ആനകളെ​​പ്പേടിച്ച്​ പുറത്തിറങ്ങാൻ കഴിയാതെ ബി.എൽ റാം സ്വദേശികൾ

തൊ​ടു​പു​ഴ: വ​യ​നാ​ട്ടി​ൽ മാ​ത്ര​മ​ല്ല ഇ​ടു​ക്കി​യി​ലും ആ​ന​ക​ളെ​​​പ്പേ​ടി​ച്ച്​ പു​റ​ത്തി​റ​ങ്ങാ​ൻ ക​ഴി​യാ​ത്ത അ​വ​സ്ഥ​യി​ലാ​ണ്​ ബി.​എ​ൽ റാം ​സ്വ​ദേ​ശി​ക​ൾ. കൊ​ച്ചി-​ധ​നു​ഷ്​​കോ​ടി ദേ​ശീ​യ​പാ​ത​യി​ൽ ബോ​ഡി​മെ​ട്ടി​ൽ​നി​ന്ന് ര​ണ്ട്​ കി​ലോ​മീ​റ്റ​ർ അ​ക​ലെ​യാ​ണ് ബി.​എ​ൽ റാം. ​സം​സ്ഥാ​ന അ​തി​ർ​ത്തി​യി​ൽ ചി​ന്ന​ക്ക​നാ​ൽ പ​ഞ്ചാ​യ​ത്തി​ലെ ഏ​റ്റ​വും അ​റ്റ​ത്തെ വാ​ർ​ഡാ​ണി​ത്. പ​ക​ലും രാ​ത്രി​യു​മി​ല്ലാ​തെ മേ​ഖ​ല​യി​ൽ കാ​ട്ടാ​ന​ക​ൾ വി​ഹ​രി​ക്കു​ന്ന​ത്​ നാ​ടി​ന്‍റെ സ​മാ​ധാ​നം ത​ക​ർ​ത്തി​രി​ക്കു​ക​യാ​ണ്. വൈ​കു​ന്നേ​രം കാ​ട്ടി​ൽ​നി​ന്ന് ആ​ന​ക​ൾ ജ​ന​വാ​സ​മേ​ഖ​ല​യി​ലേ​ക്ക് എ​ത്തും. എ​ന്നി​ട്ട് രാ​ത്രി മു​ഴു​വ​ൻ ബി.​എ​ൽ റാം ​ടൗ​ൺ പ​രി​സ​ര​ത്ത് വി​ഹ​രി​ക്കും.

തി​ങ്ക​ളാ​ഴ്ച വൈ​കി​ട്ട്​ ബി.​എ​ൽ റാ​മി​ൽ മു​റി​വാ​ല​ൻ എ​ന്ന കാ​ട്ടാ​ന ജ​ന​വാ​സ മേ​ഖ​ല​യി​ൽ ഭീ​തി പ​ര​ത്തി​യി​രു​ന്നു. ജ​ന​വാ​സ മേ​ഖ​ല​ക്ക്​ അ​ടു​ത്താ​യി കാ​ട്ടാ​ന​ക്കൂ​ട്ട​വും ത​മ്പ​ടി​ച്ചി​ട്ടു​ണ്ടെ​ന്ന്​ നാ​ട്ടു​കാ​ർ പ​റ​യു​ന്നു. വ​നം വ​കു​പ്പ് കാ​ര്യ​ക്ഷ​മ​മാ​യി ഇ​ട​പെ​ടു​ന്നി​ല്ലെ​ന്നാ​ണ്​ പ​രാ​തി. ക​ഴി​ഞ്ഞ ദി​വ​സം ബി.​എ​ൽ റാ​മി​ൽ കാ​ട്ടാ​ന ഓ​ടി​ച്ച വീ​ട്ട​മ്മ​ക്ക്​ വീ​ണു പ​രി​ക്കേ​റ്റി​രു​ന്നു. മു​ൻ പ​ഞ്ചാ​യ​ത്തം​ഗം കൂ​ടി​യാ​യ പാ​ൽ​ത്താ​യി​ക്കാ​ണ്​ (42) പ​രി​ക്കേ​റ്റ​ത്. ജീ​വ​ഭ​യ​ത്തോ​ടെ​യാ​ണ് തൊ​ഴി​ലാ​ളി​ക​ൾ തോ​ട്ട​ത്തി​ൽ ജോ​ലി ചെ​യ്യു​ന്ന​ത്. ക​ഴി​ഞ്ഞ മാ​സ​മാ​ണ് ബി.​എ​ൽ റാ​മി​ൽ​വെ​ച്ച്​ ക​ർ​ഷ​ക​നാ​യ സൗ​ന്ദ​ർ​രാ​ജ​നെ ച​ക്ക​ക്കൊ​മ്പ​ൻ ച​വി​ട്ടി​ക്കൊ​ന്ന​ത്.

ആ​ന​ശ​ല്യം രൂ​ക്ഷ​മാ​യ​തോ​ടെ ത​മി​ഴ്നാ​ട്ടി​ൽ​നി​ന്ന് ഇ​വി​ടെ ജോ​ലി​ക്കെ​ത്തു​ന്ന​വ​രു​ടെ എ​ണ്ണം കു​റ​യു​ക​യാ​ണ്. നി​ര​ന്ത​ര​മാ​യി ആ​ന​യാ​ക്ര​മ​ണം ഉ​ണ്ടാ​യി​ട്ടും അ​ധി​കൃ​ത​രു​ടെ ശ്ര​ദ്ധ ഇ​വി​ടേ​ക്ക് എ​ത്തു​ന്നി​ല്ല. പ്ര​ദേ​ശ​ത്തെ ഏ​ല​ക്കൃ​ഷി​യ​ട​ക്ക​മാ​ണ്​ ആ​ന​ക​ൾ ന​ശി​പ്പി​ക്കു​ന്ന​ത്. കൃ​ഷി ഉ​പ​ജീ​വ​ന​മാ​യ​വ​ർ​ക്ക് ഇ​തു​ണ്ടാ​ക്കു​ന്ന ന​ഷ്ടം വ​ലു​താ​ണ്. ജീ​വ​ൻ പ​ണ​യം​വ​ച്ച് പ​ട​ക്കം പൊ​ട്ടി​ക്കു​ക​യോ ഉ​ച്ച​ത്തി​ൽ വി​ളി​ച്ച് ആ​ന​യെ തു​ര​ത്തു​ക​യോ ചെ​യ്യു​ന്ന​തു മാ​ത്ര​മാ​ണ് പ്ര​തി​രോ​ധം. ജ​ന​ങ്ങ​ൾ രാ​ത്രി പേ​ടി​യോ​ടെ​യാ​ണ് പു​റ​ത്തി​റ​ങ്ങു​ന്ന​ത്.