കാ​ണാ​ൻ മ​നോ​ഹ​രം;​ വേ​ണം ​ജാ​ഗ്ര​ത

തൊ​ടു​പു​ഴ: മ​ൺ​സൂ​ൺ ആ​സ്വ​ദി​ക്കു​ന്ന​തി​നും മ​റ്റു​മാ​യി ഒ​ട്ടേ​റെ സ​ഞ്ചാ​രി​ക​ൾ​ ഇ​ടു​ക്കി​യി​ലേ​ക്കെ​ത്തു​ന്ന സ​മ​യം കൂ​ടി​യാ​ണ്​ ഇ​പ്പോ​ൾ. ഇ​വ​ർ വെ​ള്ള​ച്ചാ​ട്ട​ങ്ങ​ളി​ൽ ഇ​റ​ങ്ങു​ന്ന​തും ജ​ലാ​ശ​യ​ങ്ങ​ളി​ൽ നീ​ന്തി​ക്ക​ളി​ക്കു​ന്ന​തു​മെ​ല്ലാം പ​തി​വ് ​കാ​ഴ്ച​ക​ളാ​ണ്.

പ​ക്ഷേ, ചി​ല​യി​ട​ങ്ങ​ളി​ൽ ഒ​ളി​ഞ്ഞി​രി​ക്കു​ന്ന അ​പ​ക​ട​ങ്ങ​ളെ​ക്കു​റി​ച്ച്​ ​വേ​ണ്ട​ത്ര ജാ​ഗ്ര​ത പു​ല​ർ​ത്താ​ത്ത​ത്​ പ​ല​പ്പോ​ഴും അ​പ​ക​ടം ക്ഷ​ണി​ച്ചു വ​രു​ത്താ​റു​ണ്ട്. പ​ല വെ​ള്ള​ച്ചാ​ട്ട​ങ്ങ​ളു​ടെ​യും അ​ടു​ത്ത്​ സു​ര​ക്ഷാ​വേ​ലി ഇ​ല്ലാ​ത്ത​തി​നാ​ൽ വ​ഴു​ക്ക​ലു​ള്ള പാ​റ​യി​ൽ കാ​ൽ​തെ​റ്റി​യാ​ൽ സ​ഞ്ചാ​രി​ക​ൾ താ​ഴ്ച​യി​ലേ​ക്ക് വീ​ണ് അ​പ​ക​ടം ഉ​ണ്ടാ​കാ​ൻ സാ​ധ്യ​ത​യേ​റെ​യാ​ണ്.

ഒ​ട്ടേ​റെ സ​ഞ്ചാ​രി​ക​ൾ വെ​ള്ള​ച്ചാ​ട്ടം ആ​സ്വ​ദി​ക്കാ​ൻ എ​ത്തു​ന്ന ഇ​ട​മാ​ണ്​ അ​ടി​മാ​ലി​ക്ക്​ സ​മീ​പ​മു​ള്ള ചീ​യ​പ്പാ​റ, വാ​ള​റ വെ​ള്ള​ച്ചാ​ട്ട​ങ്ങ​ൾ. ഇ​വി​ട​ങ്ങ​ളി​ൽ​നി​ന്ന് ചി​ത്ര​ങ്ങ​ൾ പ​ക​ർ​ത്തു​ന്ന​തി​നും സെ​ൽ​ഫി എ​ടു​ക്കു​ന്ന​തി​നും മ​​ഴ​ക്കാ​ല​ങ്ങ​ളി​ൽ വ​ലി​യ തി​ര​ക്കാ​ണ്. പാ​ത​യു​ടെ ഫി​ല്ലി​ങ് സൈ​ഡി​ൽ അ​ഗാ​ധ​മാ​യ താ​ഴ്ച​യു​ണ്ട്. ഇ​ത് അ​പ​ക​ട​ങ്ങ​ൾ​ക്ക് കാ​ര​ണ​മാ​കാ​ൻ സാ​ധ്യ​ത​യു​ണ്ട്. മു​മ്പ്​ വാ​ള​റ വെ​ള്ള​ച്ചാ​ട്ട​ത്തി​ന് എ​തി​ർ​വ​ശ​ത്തു​നി​ന്ന് ചി​ത്രം പ​ക​ർ​ത്തു​മ്പോ​ൾ വീ​ണ് സ​ഞ്ചാ​രി​ക്കു പ​രി​ക്കേ​റ്റി​രു​ന്നു. ഇ​ത്ത​രം സാ​ഹ​ച​ര്യ​ത്തി​ൽ വെ​ള്ള​ച്ചാ​ട്ട​ങ്ങ​ൾ അ​പ​ക​ട​മി​ല്ലാ​തെ ക​ണ്ട് ആ​സ്വ​ദി​ക്കാ​ൻ ഉ​റ​പ്പു​ള്ള വേ​ലി ഉ​ൾ​പ്പെ​ടെ സു​ര​ക്ഷാ സം​വി​ധാ​ന​ങ്ങ​ൾ അ​നി​വാ​ര്യ​മാ​ണ്. സ​ഞ്ചാ​രി​ക​ൾ ജാ​ഗ്ര​ത പു​ല​ർ​ത്തേ​ണ്ട മ​​റ്റൊ​രു സ്ഥ​ല​മാ​ണ്​ ക​ട്ട​പ്പ​ന​ക്ക്​ സ​മീ​പം അ​ഞ്ചു​രു​ളി.

വ​ഴു​ക്ക​ലും കു​ഴി​ക​ളും വെ​ളി​ച്ച​ക്കു​റ​വു​മു​ള്ള തു​ര​ങ്ക​ത്തി​നു​ള്ളി​ലും അ​പ​ക​ടാ​വ​സ്ഥ നി​ല​നി​ൽ​ക്കു​ക​യാ​ണ്. വാ​ഹ​ന​ങ്ങ​ൾ പാ​ർ​ക്കു ചെ​യ്ത​ശേ​ഷം തു​ര​ങ്ക​ത്തി​ന്​ സ​മീ​പ​ത്തേ​ക്ക് പോ​കാ​നു​ള്ള ന​ട​പ്പു​വ​ഴി​യും ത​ക​ർ​ന്ന നി​ല​യി​ലാ​ണ്. ക​ല്ലു​ക​ൾ കൂ​ടി​ക്കി​ട​ക്കു​ന്ന ഇ​തു​വ​ഴി സാ​ഹ​സി​ക​മാ​യി മാ​ത്ര​മേ ഇ​റ​ങ്ങി​പ്പോ​കാ​ൻ സാ​ധി​ക്കു​ക​യു​ള്ളൂ.

മു​മ്പ്​ ഇ​വി​ടെ സു​ര​ക്ഷാ​വേ​ലി നി​ർ​മി​ച്ചി​രു​ന്നെ​ങ്കി​ലും ശ​ക്ത​മാ​യ വെ​ള്ള​മൊ​ഴു​ക്കി​നെ തു​ട​ർ​ന്ന് അ​ത് ന​ശി​ച്ചു​പോ​യി.