തീ പടരുന്നു...

ഇ​ടു​ക്കി: വേ​ന​ൽ ക​ടു​ത്ത​തോ​ടെ ജി​ല്ല​യി​ൽ കാ​ട്ടു​തീ പ​ല​യി​ട​ത്തും വ്യാ​പ​ക​മാ​യി. ക​ർ​ഷ​ക​രു​​ടെ ഏ​ക്ക​റു​ക​ണ​ക്കി​ന്​ വി​ള​ക​ളാ​ണ്​ കാ​ട്ടു​തീ ക​വ​രു​ന്ന​ത്. ചൂ​ട്​ കൂ​ടി​യ​തോ​ടെ വ​ന​മേ​ഖ​ല​ക​ളും കാ​ട്ടു​തീ ഭീ​ഷ​ണി​യി​ലാ​ണ്. തി​ങ്ക​ളാ​ഴ്ച അ​ടി​മാ​ലി, ഉ​ടു​മ്പ​ന്നൂ​ർ, ത​ട്ടേ​ക്ക​ണ്ണി വ​ന​മേ​ഖ​ല എ​ന്നി​ങ്ങ​നെ ജി​ല്ല​യു​ടെ വി​വി​ധ ഭാ​ഗ​ങ്ങ​ളി​ൽ കാ​ട്ടു​തീ​മൂ​ലം കൃ​ഷി​നാ​ശ​മു​ണ്ടാ​യി.

മൂ​ന്നേ​ക്ക​ർ കൃ​ഷി​യി​ടം ക​ത്തി​ന​ശി​ച്ചു

അ​ടി​മാ​ലി: കാ​ട്ടു​തീ പ​ട​ർ​ന്ന്​ മൂ​ന്നേ​ക്ക​ർ കൃ​ഷി​യി​ടം ക​ത്തി​ന​ശി​ച്ചു. അ​ടി​മാ​ലി കൂ​മ്പ​ൻ​പാ​റ 25 ഏ​ക്ക​റി​ൽ പ​ള്ളി​പ്പാ​ട്ടു​കു​ടി വ​ർ​ഗീ​സി​ന്‍റെ കൃ​ഷി​യി​ട​മാ​ണ് ക​ത്തി​ന​ശി​ച്ച​ത്. ഞാ​യ​റാ​ഴ്ച സ​ന്ധ്യ​യോ​ടെ​യാ​ണ് സം​ഭ​വം.

300 കൊ​ക്കോ​യും 400 കു​രു​മു​ള​ക് ചെ​ടി​ക​ളും ജാ​തി, മാ​വ്, പ്ലാ​വ്, ഉ​ൾ​പ്പെ​ടെ നി​റ​യെ കൃ​ഷി​യു​ള്ള മൂ​ന്നേ​ക്ക​ർ സ്ഥ​ല​മാ​ണ് ക​ത്തി​ന​ശി​ച്ച​ത്. അ​ടി​മാ​ലി​യി​ൽ​നി​ന്ന്​ അ​ഗ്നി​ഗി​ര​ക്ഷാ​സേ​ന എ​ത്തി​യെ​ങ്കി​ലും കാ​ര്യ​മാ​യ ഇ​ട​പെ​ട​ൽ ന​ട​ത്താ​ൻ ക​ഴി​ഞ്ഞി​ല്ല. ല​ക്ഷ​ങ്ങ​ളു​ടെ ന​ഷ്ട​മാ​ണ് ക​ർ​ഷ​ക​ന് ഉ​ണ്ടാ​യ​ത്.

ത​ട്ടേ​ക്ക​ണ്ണി വ​ന​ത്തി​ലും തീ ​പ​ട​ർ​ന്നു

അ​ടി​മാ​ലി: അ​ടി​മാ​ലി, പ​ത്താം​മൈ​ൽ വ​ന​മേ​ഖ​ല​ക്ക് പു​റ​മെ ത​ട്ടേ​ക്ക​ണി വ​ന​ത്തി​ലും തീ ​പ​ട​ർ​ന്നു. ക​ഴി​ഞ്ഞ ഒ​രാ​ഴ്ച​ക്കി​ടെ നി​ര​വ​ധി ത​വ​ണ​യാ​ണ്​ ത​ട്ടേ​ക്ക​ണ്ണി വ​ന​ത്തി​ൽ തീ ​പ​ട​ർ​ന്ന​ത്. വ​ന​ത്തി​ൽ മ​നഃ​പൂ​ർ​വം തീ​യി​ട്ട​താ​ണെ​ന്ന ആ​ക്ഷേ​പ​വും ഉ​യ​ർ​ന്നി​ട്ടു​ണ്ട്. വ​നം​കൊ​ള്ള മ​റ​യ്​​ക്കാ​നും വ​ന​വ​ത്​​ക​ര​ണ പ​ദ്ധ​തി​യി​ലെ അ​ഴി​മ​തി മ​റ​യ്​​ക്കാ​നു​മാ​ണ് തീ​യി​ട്ട​തെ​ന്ന ആ​ക്ഷേ​പം ശ​ക്ത​മാ​ണ്. The fire is spreadingഅ​പൂ​ർ​വ ഇ​ന​ത്തി​ൽ​​പെ​ട്ട ധാ​രാ​ളം സ​സ്യ​ങ്ങ​ളും ജ​ന്തു​ക്ക​ളും ന​ശി​ച്ചി​ട്ടു​ണ്ട്.