ചീനിക്കുഴി ​കൂട്ടക്കൊലക്ക്​ ഇന്ന്​ രണ്ട്​ വയസ്സ്​​

തൊ​ടു​പു​ഴ: കൊ​ടും​ക്രൂ​ര​ത ഒ​രു നാ​ടി​നെ ഒ​ന്നാ​കെ ന​ടു​ക്കി​യ ചീ​നി​ക്കു​ഴി ​കൂ​ട്ട​ക്കൊ​ല​ക്ക്​ ചൊ​വ്വാ​ഴ്ച ര​ണ്ട്​ വ​യ​സ്സ്​. സ്വ​ത്ത്​ ത​ർ​ക്ക​ത്തി​ന്‍റെ പേ​രി​ലെ വൈ​രാ​ഗ്യ​ത്തെ തു​ട​ർ​ന്ന്,​ ഉ​റ​ങ്ങി​ക്കി​ട​ന്ന മ​ക​നും മ​രു​മ​ക​ളും കൊ​ച്ചു​മ​ക്ക​ളു​മ​ട​ങ്ങു​ന്ന നാ​ലം​ഗ കു​ടും​ബ​ത്തെ 78കാ​ര​നാ​യ പി​താ​വ്​ തീ​കൊ​ളു​ത്തി കൊ​ല​പ്പെ​ടു​ത്തു​ക​യാ​യി​രു​ന്നു.

തൊ​ടു​പു​ഴ ചീ​നി​ക്കു​ഴി ആ​ലി​യ​ക്കു​ന്നേ​ൽ ഹ​മീ​ദാ​ണ്​​ (79) ​ മ​ക​ൻ മു​ഹ​മ്മ​ദ് ഫൈ​സ​ൽ (ഷി​ബു -45), ഭാ​ര്യ ഷീ​ബ (40), പെ​ൺ​മ​ക്ക​ളാ​യ മെ​ഹ്‌​റി​ൻ (16), അ​സ്ന (13) എ​ന്നി​വ​രെ ജ​ന​ൽ വ​ഴി കി​ട​പ്പു​മു​റി​ക്കു​ള്ളി​ലേ​ക്ക് പെ​ട്രോ​ൾ നി​റ​ച്ച കു​പ്പി​ക​ൾ ക​ത്തി​ച്ചെ​റി​ഞ്ഞ്​ ക്രൂ​ര​മാ​യി കൊ​ല​പ്പെ​ടു​ത്തി​യ​ത്.

തൊ​ടു​പു​ഴ ഉ​ടു​മ്പ​ന്നൂ​ർ ചീ​നി​ക്കു​ഴി​യി​ൽ 2022 മാ​ർ​ച്ച്​ 19ന്​ ​പു​ല​ർ​ച്ച 12.30ഓ​ടെ​യാ​ണ്​ സം​ഭ​വം. അ​ർ​ധ​രാ​​ത്രി ഫൈ​സ​ലും ഭാ​ര്യ​യും മ​ക്ക​ളും ഉ​റ​ങ്ങി​യെ​ന്ന്​ ഉ​റ​പ്പാ​ക്കി​യ ശേ​ഷം വീ​ട്ടി​ലെ ടാ​ങ്കി​ലെ വെ​ള്ളം മു​ഴു​വ​ൻ ഒ​ഴു​ക്കി​വി​ട്ടു. സ​മീ​പ വീ​ട്ടി​ലേ​ക്ക് വെ​ള്ള​മെ​ടു​ക്കു​ന്ന മോ​ട്ടോ​റി​ന്‍റെ വൈ​ദ്യു​തി​യും വി​ച്ഛേ​ദി​ച്ചു.

തു​ട​ർ​ന്ന്​ കി​ട​പ്പു​മു​റി​യു​ടെ വാ​തി​ൽ പു​റ​ത്തു​നി​ന്ന് പൂ​ട്ടി​യ ശേ​ഷം പു​റ​ത്തെ​ത്തി ര​ണ്ട് പെ​ട്രോ​ൾ കു​പ്പി​ക​ൾ തീ​കൊ​ളു​ത്തി ജ​ന​ൽ വ​ഴി അ​ക​ത്തേ​ക്ക്​ എ​റി​ഞ്ഞു. തീ ​ആ​ളി​പ്പ​ട​ർ​ന്ന​തോ​ടെ നി​ല​വി​ളി​ച്ച്​ എ​ഴു​ന്നേ​റ്റ ഫൈ​സ​ലും കു​ടും​ബ​വും മു​റി​യോ​ട് ചേ​ർ​ന്ന ശു​ചി​മു​റി​യി​ൽ ക​യ​റി തീ​കെ​ടു​ത്താ​ൻ ശ്ര​മി​ച്ചെ​ങ്കി​ലും വെ​ള്ള​മു​ണ്ടാ​യി​രു​ന്നി​ല്ല.

ര​ക്ഷ​പ്പെ​ടാ​നു​ള്ള എ​ല്ലാ മാ​ർ​ഗ​ങ്ങ​ളും അ​ട​ച്ചാ​ണ് ഹ​മീ​ദ് കൃ​ത്യം ആ​സൂ​ത്ര​ണം ചെ​യ്ത​ത്​. ഹ​മീ​ദി​നെ അ​യ​ൽ​വാ​സി രാ​ഹു​ൽ ത​ള്ളി​വീ​ഴ്ത്തി​യെ​ങ്കി​ലും അ​യാ​ൾ പു​റ​ത്തി​റ​ങ്ങി വീ​ണ്ടും ജ​ന​ലി​ലൂ​ടെ പെ​ട്രോ​ൾ കു​പ്പി​ക​ൾ എ​റി​ഞ്ഞു. നി​ല​വി​ളി​യും പൊ​ട്ടി​ത്തെ​റി​യു​ടെ ശ​ബ്ദ​വും കേ​ട്ട്​ എ​ത്തി​യ അ​യ​ൽ​വാ​സി​ക​ൾ​ക്ക്​ അ​ക​ത്തേ​ക്ക്​ ക​ട​ക്കാ​നാ​യി​ല്ല. വി​ദ്യാ​ർ​ഥി​ക​ളാ​യ മെ​ഹ​റി​ന്‍റെ​യും അ​സ്ന​യു​ടെ​യും ക​ത്തി​ക്ക​രി​ഞ്ഞ പു​സ്ത​ക​ങ്ങ​ളും കൊ​ലു​സും ക​ളി​പ്പാ​ട്ട​ങ്ങ​ളും വ​സ്ത്ര​ങ്ങ​ളും ദു​ര​ന്ത​സ്ഥ​ല​ത്തെ ക​ര​ൾ നു​റു​ക്കു​ന്ന കാ​ഴ്ച​യാ​യി​രു​ന്നു.

ഹ​മീ​ദി​നെ പൊ​ലീ​സ്​ സം​ഭ​വ​ദി​വ​സം​​ത​ന്നെ അ​റ​സ്റ്റ്​ ചെ​യ്തു. നി​ർ​ണാ​യ​ക സാ​ക്ഷി​മൊ​ഴി​ക​ൾ​ക്കും സാ​ഹ​ച​ര്യ​ത്തെ​ളി​വു​ക​ൾ​ക്കും പു​റ​മെ പ്ര​തി കു​റ്റം സ​മ്മ​തി​ക്കു​ക​കൂ​ടി ചെ​യ്ത​തോ​ടെ ന​ട​പ​ടി​ക​ൾ വേ​ഗ​ത്തി​ൽ പൂ​ർ​ത്തി​യാ​ക്കി കു​റ്റ​പ​ത്രം സ​മ​ർ​പ്പി​ച്ചു.

ചീ​നി​ക്കു​ഴി​യി​ൽ മെ​ഹ്‌​റി​ൻ സ്റ്റോ​ഴ്​​സെ​ന്ന പേ​രി​ൽ പ​ല​ച​ര​ക്ക് ക​ട ന​ട​ത്തു​ക​യാ​യി​രു​ന്നു​ മു​ഹ​മ്മ​ദ് ഫൈ​സ​ൽ. ഇ​ദ്ദേ​ഹ​വും കു​ടും​ബ​വും ഹ​മീ​ദി​നൊ​പ്പം കൊ​ല​പാ​ത​കം ന​ട​ന്ന വീ​ട്ടി​ലാ​യി​രു​ന്നു​ താ​മ​സം. പ്ര​തി ഹ​മീ​ദ്​ മു​ട്ട​ത്തെ ജി​ല്ല ജ​യി​ലി​ൽ വി​ചാ​ര​ണ​കാ​ത്ത്​ ക​ഴി​യു​ക​യാ​ണ്.