Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightIdukkichevron_rightകുട്ടികൾ...

കുട്ടികൾ വീട്ടിലിരുന്നാലും തേടിയെത്തും ഈ അധ്യാപകർ

text_fields
bookmark_border
കുട്ടികൾ വീട്ടിലിരുന്നാലും തേടിയെത്തും ഈ അധ്യാപകർ
cancel
camera_alt

പണിക്കൻകുടി ഗവ. ഹയർ സെക്കൻഡറി സ്​കൂളിലെ വിദ്യാർഥികളുടെ വീടുകൾ അധ്യാപകർ സന്ദർശിച്ചപ്പോൾ

െതാടുപുഴ: കുട്ടികൾ ഓൺലൈൻ ക്ലാസുകളിൽ ആണെങ്കിലും പണിക്കൻകുടി ഗവ. ഹയർസെക്കൻഡറി സ്​കൂളിലെ ജോർജ്​ ഇഗ്​നേഷ്യസിനും സഹപ്രവർത്തകർക്കും വിശ്രമിക്കാൻ ഒട്ടും സമയമില്ല. ലോക്ഡൗൺ ഇളവിന്​ പിന്നാലെ സ്കൂളിലെ 108ലധികം വിദ്യാർഥികളുടെ വീടുകളിൽ ഇവർ സന്ദർശനം നടത്തിക്കഴിഞ്ഞു.

കുശലാന്വേഷണത്തിന്​ വേണ്ടിയുള്ള വെറും യാത്രകൾ മാത്രമല്ല, മറിച്ച്​ വിദ്യാർഥികൾ നേരിടു​ന്ന പ്രശ്​നങ്ങൾകൂടി കണ്ടെത്തി പരിഹാരംകൂടി നിർദേശിക്കുന്നുണ്ട്​ ഈ അധ്യാപകർ. ഗതാഗതസൗകര്യം വെല്ലുവിളി സൃഷ്​ടിക്ക​ുന്ന മേഖലയിലെ ഒ​ട്ടേറെ കുട്ടികളാണ്​ പണിക്കൻകുടി സ്​കൂളിൽ പഠിക്കുന്നത്​. പുസ്​തകങ്ങൾ സ്​കൂളുകളിൽ വന്ന്​ വാങ്ങാൻ നിർദേശിച്ചെങ്കിലും പലരും എത്താത്തത്​ ശ്രദ്ധയിൽപ്പെട്ടതോടെയാണ്​ അധ്യാപക​രുടെ നേതൃത്വത്തിൽ പുസ്​തകം വീട്ടിലെത്തിച്ചുനൽകാൻ തീരുമാനിച്ചത്​. തിങ്കൾകാട്​, മുനിയറ, വള്ളക്കടവ്​, മരക്കാനം തുടങ്ങിയ വിദൂര മേഖലകളിൽ എത്തുന്നതിനായി അധ്യാപകരുടെ വാഹനത്തിൽ തന്നെയാണ്​ കുട്ടികളുടെ വീടുകൾ തേടിയിറങ്ങിയത്​.

ഇവിടെ എത്തിയതോടെയാണ്​ പല കുട്ടികളുടെയും സാഹചര്യം അധ്യാപകർക്ക്​ ബോധ്യപ്പെട്ടത്​. പല വീടുകളിലും വൈദ്യുതിയും നെറ്റും അനുബന്ധ സൗകര്യങ്ങളുമില്ല. വിക്​ടേഴ്​സ്​ ചാനലിലൂ​ടെയും ഗൂഗിൾ മീറ്റിലൂടെയും കുട്ടികൾ ക്ലാസുകൾ കാണുന്നുണ്ടെങ്കിലും പല വിദ്യാർഥികൾക്കും സ്കൂ​ളിലെത്താൻ കഴിയാത്തതിൽ വലിയ നിരാശയാണ്​ പങ്കുവെച്ചതെന്ന്​ ​േജാർജ്​ ഇഗ്​നേഷ്യസ്​ പറഞ്ഞു. രാവിലെ സ്​കൂളിൽനിന്ന്​ പുറപ്പെട്ട്​ വിദ്യാർഥികൾ കൂടുതലുള്ള സ്ഥലങ്ങൾ കേ​ന്ദ്രീകരിച്ചാണ്​ ആദ്യദിനങ്ങളിൽ എത്തിയത്​. ചില കുട്ടികളുടെ വീടുകളിലേക്കെത്താൻ വാഹനം നിർത്തി രണ്ട്​ കിലോമീറ്റർ വരെ നടക്കേണ്ടിവന്നു. വീടുകളിലേക്ക്​ അധ്യാപകർ എത്തിയത്​ കുട്ടികൾക്കും അത്ഭുതമായി.

ഓൺലൈൻ ക്ലാസിൽനിന്ന്​ ലഭിച്ച കുട്ടികളുടെ ക്ലാസിലെ സംശയങ്ങളടക്കം ദൂരീകരിച്ചശേഷമാണ്​ ഇവർ മടങ്ങിയത്​. എന്നാൽ, ചിലരൊക്കെ ഇപ്പോഴും ക്ലാസുകൾ കൃത്യമായി പ്രയോജനപ്പെടുത്തുന്നില്ലെന്ന കാര്യവും അധ്യാപകർ കണ്ടെത്തി. കോവിഡ്​ കേസുകൾ കൂടിവരുന്ന സാഹചര്യത്തിൽ നിലവിൽ വീടുകളിലെ സന്ദർശനം നിർത്തിവെച്ചിരിക്കുകയാണ്​. സ്​കൂൾ തുറക്കുന്ന കാര്യം അനിശ്ചിതത്വത്തിലായതേ​ാടെ ഓൺലൈൻ ക്ലാസുകൾ കുട്ടികളിലേക്കെത്തിക്കാനുള്ള ശ്രമത്തിലാണ്​ ഇവിടുത്തെ അധ്യാപകർ. പ്രധാന അധ്യാപകനൊപ്പം കെ.ടി അജേഷ്​, എസ്​.ജ്യോതിസ്​, വി.എൻ രാ​േജഷ്​, ഷൈല അലി, ത്യേസ്യാമ്മ മാത്യു തുടങ്ങിയ അധ്യാപകരും വിദ്യാർഥികളെ തേടിയുള്ള യാത്രയിൽ പങ്കാളികളാകാറുണ്ട്​​.

സ്​കൂളുകളിൽ വിദ്യാർഥികളില്ലാത്ത അവരുടെ കളിചിരികളില്ലാത്ത കോവിഡ്​ കാലമൊക്കെ വേഗം കഴിഞ്ഞ്​ കുട്ടികൾ സ്​കൂളിലേക്കെത്ത​ണേ എന്ന ഒറ്റ ആഗ്രഹം മാത്രമാണ്​ ഇൗ അധ്യാപകരെല്ലാം പങ്കുവെക്കുന്നത്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:world teachers day
Next Story