പൊലീസിനെക്കണ്ട് യുവാവ് ഓടി; പിടികൂടിയപ്പോൾ ഒളിവിലിരുന്ന കള്ളൻ

കു​മ​ളി: വാ​ഹ​ന പ​രി​ശോ​ധ​നക്കി​ടെ റോ​ഡി​ലൂ​ടെ ന​ട​ന്നു​വ​ന്ന യു​വാ​വ് പൊ​ലീ​സി​നെ​ക്ക​ണ്ട് തി​രി​ഞ്ഞോ​ടി. മാ​സ്ക് ഇ​ല്ലാ​ത്ത​തി​നാ​ലാ​ണ് ഓ​ടി​യ​തെ​ന്ന് ആ​ദ്യം ക​രു​തി​യെ​ങ്കി​ലും ഉ​ദ്യോ​ഗ​സ്ഥ​രി​ൽ ചി​ല​ർ​ക്ക് സം​ശ​യം തോ​ന്നി​യ​തോ​ടെ പി​ന്നാ​ലെ ഓ​ടി പി​ടി​കൂ​ടി. ചോ​ദ്യം ചെ​യ്​​ത​പ്പോ​ഴാ​ണ്​ അ​ഞ്ചു മാ​സ​മാ​യി പൊ​ലീ​സി​നെ വെ​ട്ടി​ച്ചു​ന​ട​ന്ന ക​ള്ള​നാ​ണ് പി​ടി​യി​ലാ​യ​തെ​ന്ന് വ്യ​ക്ത​മാ​യ​ത്.

സം​സ്ഥാ​ന അ​തി​ർ​ത്തി​യി​ലെ ക​മ്പ​ത്താ​ണ് സം​ഭ​വം. ക​മ്പം കാ​മാ​ക്ഷി​പു​രം തെ​രു​വി​ൽ ശ​ക്തി​വേ​ലാ​ണ് (23) പി​ടി​യി​ലാ​യ​ത്. ഇ​യാ​ളു​ടെ വീ​ട്ടി​ൽ​നി​ന്ന്​ മോ​ഷ്​​ടി​ച്ച​ ഏ​ഴു പ​വ​ൻ സ്വ​ർ​ണം എ​സ്.​ഐ ഗീ​ത​യു​ടെ നേ​തൃ​ത്വ​ത്തി​ൽ ക​ണ്ടെ​ടു​ത്തു.

ക​ഴി​ഞ്ഞ വ​ർ​ഷം ഡി​സം​ബ​ർ 23നാ​ണ് കേ​സി​നാ​സ്പ​ദ​മാ​യ സം​ഭ​വം. ക​മ്പം സ്വ​ദേ​ശി ലോ​ക്​​നാ​ഥ​െൻറ മ​ക​െൻറ വി​വാ​ഹ​ശേ​ഷം കു​ടും​ബാം​ഗ​ങ്ങ​ളെ​ല്ലാം കൊ​ടൈ​ക്ക​നാ​ലി​ലേ​ക്ക് ഉ​ല്ലാ​സ​യാ​ത്ര പോ​യി. ഇ​വ​ർ മ​ട​ങ്ങി​യെ​ത്തി​യ​പ്പോ​ൾ വീ​ടി​െൻറ മു​ൻ​വാ​തി​ൽ കു​ത്തി​ത്തു​റ​ന്ന് വീ​ട്ടി​ലു​ണ്ടാ​യി​രു​ന്ന സ്വ​ർ​ണ​വും പ​ണ​വും അ​പ​ഹ​രി​ച്ച​താ​യി ക​ണ്ടെ​ത്തി.

തേ​നി എ​സ്.​പി സാ​യ് സ​ര​ൺ തേ​ജ​സ്വി​യു​ടെ മേ​ൽ​നോ​ട്ട​ത്തി​ൽ അ​ന്വേ​ഷ​ണം ആ​രം​ഭി​ച്ചെ​ങ്കി​ലും സൂ​ച​ന​ക​ളൊ​ന്നും ല​ഭി​ച്ചി​രു​ന്നി​ല്ല. പൊ​ലീ​സ് ഇ​രു​ട്ടി​ൽ ത​പ്പു​മ്പോ​ഴാ​ണ് പി​ടി​യി​ലാ​യ​ത്. സ​ഹോ​ദ​ര​നു​വേ​ണ്ടി​യും അ​ന്വേ​ഷ​ണം ആ​രം​ഭി​ച്ചി​ട്ടു​ണ്ട്.