കത്തിക്കയറി ചൂട്​; കരുതണം തീ

തൊ​ടു​പു​ഴ: വേ​ന​ൽ ക​ടു​ത്ത​തോ​ടെ തീ​പി​ടി​ത്തം മൂ​ല​മു​ള്ള നാ​ശ​ന​ഷ്ട​ങ്ങ​ളു​ടെ ഭീ​തി​യി​ലാ​ണ് ജി​ല്ല. ചൂ​ട് വ​ർ​ധി​ക്കു​ന്ന​തി​നൊ​പ്പം തീ​പി​ടി​ത്ത​വും വ്യാ​പ​ക​മാ​ണ്. ചെ​റു​തും വ​ലു​തു​മാ​യ നി​ര​വ​ധി ഫ​യ​ർ​കോ​ളു​ക​ളാ​ണ് ജി​ല്ല​യി​ലെ അ​ഗ്നി​ശ​മ​ന സേ​ന യൂ​നി​റ്റു​ക​ളി​ലേ​ക്ക് രാ​പ​ക​ൽ ഭേ​ദ​മ​ന്യേ എ​ത്തു​ന്ന​ത്. ജി​ല്ല​യി​ലെ എ​ട്ട്​ യൂ​നി​റ്റു​ക​ളി​ലേ​ക്ക് ജ​നു​വ​രി ഒ​ന്ന്​ മു​ത​ൽ ഫെ​ബ്രു​വ​രി എ​ട്ട്​​ വ​രെ തീ​പി​ടി​ത്ത​വു​മാ​യി ബ​ന്ധ​പ്പെ​ട്ട് 88 ഫ​യ​ർ​കോ​ളാ​ണ് എ​ത്തി​യ​ത്. ചൂ​ട് കൂ​ടി​യ​തോ​ടെ ദി​നം​പ്ര​തി ര​ണ്ടാ മൂ​ന്നോ കോ​ളു​ക​ൾ ഓ​രോ ഫ​യ​ർ സ്റ്റേ​ഷ​നി​ലേ​ക്കും എ​ത്തു​ന്നു​ണ്ട്. തൊ​ടു​പു​ഴ താ​ലൂ​ക്കി​ൽ വ്യാ​പ​ക​മാ​യാ​ണ് തീ​പി​ടി​ത്ത​മു​ണ്ടാ​കു​ന്ന​ത്. വീ​ടു​ക​ളി​ൽ തീ ​പി​ടി​ക്കു​ന്ന​തും ചെ​റു കാ​ടു​ക​ൾ​ക്ക​ട​ക്കം​ തീ ​പി​ടി​ക്കു​ന്ന​തും ക​ഴി​ഞ്ഞ ദി​വ​സ​ങ്ങ​ളി​ൽ വ​ർ​ധി​ച്ചി​ട്ടു​ണ്ട്. ലോ​റേ​ഞ്ച്- ഹൈ​റേ​ഞ്ച് വ്യ​ത്യാ​സ​മി​ല്ലാ​തെ ക​ന​ത്ത ചൂ​ടാ​ണ് പ​ക​ൽ സ​മ​യ​ങ്ങ​ളി​ൽ അ​നു​ഭ​വ​പ്പെ​ടു​ന്ന​ത്. പ​റ​മ്പു​ക​ൾ​ക്ക് തീ ​പി​ടി​ക്കു​ന്ന​തും കൂ​ടി​യി​ട്ടു​ണ്ട്. മാ​ലി​ന്യ​വും ക​രി​യി​ല​യും കൂ​ട്ടി​യി​ട്ട് ക​ത്തി​ക്കു​ന്ന​ത് അ​പ​ക​ട​ങ്ങ​ൾ​ക്ക് കാ​ര​ണ​മാ​കു​ന്നു​വെ​ന്നും ജാ​ഗ്ര​ത പാ​ലി​ക്ക​ണ​മെ​ന്നു​മാ​ണ് അ​ഗ്നി ര​ക്ഷാ​സേ​നാം​ഗ​ങ്ങ​ൾ പ​റ​യു​ന്ന​ത്.

ജാ​ഗ്ര​ത വേ​ണം; മു​ൻ​ക​രു​ത​ലും

കാ​റ്റി​ന്‍റെ സ്വാ​ധീ​ന​വും തീ ​പി​ടി​ത്ത​ത്തി​ന്‍റെ വ്യാ​പ്തി വ​ർ​ധി​പ്പി​ക്കു​ന്നു​ണ്ട്. ശ​ക്ത​മാ​യ കാ​റ്റു​ണ്ടാ​കു​മ്പോ​ൾ ക​രി​യി​ല​ക​ൾ പ​റ​ന്ന് അ​ടു​ത്ത പ​റ​മ്പി​ലേ​ക്കും മ​റ്റും തീ ​എ​ത്തും. അ​ശ്ര​ദ്ധ​മാ​യി വ​ലി​ച്ചെ​റി​യു​ന്ന ചെ​റി​യ സി​ഗ​ര​റ്റ് കു​റ്റി​ക​ൾ പോ​ലും വ​ൻ തീ​പി​ടി​ത്ത​ത്തി​ന് കാ​ര​ണ​മാ​കും. തോ​ട്ട​ങ്ങ​ളി​ലും ജ​ന​വാ​സ​കേ​ന്ദ്ര​ങ്ങ​ളി​ലും വ​ന​ങ്ങ​ളി​ലു​മു​ണ്ടാ​കു​ന്ന തീ​പി​ടി​ത്തം മു​ൻ വ​ർ​ഷ​ങ്ങ​ളി​ൽ ജ​ന​ങ്ങ​ളു​ടെ സ്വ​ത്തി​നും ജീ​വ​ന് ത​ന്നെ​യും പ​ല ത​വ​ണ ഭീ​ഷ​ണി സൃ​ഷ്ടി​ച്ചി​ട്ടു​ണ്ട്. ഹെ​ക്ട​ർ ക​ണ​ക്കി​ന് വ​ന​മേ​ഖ​ല​യും കൃ​ഷി സ്ഥ​ല​ങ്ങ​ളും വ​സ്തു​വ​ക​ക​ളു​മാ​ണ് ഓ​രോ വേ​ന​ലി​ലും ക​ത്തി ന​ശി​ക്കു​ന്ന​ത്. കാ​ട്ടു​തീ പ​ട​രു​ന്ന മേ​ഖ​ല​ക​ളി​ല്‍ എ​ത്തി​പ്പെ​ടാ​നു​ള്ള ബു​ദ്ധി​മു​ട്ടാ​ണ് ഫ​യ​ര്‍ഫോ​ഴ്‌​സി​നെ കു​ഴ​യ്ക്കു​ന്ന​ത്. പ​ല​പ്പോ​ഴും വാ​ഹ​ന​ത്തി​ന് എ​ത്തി​പ്പെ​ടാ​ന്‍ ക​ഴി​യാ​ത്ത മേ​ഖ​ല​ക​ളി​ലാ​യി​രി​ക്കും കാ​ട്ടു​തീ പ​ട​ര്‍ന്ന് പി​ടി​ക്കു​ന്ന​ത്. പു​ല്‍മേ​ടു​ക​ളി​ലും മ​റ്റും വെ​ള്ള​വു​മാ​യി വാ​ഹ​ന​ത്തി​ന് എ​ത്തി​ച്ചേ​രാ​ന്‍ ക​ഴി​യാ​ത്ത സാ​ഹ​ച​ര്യ​മാ​യ​തി​നാ​ല്‍ പ്ര​ദേ​ശ​വാ​സി​ക​ളു​ടെ​യ​ട​ക്കം സ​ഹാ​യ​ത്തോ​ടെ​യാ​ണ് തീ ​നി​യ​ന്ത്ര​ണ വി​ധേ​യ​മാ​ക്കു​ന്ന​ത്. തീ ​പ​ട​ർ​ന്നാ​ൽ അ​ണ​ക്കാ​ൻ ആ​വ​ശ്യ​മാ​യ വെ​ള്ള​മു​ണ്ടെ​ന്ന്​ ഉ​റ​പ്പാ​ക്കി​യ​ശേ​ഷ​മേ ച​പ്പു​ച​വ​റു​ക​ൾ ക​ത്തി​ക്കാ​ൻ ശ്ര​മി​ക്കാ​വൂ എ​ന്നാ​ണ് അ​ധി​കൃ​ത​ർ പ​റ​യു​ന്ന​ത്.

അ​ശ്ര​ദ്ധ പാ​ടി​ല്ല

പ​ല​പ്പോ​ഴും ആ​ളു​ക​ളു​ടെ അ​ശ്ര​ദ്ധ മൂ​ല​മാ​ണ് തീ​പി​ടു​ത്തം ഉ​ണ്ടാ​കു​ന്ന​തെ​ന്ന് ഫ​യ​ർ​ഫോ​ഴ്സ് അ​ധി​കൃ​ത​ർ. ന​ല്ല വെ​യി​ലു​ള്ള സ​മ​യ​ത്ത് തീ​യി​ട്ടാ​ൽ അ​ത് നി​യ​ന്ത്ര​ണാ​തീ​ത​മാ​യി മ​റ്റ് ഭാ​ഗ​ങ്ങ​ളി​ലേ​ക്ക് ആ​ളി​പ്പ​ട​രാ​ൻ ഇ​ട​യാ​ക്കു​ന്ന​താ​ണ്. മ​റ്റു​സ​മ​യ​ങ്ങ​ളി​ൽ തീ​യി​ട്ടാ​ലും വെ​ള്ളം കൂ​ടാ​തെ പ​ച്ചി​ല​ത്തൂ​പ്പും ക​രു​തി​വെ​ക്കേ​ണ്ട​താ​ണ്. കാ​ര​ണം തീ ​വ്യാ​പി​ച്ചാ​ൽ ഇ​വ ഉ​പ​യോ​ഗി​ച്ച് തീ ​ഉ​ട​ൻ ത​ന്നെ കെ​ടു​ത്താ​ൻ സാ​ധി​ക്കു​മെ​ന്നും ഉ​ദ്യോ​ഗ​സ്ഥ​ർ മു​ന്ന​റി​യി​പ്പ് ന​ൽ​കി.

മ​ല​യോ​ര മേ​ഖ​ല​യും ഭീ​തി​യി​ൽ

വേ​ന​ല്‍ ക​ടു​ത്ത​തോ​ടെ ജി​ല്ല​യി​ല്‍ പ​ല മേ​ഖ​ല​ക​ളി​ലാ​യി ഇ​തി​നോ​ട​കം പു​ല്‍മേ​ടു​ക​ളി​ലും സ്വ​കാ​ര്യ​ഭൂ​മി​യി​ലും തീ ​പി​ടി​ത്ത​മു​ണ്ടാ​യി. ചൂ​ടും വ​ര​ള്‍ച്ച​യും രൂ​ക്ഷ​മാ​യ​തോ​ടെ മ​ല​യോ​ര മേ​ഖ​ല​ക​ളി​ല്‍ പു​ല്‍മേ​ടു​ക​ള്‍ ഉ​ണ​ങ്ങി​യ നി​ല​യി​ലാ​ണ്. പു​ല്‍മേ​ടു​ക​ളി​ലും മ​റ്റും വെ​ള്ള​വു​മാ​യി വാ​ഹ​ന​ത്തി​ന് എ​ത്തി​ച്ചേ​രാ​ന്‍ ക​ഴി​യാ​ത്ത സാ​ഹ​ച​ര്യ​മാ​യ​തി​നാ​ല്‍ വൃ​ക്ഷ​ത്ത​ല​പ്പു​ക​ളും മ​റ്റും ഉ​പ​യോ​ഗി​ച്ച് ത​ല്ലി​ക്കെ​ടു​ത്തു​ക​യാ​ണ് ചെ​യ്യു​ന്ന​ത്.

പ​റ​മ്പി​ന് തീ ​പി​ടി​ച്ച​ത്​ പ​രി​ഭ്രാ​ന്തി പ​ര​ത്തി

തൊ​ടു​പു​ഴ: എ​ട​ക്കാ​ട്ട്ക​യ​റ്റം കാ​പ്പി​ൽ, പ​റ​മ്പി​ലെ പു​ല്ലി​ന് തീ​പി​ടി​ച്ച​ത്​ പ​രി​ഭ്രാ​ന്തി പ​ര​ത്തി. കൂ​ട്ടി​യി​ട്ടി​രു​ന്ന വി​റ​കു​ക​ളി​ലേ​ക്ക്​ തീ ​പ​ട​ർ​ന്ന​താ​ണ്​ ആ​ശ​ങ്ക പ​ര​ത്തി​യ​ത്. ഞാ​യ​റാ​ഴ്ച രാ​വി​ലെ 11നാ​യി​രു​ന്നു സം​ഭ​വം.

കാ​പ്പ് സ്വ​ദേ​ശി പ​ടി​ഞ്ഞാ​റേ​ക്ക​ര​യി​ൽ രാ​മ​ച​ന്ദ്ര​ൻ നാ​യ​രു​ടെ പ​റ​മ്പി​ലെ ച​പ്പു​ച​വ​റു​ക​ൾ വൃ​ത്തി​യാ​ക്കി തീ​യി​ടു​ന്ന​തി​നി​ടെ അ​ത് പ​ട​ർ​ന്ന് പ​റ​മ്പി​ൽ കൂ​ട്ടി​യി​ട്ടി​രു​ന്ന വി​റ​കു​ക​ളി​ലേ​ക്ക് തീ​പി​ടി​ച്ച് ആ​ളി​പ്പ​ട​രു​ക​യാ​യി​രു​ന്നു. വീ​ട്ടു​കാ​ർ ചേ​ർ​ന്ന് തീ ​കെ​ടു​ത്താ​ൻ നോ​ക്കി​യെ​ങ്കി​ലും സാ​ധി​ക്കാ​ത്ത​തി​നാ​ൽ ഫ​യ​ർ​ഫോ​ഴ്സി​ൽ വി​വ​രം അ​റി​യി​ക്കു​ക​യാ​യി​രു​ന്നു. ഉ​ട​ൻ തൊ​ടു​പു​ഴ​യി​ൽ നി​ന്ന്​ സ്റ്റേ​ഷ​ൻ ഓ​ഫി​സ​ർ ബി​നു സെ​ബാ​സ്റ്റ്യ​ന്‍റെ നേ​തൃ​ത്വ​ത്തി​ൽ ര​ണ്ട് യൂ​നി​റ്റ് സേ​നാം​ഗ​ങ്ങ​ൾ സ്ഥ​ല​ത്തെ​ത്തി.

ഇ​ടു​ങ്ങി​യ വ​ഴി ആ​യ​തി​നാ​ൽ സേ​ന​യു​ടെ വ​ലി​യ വാ​ഹ​ന​ത്തി​ന്​ സ്ഥ​ല​ത്തേ​ക്ക് എ​ത്താ​ൻ പ്ര​യാ​സം നേ​രി​ട്ട​തി​നാ​ൽ സേ​ന​യു​ടെ ത​ന്നെ ചെ​റി​യ വാ​ഹ​ന​മാ​യ വാ​ട്ട​ർ മി​സ്റ്റി​ൽ എ​ത്തി​ക്കു​ക​യാ​യി​രു​ന്നു. സ​മീ​പ​ത്തു​ണ്ടാ​യി​രു​ന്ന റ​ബ​ർ തോ​ട്ട​ത്തി​ലേ​ക്ക് തീ ​പ​ട​രാ​തി​രി​ക്കാ​ൻ ഫ​യ​ർ​ഫോ​ഴ്സി​ന്റെ കൃ​ത്യ​മാ​യ ഇ​ട​പെ​ട​ൽ മൂ​ലം സാ​ധി​ച്ചു.