ജീവന്​ ഭീഷണിയായി ടിപ്പറുകളുടെ മരണപ്പാച്ചിൽ

തൊ​ടു​പു​ഴ: കാ​ൽ​ന​ട​ക്കാ​ർ​ക്കും ഇ​രു​ച​ക്ര​വാ​ഹ​ന യാ​ത്രി​ക​ർ​ക്കും ഭീ​ഷ​ണി​യാ​യി തൊ​ടു​പു​ഴ-​വെ​ള്ളി​യാ​മ​റ്റം റൂ​ട്ടി​ൽ ടി​പ്പ​ർ ലോ​റി​ക​ളു​ടെ മ​ര​ണ​പ്പാ​ച്ചി​ൽ. തി​ര​ക്കേ​റി​യ സ​മ​യ​ങ്ങ​ളി​ൽ ഉ​ൾ​പ്പെ​ടെ അ​മി​ത​ഭാ​ര​വു​മാ​യാ​ണ്​ ടി​പ്പ​റു​ക​ൾ പാ​യു​ന്ന​ത്. ഭാ​രം ക​യ​റ്റു​ന്ന​തി​ലോ വേ​ഗ​ത്തി​ലോ സ​മ​യ​​ക്ര​മ​ത്തി​ലോ ഒ​രു മാ​ന​ദ​ണ്ഡ​വും പാ​ലി​ക്കു​ന്നി​ല്ലെ​ന്ന പ​രാ​തി വ്യാ​പ​ക​മാ​ണ്.

മേ​ഖ​ല​യി​ൽ ക്വാ​റി​ക​ളും ക്ര​ഷ​റു​ക​ളും വ​ർ​ധി​ച്ച​തോ​ടെ​യാ​ണ്​ വെ​ള്ളി​യാ​മ​റ്റം റൂ​ട്ടി​ൽ ടി​പ്പ​റു​ക​ളു​ടെ എ​ണ്ണം പെ​രു​കി​യ​ത്. സു​ര​ക്ഷാ​ഭീ​ഷ​ണി ഉ​യ​ർ​ത്തു​ന്ന വി​ധ​ത്തി​ൽ ക​ല്ലു​മാ​യി പോ​കു​ന്ന ടി​പ്പ​റു​ക​ൾ​ക്കെ​തി​രെ ന​ട​പ​ടി​യെ​ടു​ക്കാ​ൻ അ​ധി​കൃ​ത​രും ത​യാ​റാ​കു​ന്നി​ല്ല. ചി​ല ലോ​റി​ക​ൾ ക​ല്ലു​ക​ൾ മൂ​ടാ​തെ​യും ഏ​തു​ സ​മ​യ​വും റോ​ഡി​ലേ​ക്ക്​ തെ​റി​ച്ചു​വീ​ഴാ​വു​ന്ന വി​ധ​ത്തി​ലു​മാ​ണ്​ കൊ​ണ്ടു​പോ​കു​ന്ന​ത്.

ലോ​റി​ക​ളു​ടെ അ​മി​ത​വേ​ഗം കൂ​ടി​യാ​കു​മ്പോ​ൾ അ​പ​ക​ട​ഭീ​ഷ​ണി വ​ർ​ധി​ക്കു​ന്നു. നി​യ​മം ലം​ഘി​ച്ചു​ള്ള ടി​പ്പ​റു​ക​ളു​ടെ മ​ത്സ​ര​യോ​ട്ടം നി​ര​ത്തു​ക​ളി​ൽ ഉ​യ​ർ​ത്തു​ന്ന ഭീ​ഷ​ണി ചെ​റു​ത​ല്ല. കൂ​ടു​ത​ൽ ലോ​ഡി​ന്​ കൂ​ടു​ത​ൽ കൂ​ലി കി​ട്ടു​മെ​ന്ന​താ​ണ്​ മ​ത്സ​ര​യോ​ട്ട​ത്തി​ന്​ കാ​ര​ണം. ക​ഴി​ഞ്ഞ ദി​വ​സം ഇ​ട​വെ​ട്ടി​യി​ൽ ഭാ​രം ക​യ​റ്റി​വ​ന്ന ടി​പ്പ​ർ ലോ​റി​യി​ടി​ച്ച്​ വൈ​ദ്യു​തി പോ​സ്റ്റ്​ ഒ​ടി​യു​ക​യും അ​ഞ്ചി​രി​ഭാ​ഗ​ത്ത്​ ടി​പ്പ​റി​ടി​ച്ച്​ കാ​ർ ത​ക​രു​ക​യും ചെ​യ്തി​രു​ന്നു.

അ​മി​ത വേ​ഗ​ത്തി​ലെ​ത്തു​ന്ന ടി​പ്പ​റു​ക​ളെ ഭ​യ​ന്ന്​ പ്ര​ധാ​ന ജ​ങ്​​ഷ​നു​ക​ളി​ൽ​പോ​ലും റോ​ഡ്​ മു​റി​ച്ചു​ക​ട​ക്കാ​ൻ കാ​ൽ​ന​ട​ക്കാ​ർ ഏ​റെ നേ​രം കാ​ത്തു​നി​ൽ​ക്കേ​ണ്ട അ​വ​സ്ഥ​യാ​ണ്. നി​യ​മ​ലം​ഘ​ന​വും മ​ത്സ​ര​യോ​ട്ട​വും അ​ധി​കൃ​ത​രു​ടെ ക​ൺ​മു​ന്നി​ലാ​ണെ​ങ്കി​ലും ക​ണ്ടി​ല്ലെ​ന്ന്​ ന​ടി​ക്കു​ന്നു.

ചെ​റി​യ കാ​ര​ണ​ങ്ങ​ൾ​ക്കു​​പോ​ലും ഇ​രു​ച​ക്ര​വാ​ഹ​ന​യാ​ത്രി​ക​രെ പി​ടി​കൂ​ടു​ന്ന​വ​ർ അ​ന​ധി​കൃ​ത ക്വാ​റി​ക​ളി​ൽ​നി​ന്ന​ട​ക്കം അ​മി​ത​ഭാ​ര​വു​മാ​യി പാ​യു​ന്ന ടി​പ്പ​റു​ക​ൾ പ​രി​ശോ​ധി​ക്കാ​ൻ ത​യാ​റാ​കു​ന്നി​ല്ല. വ​ലി​യ ടോ​റ​സ്​ ലോ​റി​ക​ൾ പ്ര​ഭാ​ത സ​വാ​രി​ക്കാ​രെ​യും കാ​ൽ​ന​ട​ക്കാ​രെ​യും ചെ​റി​യ വാ​ഹ​ന​ങ്ങ​ളെ​യും അ​വ​ഗ​ണി​ച്ചാ​ണ്​ കു​തി​ക്കു​ന്ന​ത്. ഇ​ത്ത​രം വാ​ഹ​ന​ങ്ങ​ളു​ടെ നി​ര​ന്ത​ര ഓ​ട്ടം മൂ​ലം റോ​ഡു​ക​ൾ പ​ല​തും അ​റ്റ​കു​റ്റ​പ്പ​ണി​ക്ക്​ പി​ന്നാ​ലെ ത​ക​രു​ന്ന​താ​യും പ​രാ​തി​യു​ണ്ട്.