച്ചു.