ജി​ല്ല​ക്ക്​ കാ​വ​ലാ​കാ​ന്‍ ഐ​ഡ്രി​സ്

തൊ​ടു​പു​ഴ: ദു​ര​ന്ത പ്ര​തി​രോ​ധ സം​വി​ധാ​ന​ങ്ങ​ള്‍ ഏ​കോ​പി​പ്പി​ക്കാ​നും വി​ക​സ​ന പ്ര​വ​ര്‍ത്ത​ന​ങ്ങ​ള്‍ ആ​സൂ​ത്ര​ണം ചെ​യ്യാ​നു​മു​ള്ള നൂ​ത​ന സാ​ങ്കേ​തി​ക വി​ദ്യ സം​വി​ധാ​ന​വു​മാ​യി ജി​ല്ലാ ഭ​ര​ണ​കൂ​ടം. സം​സ്ഥാ​ന​ത്തി​നാ​കെ മാ​തൃ​ക​യാ​കു​ന്ന ഇ​ടു​ക്കി ഡി​സാ​സ്റ്റ​ര്‍ റെ​സി​ലി​യ​ന്‍സ് ആ​ന്‍ഡ് ഇ​ന്‍ഫ​ര്‍മേ​ഷ​ന്‍ സി​സ്റ്റം (ഐ​ഡ്രി​സ്) എ​ന്ന നൂ​ത​ന മു​ന്‍ക​രു​ത​ല്‍ സം​വി​ധാ​ന​ത്തി​ന്റെ പ​രീ​ക്ഷ​ണ പ്ര​വ​ര്‍ത്ത​നം ഈ ​മ​ഴ​ക്കാ​ല​ത്ത് ജി​ല്ലാ ദു​ര​ന്ത​നി​വാ​ര​ണ അ​തോ​റി​റ്റി​യു​ടെ നേ​തൃ​ത്വ​ത്തി​ല്‍ അ​ടി​മാ​ലി, രാ​ജ​ക്കാ​ട് മേ​ഖ​ല​ക​ളി​ൽ തു​ട​ങ്ങാ​നാ​ണ്​ ല​ക്ഷ്യ​മി​ടു​ന്ന​ത്.

എ.​ഐ അ​ട​ക്ക​മു​ള്ള നൂ​ത​ന സാ​ങ്കേ​തി​ക വി​ദ്യ​യു​ടെ സ​ഹാ​യ​ത്തോ​ടെ ഉ​രു​ള്‍പൊ​ട്ട​ല്‍, പ്ര​ള​യം, കാ​ട്ടു​തീ, വ​ര​ള്‍ച്ച തു​ട​ങ്ങി​യ പ്ര​കൃ​തി ദു​ര​ന്ത​ങ്ങ​ളെ​ക്കു​റി​ച്ച് മു​ന്ന​റി​യി​പ്പ്​ ന​ല്‍കു​ക, ജി.​ഐ.​എ​സ് അ​ധി​ഷ്ഠി​ത റി​സ്‌​ക് മാ​പ്പി​ങ്​ വ​ഴി യ​ഥാ​സ​മ​യ ഡേ​റ്റ സം​യോ​ജി​പ്പി​ച്ച് വി​ക​സ​ന പ​ദ്ധ​തി​ക​ളു​മാ​യി ബ​ന്ധ​പ്പെ​ട്ട ആ​സൂ​ത്ര​ണം, ഭൂ​മി​യു​ടെ ഉ​പ​യോ​ഗ​ത്തെ​ക്കു​റി​ച്ച് പ്രാ​ദേ​ശി​ക, ജി​ല്ലാ ത​ല​ങ്ങ​ളി​ല്‍ തീ​രു​മാ​ന​ങ്ങ​ള്‍ എ​ടു​ക്കു​ന്ന​തി​നു​ള്ള പി​ന്തു​ണ, വ​ന്യ​ജീ​വി ആ​ക്ര​മ​ണം കു​റ​യ്ക്കാ​നു​ള്ള സം​യോ​ജി​ത പ​ദ്ധ​തി ത​യാ​റാ​ക്ക​ല്‍, സാ​മ്പ​ത്തി​ക​വും പ​രി​സ്ഥി​തി​ക​വു​മാ​യ ന​ഷ്ടം കു​റ​യ്ക്ക​ല്‍, വ​ന​ജ​ല വി​നി​മ​യം, മ​ണ്ണി​ന്റെ ഘ​ട​ന​യും മ​ഴ​യു​ടെ രീ​തി​യും അ​നു​സ​രി​ച്ചു​ള്ള കൃ​ഷി​യും വ​ന​പ​രി​പാ​ല​ന​വും എ​ന്നി​വ​യാ​ണ് ഐ​ഡ്രി​സി​ന്റെ പ്ര​ധാ​ന ല​ക്ഷ്യം.

പ​ദ്ധ​തി ന​ട​ത്തി​പ്പി​നാ​യി സെ​ന്‍സ​റു​ക​ള്‍ സ്ഥാ​പി​ക്കു​ന്ന സ്ഥ​ലം, ജി.​ഐ.​എ​സ് ലെ​യ​റു​ക​ള്‍ എ​ന്നി​വ​യു​മാ​യി ബ​ന്ധ​പ്പെ​ട്ട പ​ഞ്ചാ​യ​ത്ത്ത​ല പ്ര​വ​ര്‍ത്ത​ന​ങ്ങ​ള്‍ പൂ​ര്‍ത്തി​യാ​യി. ഐ​ഡ്രി​സ് സോ​ഫ്റ്റ് വെ​യ​റി​ന്റെ വി​ക​സ​ന​വും ഫീ​ല്‍ഡ്ത​ല പ​രി​ശോ​ധ​ന​യും ഉ​ട​ന്‍ ആ​രം​ഭി​ക്കു​മെ​ന്നും ജി​ല്ലാ ക​ല​ക്ട​ര്‍ വി.​വി​ഘ്​​നേ​ശ്വ​രി അ​റി​യി​ച്ചു.

ഐ​ഡ്രി​സ്​ എ​ന്നാ​ൽ

ഇ​ടു​ക്കി ഡി​സാ​സ്റ്റ​ര്‍ റെ​സി​ലി​യ​ന്‍സ് ആ​ന്‍ഡ് ഇ​ന്‍ഫ​ര്‍മേ​ഷ​ന്‍ സി​സ്റ്റം എ​ന്ന​തി​ന്‍റെ ചു​രു​ക്ക​പ്പേ​രാ​ണ്​ ഐ​ഡ്രി​സ്. സം​വി​ധാ​ന​ത്തി​ന്റെ പ​രീ​ക്ഷ​ണ പ്ര​വ​ര്‍ത്ത​നം അ​ടി​മാ​ലി, രാ​ജ​ക്കാ​ട് മേ​ഖ​ല​ക​ളി​ൽ തു​ട​ങ്ങും. എ.​ഐ അ​ട​ക്ക​മു​ള്ള നൂ​ത​ന സാ​ങ്കേ​തി​ക വി​ദ്യ​യു​ടെ സ​ഹാ​യ​ത്തോ​ടെ പ്ര​കൃ​തി ദു​ര​ന്ത​ങ്ങ​ളെ​ക്കു​റി​ച്ച് മു​ന്ന​റി​യി​പ്പ്​ ന​ല്‍കു​ക. വി​വി​ധ ഡേ​റ്റ​ക​ൾ വി​ശ​ക​ല​ന​മ ചെ​യ്ത്​ സു​സ്​​ഥി​ര വി​ക​സ​ന പ​ദ്ധ​തി​ക​ളു​ടെ ആ​സൂ​ത്ര​ണം എ​ന്നി​വ​യാ​ണ്​ പ്ര​ധാ​ന ല​ക്ഷ്യ​ങ്ങ​ൾ.

ത​ത്സ​മ​യ മു​ന്ന​റി​യി​പ്പി​ന്​ സ്മാ​ര്‍ട്ട് അ​ല​ര്‍ട്ട് പ്രോ​ട്ടോ​കോ​ൾ

സ്മാ​ര്‍ട്ട് അ​ല​ര്‍ട്ട് പ്രോ​ട്ടോ​കോ​ള്‍ സം​വി​ധാ​ന​മാ​ണ് മ​റ്റൊ​രു പ്ര​ധാ​ന സ​വി​ശേ​ഷ​ത. എ​സ്.​എം.​എ​സ്, ഐ.​വി.​ആ​ര്‍.​എ​സ്, സൈ​റ​ണ്‍, റേ​ഡി​യോ, മൊ​ബൈ​ല്‍ ആ​പ്പ് എ​ന്നി​വ വ​ഴി വി​വി​ധ വ​കു​പ്പു​ക​ളി​ലേ​ക്കും പൊ​തു​ജ​ന​ങ്ങ​ളി​ലേ​ക്കും ത​ത്സ​മ​യ മു​ന്ന​റി​യി​പ്പു​ക​ള്‍ ന​ല്‍കു​ക​യാ​ണ് ഇ​തു കൊ​ണ്ട് ഉ​ദ്ദേ​ശി​ക്കു​ന്ന​ത്. മ​ല​യാ​ളം, ഇം​ഗ്ലീ​ഷ്, ത​മി​ഴ്, ഹി​ന്ദി, പ്രാ​ദേ​ശി​ക ആ​ദി​വാ​സി ഭാ​ഷ​ക​ള്‍ ഉ​ള്‍പ്പെ​ടെ​യു​ള്ള​വ​യി​ല്‍ ഫ​ല​പ്ര​ദ​മാ​യ ആ​ശ​യ​വി​നി​മ​യം ന​ട​ത്തും.

വി​ക​സ​ന പ്ര​വ​ര്‍ത്ത​ന​ങ്ങ​ള്‍ ആ​സൂ​ത്ര​ണം ചെ​യ്യു​ന്ന​തി​ലും സം​വി​ധാ​നം പ്ര​യോ​ജ​ന​പ്പെ​ടു​ത്തും. പ​ദ്ധ​തി പ്ര​കാ​രം മ​ണ്ണി​ടി​ച്ചി​ലും മ​ണ്ണി​ന്റെ ഈ​ര്‍പ്പ​വു​മാ​യി ബ​ന്ധ​പ്പെ​ട്ട് മാ​പ്പു​ക​ള്‍ പ​രി​ശോ​ധി​ച്ച ശേ​ഷ​മേ റോ​ഡു​ക​ളു​ടെ സ്ഥാ​നം തീ​രു​മാ​നി​ക്കൂ. റെ​ഡ്/​ഓ​റ​ഞ്ച് സോ​ണു​ക​ളി​ല്‍ കെ​ട്ടി​ട​ങ്ങ​ള്‍ അ​നു​വ​ദി​ക്കി​ല്ല. ന​ദീ​നി​ര​പ്പും പ്ര​ള​യ മാ​പ്പി​ങ്ങും അ​നു​സ​രി​ച്ചാ​കും ചെ​ക്ക് ഡാ​മു​ക​ള്‍ സ്ഥാ​പി​ക്കു​ക.

ഇ​ടു​ക്കി, മു​ല്ല​പ്പെ​രി​യാ​ര്‍ അ​ണ​ക്കെ​ട്ടു​ക​ളി​ലെ മ​ഴ, നീ​രൊ​ഴു​ക്ക് എ​ന്നി​വ നി​രീ​ക്ഷി​ച്ച് ഏ​കോ​പ​ന പ്ര​വ​ര്‍ത്ത​ന​ങ്ങ​ള്‍, ന​ഗ​ര-​പ​ഞ്ചാ​യ​ത്ത് ത​ല ജ​ല​സു​ര​ക്ഷ എ​ന്നി​വ​യും പ​ദ്ധ​തി​യു​ടെ ഭാ​ഗ​മാ​ണ്. ദു​ര​ന്ത സാ​ധ്യ​ത ഏ​റെ​യു​ള്ള ജി​ല്ല​യാ​ണ് ഇ​ടു​ക്കി. 2000 മു​ത​ല്‍ 600-ത്തി​ല​ധി​കം ഉ​രു​ള്‍പൊ​ട്ട​ലു​ക​ള്‍, ആ​വ​ര്‍ത്തി​ക്കു​ന്ന വെ​ള്ള​പ്പൊ​ക്ക​ങ്ങ​ള്‍, വ​ർ​ധി​ച്ചു​വ​രു​ന്ന വ​ന്യ​മൃ​ഗ ആ​ക്ര​മ​ണ​ങ്ങ​ള്‍, അ​പ​ക​ട​ക​ര​മാ​യ നി​ർ​മി​തി​ക​ള്‍ കാ​ട്ടു​തീ തു​ട​ങ്ങി പ​ല​വി​ധ സാ​ഹ​ച​ര്യ​ങ്ങ​ളാ​ണ് ജി​ല്ല​യി​ലു​ള്ള​ത്. ഇ​തു ക​ണ​ക്കി​ലെ​ടു​ത്താ​ണ് ബ​ഹു​മു​ഖ ദു​ര​ന്ത നി​രീ​ക്ഷ​ണ സം​വി​ധാ​നം സ​ജ്ജ​മാ​ക്കു​ന്ന​ത്.

പൊ​തു​മ​രാ​മ​ത്ത് , ത​ദ്ദേ​ശ​ഭ​ര​ണം, വ​ന​വ​കു​പ്പ്, റ​വ​ന്യൂ, ജ​ല​സേ​ച​നം, കാ​ര്‍ഷി​കം തു​ട​ങ്ങി​യ വ​കു​പ്പു​ക​ളു​ടെ പ​ദ്ധ​തി​ക​ളി​ല്‍ ദു​ര​ന്ത നി​വാ​ര​ണം ഉ​ള്‍പ്പെ​ടു​ത്തും. സാ​മ്പ​ത്തി​ക​വും പ​രി​സ്ഥി​തി​ജ​ന്യ​വു​മാ​യ ന​ഷ്ട​ങ്ങ​ള്‍ കു​റ​യ്ക്കു​ക​യാ​ണ് ല​ക്ഷ്യം. പ്ര​കൃ​തി ദു​ര​ന്തം മൂ​ലം മ​നു​ഷ്യ ജീ​വ​ന്റെ​യും കെ​ട്ടി​ട​ങ്ങ​ളു​ടെ​യും വി​ള​ക​ളു​ടെ​യും വ​ന്യ​ജീ​വി​ക​ളു​ടെ​യും ന​ഷ്ടം കു​റ​യ്ക്കു​ന്ന​തി​നാ​ണ് മു​ന്‍ഗ​ണ​ന. ഉ​ദ്യോ​ഗ​സ്ഥ​ര്‍, സ്‌​കൂ​ള്‍ ക്ല​ബ്ബു​ക​ള്‍, സ​ന്ന​ദ്ധ​പ്ര​വ​ര്‍ത്ത​ക​ര്‍, ജി​ല്ലാ എ​മ​ര്‍ജ​ന്‍സി ഓ​പ്പ​റേ​ഷ​ന്‍ സെ​ന്റ​ര്‍ ജീ​വ​ന​ക്കാ​ര്‍ എ​ന്നി​വ​ര്‍ക്ക് പ​ദ്ധ​തി​യു​ടെ ഭാ​ഗ​മാ​യി പ​രി​ശീ​ല​നം ന​ല്‍കു​മെ​ന്നും ക​ല​ക്​​ട​ർ അ​റി​യി​ച്ചു.

ഉ​രു​ള്‍പൊ​ട്ട​ല്‍, പ്ര​ള​യ മേ​ഖ​ല​ മാ​പ്പു​ക​ൾ ത​യാ​റാ​ക്കും

സെ​ന്‍സ​ര്‍ സാ​ങ്കേ​തി​ക​വി​ദ്യ, ജി.​ഐ.​എ​സ് റി​സ്‌​ക് ലെ​യ​റു​ക​ള്‍, മെ​ഷീ​ന്‍ ലേ​ണി​ങ്​ എ​ന്നി​വ​യെ ഏ​കോ​പി​പ്പി​ച്ച് ഇ​ന്ത്യ​യി​ലെ ഏ​റ്റ​വും ദു​ര​ന്ത പ്ര​തി​രോ​ധ ശേ​ഷി​യു​ള്ള മ​ല​യോ​ര ജി​ല്ല​യാ​യി ഇ​ടു​ക്കി​യെ മാ​റ്റു​ക​യാ​ണ് ല​ക്ഷ്യം. നി​രീ​ക്ഷ​ണ സം​വി​ധാ​ന​ത്തി​ല്‍ 46 ഉ​രു​ള്‍പൊ​ട്ട​ല്‍ സെ​ന്‍സ​റു​ക​ള്‍ , ഇ​ന്‍ക്ലി​നോ​മീ​റ്റ​റു​ക​ള്‍, പൈ​സോ​മീ​റ്റ​റു​ക​ള്‍, മ​ഴ​മാ​പി​നി​ക​ള്‍, മ​ണ്ണ് ഈ​ര്‍പ്പ​നി​ല സെ​ന്‍സ​റു​ക​ള്‍), 48 ന​ദീ​നി​ര​പ്പു ഗേ​ജു​ക​ള്‍ (പ്ര​ധാ​ന​മാ​യി തൊ​ടു​പു​ഴ, പ​മ്പ എ​ന്നി​വ​യു​ടെ ആ​റ് ഉ​പ​ന​ദി​ക​ള്‍) എ​ന്നി​വ​യു​ണ്ടാ​കും. ഈ ​സെ​ന്‍സ​റി​ല്‍ നി​ന്നു​ള്ള വി​വ​ര​ങ്ങ​ള്‍ ജി​ല്ലാ എ​മ​ര്‍ജ​ന്‍സി ഓ​പ്പ​റേ​ഷ​ന്‍ സെ​ന്റ​റി​ലെ ജി.​ഐ.​എ​സ്. പ്ലാ​റ്റ്‌​ഫോ​മി​ലേ​ക്ക് ത​ത്സ​മ​യം എ​ത്തും.​

ജി.​ഐ.​എ​സ് അ​ടി​സ്ഥാ​ന​ത്തി​ലു​ള്ള റി​സ്‌​ക് ലെ​യ​റിം​ഗ് വ​ഴി ഉ​രു​ള്‍പൊ​ട്ട​ല്‍ മേ​ഖ​ല​ക​ള്‍, പ്ര​ള​യ മേ​ഖ​ല​ക​ള്‍, വ​ന്യ​ജീ​വി വ​ഴി​ത്താ​ര​ക​ള്‍, അ​ണ​ക്കെ​ട്ട് ബ​ഫ​ര്‍ മേ​ഖ​ല​ക​ള്‍, കാ​ലാ​വ​സ്ഥ മു​ന്ന​റി​യി​പ്പു പ്ര​വ​ച​ന​ങ്ങ​ള്‍ എ​ന്നി​വ അ​ട​ങ്ങി​യ മ​ള്‍ട്ടി-​ലെ​യ​ര്‍ മാ​പ്പു​ക​ള്‍ ത​യ്യാ​റാ​ക്കും. പ​ഞ്ചാ​യ​ത്ത് അ​തി​രു​ക​ള്‍, അ​ടി​സ്ഥാ​ന സൗ​ക​ര്യ​ങ്ങ​ള്‍, ജ​ന​സാ​ന്ദ്ര​ത എ​ന്നി​വ​യും ഒ​പ്പം നി​ർ​ണ​യി​ക്കും.