മാങ്കുളത്ത്​ ഡോക്ടറില്ല; രോഗികൾ വലയുന്നു

അ​ടി​മാ​ലി: മാ​ങ്കു​ളം സ​ർ​ക്കാ​ർ ആ​ശു​പ​ത്രി​യി​ലെ ഡോ​ക്ട​ർ അ​വ​ധി​യി​ൽ പോ​യ​ത്​ രോ​ഗി​ക​ളെ ദു​രി​ത​ത്തി​ലാ​ക്കി. ക​ഴി​ഞ്ഞ ശ​നി​യാ​ഴ്ച മു​ത​ൽ ഡോ​ക്ട​ർ അ​വ​ധി​യി​ലാ​ണ്.എ​ന്ന് തി​രി​ച്ചു​വ​രു​മെ​ന്ന് ജീ​വ​ന​ക്കാ​ർ​ക്കു​പോ​ലും നി​ശ്ച​യ​മി​ല്ല. പ്ര​തി​ദി​നം 250ലേ​റെ രോ​ഗി​ക​ളെ​ത്തു​ന്ന ഇ​വി​ടെ ഡോ​ക്ട​ർ അ​വ​ധി​യെ​ടു​ത്ത​തോ​ടെ ദൈ​നം​ദി​ന പ്ര​വ​ർ​ത്ത​ന​ങ്ങ​ൾ താ​ളം​തെ​റ്റി. അ​വി​ക​സി​ത പ​ഞ്ചാ​യ​ത്താ​ണ് മാ​ങ്കു​ളം.

14 ആ​ദി​വാ​സി കോ​ള​നി​ക​ൾ പ​ഞ്ചാ​യ​ത്ത് പ​രി​ധി​യി​ലു​ണ്ട്. അ​ടി​മാ​ലി പ​ഞ്ചാ​യ​ത്തി​ലെ കു​റ​ത്തി​ക്കു​ടി ആ​ദി​വാ​സി കോ​ള​നി​വാ​സി​ക​ളും മാ​ങ്കു​ള​ത്തെ ആ​ശു​പ​ത്രി​യെ​യാ​ണ് ആ​ശ്ര​യി​ക്കു​ന്ന​ത്. ഡോ​ക്ട​ർ ഇ​ല്ലാ​ത്ത​തി​നാ​ൽ മാ​ങ്കു​ള​ത്തു​കാ​ർ 35 കി​ലോ​മീ​റ്റ​ർ അ​ക​ലെ അ​ടി​മാ​ലി താ​ലൂ​ക്ക് ആ​ശു​പ​ത്രി​യി​ൽ എ​ത്തി​യാ​ണ് ചി​കി​ത്സ തേ​ടു​ന്ന​ത്. വേ​ന​ൽ​ക്കാ​ല​മാ​യ​തി​നാ​ൽ പ​നി ഉ​ൾ​പ്പെ​ടെ ജ​ല​ജ​ന്യ രോ​ഗ​ങ്ങ​ൾ മാ​ങ്കു​ള​ത്ത് പ​ട​ർ​ന്നു​പി​ടി​ക്കു​ന്നു​ണ്ട്. ആ​ദി​വാ​സി കോ​ള​നി​ക​ളി​ൽ ആ​രോ​ഗ്യ വ​കു​പ്പ്​ ന​ട​ത്തേ​ണ്ട ക്യാ​മ്പു​ക​ളും മു​ട​ങ്ങി.

നേ​ര​ത്തേ ര​ണ്ട്​ ഡോ​ക്ട​ർ​മാ​ർ ഉ​ണ്ടാ​യി​രു​ന്ന ഇ​വി​ടെ നി​ല​വി​ൽ ഒ​രാ​ൾ മാ​ത്ര​മാ​ണു​ള്ള​ത്. ഈ ​ഡോ​ക്ട​റാ​ണ് അ​വ​ധി​യി​ൽ പോ​യ​ത്. മാ​ങ്കു​ളം ആ​ശു​പ​ത്രി കു​ടും​ബാ​രോ​ഗ്യ കേ​ന്ദ്ര​മാ​യി ഉ​യ​ർ​ത്താ​ൻ കെ​ട്ടി​ടം ഉ​ൾ​പ്പെ​ടെ നി​ർ​മി​ച്ചി​രു​ന്നു. ഉ​ദ്ഘാ​ട​ന തീ​യ​തി​യും പ്ര​ഖ്യാ​പി​ച്ചി​രു​ന്നു.എ​ന്നാ​ൽ, തു​ട​ർ​ന​ട​പ​ടി​ക​ൾ ചു​വ​പ്പു​നാ​ട​യി​ൽ കു​രു​ങ്ങി. പ​ഞ്ചാ​യ​ത്തി​ന് സ്വ​ന്ത​മാ​യി ആം​ബു​ല​ൻ​സ് ഉ​ണ്ടെ​ങ്കി​ലും മാ​സ​ങ്ങ​ളാ​യി ക​ട്ട​പ്പു​റ​ത്താ​ണ്.