ഇടുക്കിയിൽ ഒ​ന്നാം ക്ലാ​സി​ലെത്തു​ന്ന​ത് 5506 കു​ട്ടി​ക​ള്‍

തൊ​ടു​പു​ഴ: വി​ദ്യാ​ല​യ മു​റ്റ​ങ്ങ​ളി​ല്‍ വ്യാ​ഴാ​ഴ്ച മു​ത​ൽ ക​ളി​ചി​രി​ക​ളു​ണ​രും. മ​ഴ​യു​ടെ മ​ണി​ക്കി​ലു​ക്ക​ത്തി​ന്റെ താ​ള​ത്തി​ല്‍ പ്ര​വേ​ശ​നോ​ത്സ​വ​ത്തി​ന്റെ ആ​ഹ്ലാ​ദ​നി​മി​ഷ​ങ്ങ​ളി​ലേ​ക്ക് മ​ണി​യ​ടി​ച്ചു​ണ​രാ​ന്‍ ജി​ല്ല​യി​ലെ സ്‌​കൂ​ളു​ക​ളും കു​ഞ്ഞു​ങ്ങ​ളും ഒ​രു​ങ്ങി. ര​ണ്ടു​മാ​സ​മാ​യി ഉ​റ​ങ്ങി​ക്കി​ട​ന്നി​രു​ന്ന ക്ലാ​സ് മു​റി​ക​ള്‍ക്ക് ഇ​ന്ന് കു​ട്ടി​ക​ളു​ടെ ക​ല​പി​ല​ക​ളോ​ടെ ജീ​വ​ന്‍വെ​ക്കു​മ്പോ​ള്‍ അ​വ​ധി​ക്കാ​ല വി​ശേ​ഷ​ങ്ങ​ളേ​റെ​യു​ണ്ട് അ​വ​ര്‍ക്ക് പ​ങ്കു​വെ​ക്കാ​ന്‍.

സ്‌​കൂ​ളു​ക​ളി​ല്‍ പു​തി​യൊ​രു അ​ധ്യ​യ​ന വ​ര്‍ഷ​ത്തി​ന്റെ ആ​ര​വ​ങ്ങ​ളു​യ​രു​മ്പോ​ള്‍ നാ​ടും ഉ​ണ​രു​ക​യാ​ണ്. പു​ത്ത​നു​ടു​പ്പി​ട്ട് വ​ര്‍ണ​ക്കു​ട​ചൂ​ടി അ​ക്ഷ​ര​മു​റ്റ​ങ്ങ​ളി​ലേ​ക്കെ​ത്തു​ന്ന ആ​യി​ര​ക്ക​ണ​ക്കി​ന് കു​രു​ന്നു​ക​ള്‍ക്കും അ​വ​രു​ടെ മാ​താ​പി​താ​ക്ക​ള്‍ക്കും തു​ട​ക്ക​ത്തി​ന്റെ മ​ധു​രാ​നു​ഭ​വം പ​ക​രാ​ന്‍ വി​പു​ല​മാ​യ ഒ​രു​ക്ക​ങ്ങ​ളാ​ണ് വി​ദ്യാ​ല​യ മാ​നേ​ജ്‌​മെ​ന്റു​ക​ള്‍ പൂ​ര്‍ത്തി​യാ​ക്കി​യ​ത്. ജി​ല്ല​യി​ല്‍ പൊ​തു​വി​ദ്യാ​ഭ്യാ​സ വ​കു​പ്പി​ന് കീ​ഴി​ലു​ള്ള 496 സ്‌​കൂ​ളു​ക​ളി​ലാ​യി ഒ​ന്നാം​ക്ലാ​സി​ലേ​ക്ക് പ്ര​വേ​ശ​നം നേ​ടി​യ​ത് 5506 കു​ട്ടി​ക​ളാ​ണ്. പ്ര​വേ​ശ​ന പ്ര​കി​യ പു​രോ​ഗ​മി​ക്കു​ന്ന സാ​ഹ​ച​ര്യ​ത്തി​ല്‍ ഇ​നി​യും കൂ​ടു​ത​ല്‍ കു​ട്ടി​ക​ള്‍ സ്‌​കൂ​ളു​ക​ളി​ല്‍ എ​ത്തു​മെ​ന്ന് അ​ധി​കൃ​ത​ര്‍ അ​റി​യി​ച്ചു. അ​ത്യാ​ധു​നി​ക സൗ​ക​ര്യ​ങ്ങ​ളും മി​ക​ച്ച കെ​ട്ടി​ട​ങ്ങ​ളും ഹൈ​ടെ​ക് ക്ലാ​സ് മു​റി​ക​ളു​മൊ​ക്കെ​യാ​യി പൊ​തു​വി​ദ്യാ​ഭ്യാ​സ രം​ഗം മാ​റി​യ​തോ​ടെ അ​ക്കാ​ദ​മി​ക് മി​ക​വി​ലും വ​ലി​യ മു​ന്നേ​റ്റം സം​ഭ​വി​ച്ചു.

പൊ​തു​വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ലേ​ക്കു​ള്ള കു​ട്ടി​ക​ളു​ടെ ഒ​ഴു​ക്ക് ഇ​താ​ണ് വ്യ​ക്ത​മാ​ക്കു​ന്ന​ത്. ജി​ല്ല​ത​ല പ്ര​വേ​ശ​നോ​ത്സ​വം വ്യാ​ഴാ​ഴ്ച രാ​വി​ലെ ഒ​മ്പ​തി​ന് പ​ണി​ക്ക​ന്‍കു​ടി ഗ​വ.​ഹ​യ​ര്‍ സെ​ക്ക​ന്‍ഡ​റി സ്‌​കൂ​ളി​ല്‍ ന​ട​ക്കും.

ജ​ല​വി​ഭ​വ മ​ന്ത്രി റോ​ഷി അ​ഗ​സ്റ്റി​ന്‍ ഉ​ദ്ഘാ​ട​നം ചെ​യ്യും. ജി​ല്ല പ​ഞ്ചാ​യ​ത്ത് പ്ര​സി​ഡ​ന്റ് കെ.​ടി. ബി​നു അ​ധ്യ​ക്ഷ​ത​വ​ഹി​ക്കും. അ​ഡ്വ. ഡീ​ന്‍. കു​ര്യാ​ക്കോ​സ് എം.​പി മു​ഖ്യ​പ്ര​ഭാ​ഷ​ണം ന​ട​ത്തും.