സ്കൂട്ടറിൽ ആ യാത്ര; ഓർമകളുമായി മന്ത്രി റോഷി അഗസ്റ്റിൻ

ഇ​ടു​ക്കി: അ​ന്ത​രി​ച്ച മു​ൻ മു​ഖ്യ​മ​ന്ത്രി ഉ​മ്മ​ൻ​ചാ​ണ്ടി​യെ​ക്കു​റി​ച്ചു​ള്ള ഒ​രു​മി​ച്ച് പ്ര​വ​ർ​ത്തി​ച്ച കാ​ല​ത്തെ ഓ‌‌‌​ർ​മ​ക​ൾ പ​ങ്കു​വെ​ച്ച് മ​ന്ത്രി റോ​ഷി അ​ഗ​സ്റ്റി​ൻ. മു​ഖ്യ​മ​ന്ത്രി​യാ​യി​രി​ക്കെ ഉ​മ്മ​ൻ ചാ​ണ്ടി ഇ​ടു​ക്കി​യി​ൽ ഒ​രു പൊ​തു​യോ​ഗ​ത്തി​ൽ പ​ങ്കെ​ടു​ക്കാ​നെ​ത്തി​യ​പ്പോ​ൾ സ്കൂ​ട്ട​റി​ന്റെ പി​ന്നി​ലി​രു​ത്തി വേ​ദി​യി​ലെ​ത്തി​ച്ച​തും പി​ന്നീ​ട് ഇ​ടു​ക്കി ഫെ​സ്റ്റി​ൽ​നി​ന്ന് ഹെ​ലി​കോ​പ്ട​റി​ൽ വൈ​ക്ക​ത്തെ​ത്തി​ച്ച​തു​മാ​യ അ​നു​ഭ​വ​ങ്ങ​ളാ​ണ് റോ​ഷി ഓ​ർ​ത്തെ​ടു​ത്ത​ത്.

ചെ​റു​തോ​ണി​യി​ൽ​നി​ന്ന് ഇ​ടു​ക്കി ആ​ർ​ച്ച് ഡാ​മി​ന് മു​ൻ​ഭാ​ഗ​ത്തു​ള്ള ഐ.​ഡി.​എ സ്റ്റേ​ഡി​യ​ത്തി​ലേ​ക്കു​ള്ള യാ​ത്ര​ക്കി​ടെ പ​തി​വു​പോ​ലെ ജ​ന​ക്കൂ​ട്ടം അ​ദ്ദേ​ഹ​ത്തെ പൊ​തി​ഞ്ഞു. റോ​ഡു​ക​ൾ നി​ശ്ച​ല​മാ​യി. എ​ന്തു​ചെ​യ്യ​ണ​മെ​ന്ന് നി​ശ്ച​യ​മി​ല്ലാ​തെ പൊ​ലീ​സും സം​ഘാ​ട​ക​രും. പൊ​തു​യോ​ഗ​ത്തി​ന് എ​ത്തേ​ണ്ട സ​മ​യം വ​ല്ലാ​തെ വൈ​കു​ന്ന​തി​ൽ ഉ​മ്മ​ൻ ചാ​ണ്ടി അ​സ്വ​സ്ഥ​നാ​യി. ഒ​പ്പ​മു​ണ്ടാ​യി​രു​ന്ന റോ​ഷി അ​വി​ടെ ഉ​ണ്ടാ​യി​രു​ന്ന ഒ​രു പ്ര​വ​ർ​ത്ത​ക​ന്റെ സ്‌​കൂ​ട്ട​ർ വാ​ങ്ങി. പി​ന്നി​ലോ​ട്ട് കേ​റി​ക്കോ സാ​റേ...​എ​ന്നു​പ​റ​ഞ്ഞ​പ്പോ​ൾ അ​നു​സ​ര​ണ​യു​ള്ള കു​ട്ടി​യെ​പ്പോ​ലെ അ​ദ്ദേ​ഹം പി​ന്നി​ൽ ക​യ​റി. തി​ര​ക്കി​നി​ട​യി​ലൂ​ടെ സ്കൂ​ട്ട​ർ യോ​ഗ​സ്ഥ​ല​ത്തേ​ക്ക് പാ​ഞ്ഞു. അ​താ​യി​രു​ന്നു ഉ​മ്മ​ൻ ചാ​ണ്ടി.

ര​ണ്ടാ​മ​ത്തെ സം​ഭ​വം ന​ട​ക്കു​ന്ന​ത് 2014 ലാ​ണ്. ഇ​ടു​ക്കി ഫെ​സ്റ്റി​ന്റെ സ​മാ​പ​ന സ​മ്മേ​ള​ത്തി​ന് അ​ന്ന​ത്തെ മു​ഖ്യ​മ​ന്ത്രി​യാ​യി​രു​ന്ന ഉ​മ്മ​ൻ ചാ​ണ്ടി​യെ പ​ങ്കെ​ടു​പ്പി​ക്ക​ണ​മെ​ന്ന് സം​ഘാ​ട​ക​ർ​ക്ക് ആ​ഗ്ര​ഹം. എം.​എ​ൽ.​എ​യാ​യ റോ​ഷി ഇ​ക്കാ​ര്യം അ​ദ്ദേ​ഹ​ത്തോ​ട് ഫോ​ണി​ൽ പ​റ​ഞ്ഞ​പ്പോ​ൾ മ​റ്റു ചി​ല പ​രി​പാ​ടി​ക​ൾ മൂ​ലം അ​സൗ​ക​ര്യ​മാ​ണെ​ന്ന് പ​റ​ഞ്ഞു. നാ​ലു മ​ണി​ക്ക് വൈ​ക്ക​ത്ത് ഒ​രു പ​രി​പാ​ടി​യു​ണ്ടെ​ന്ന​താ​യി​രു​ന്നു പ്ര​ധാ​ന ത​ട​സ്സം.

സാ​റ് വ​രു​മെ​ങ്കി​ൽ ഹെ​ലി​കോ​പ്ട​ർ സം​ഘ​ടി​പ്പി​ക്കാം എ​ന്നാ​യി റോ​ഷി. അ​ദ്ദേ​ഹ​ത്തെ കൊ​ണ്ടു​വ​രാ​ൻ അ​ത്ര​ക്ക്​ ആ​ഗ്ര​ഹി​ക്കു​ന്നു​ണ്ടെ​ന്ന് മ​ന​സ്സി​ലാ​ക്കി​യ ഉ​മ്മ​ൻ ചാ​ണ്ടി ഒ​ടു​വി​ൽ സ​മ്മ​തി​ച്ചു. പ​ക്ഷേ, ഒ​രു​കാ​ര്യം ആ​വ​ശ്യ​പ്പെ​ട്ടു. കൃ​ത്യം നാ​ലി​ന് തി​രി​കെ വൈ​ക്ക​ത്ത് എ​ത്തി​ക്ക​ണം. തു​ട​ർ​ന്ന് ചെ​റു​തോ​ണി​യി​ലേ​ക്ക് കാ​റി​ൽ എ​ത്തി​യ ഉ​മ്മ​ൻ ചാ​ണ്ടി​യെ പ​രി​പാ​ടി ക​ഴി​ഞ്ഞ് ഹെ​ലി​കോ​പ്ട​ർ വാ​ട​ക​ക്ക്​ എ​ടു​ത്ത് കൃ​ത്യ​സ​മ​യ​ത്തു​ത​ന്നെ വൈ​ക്ക​ത്ത് എ​ത്തി​ച്ചു.

എ​ത്ര അ​സൗ​ക​ര്യ​മു​ണ്ടെ​ങ്കി​ലും സ്‌​നേ​ഹ​പൂ​ർ​ണ​മാ​യ നി​ർ​ബ​ന്ധ​ത്തി​ന്​ വ​ഴ​ങ്ങാ​തി​രി​ക്കാ​ൻ അ​ദ്ദേ​ഹ​ത്തി​ന് ക​ഴി​യി​ല്ല. തി​ര​ക്കു​ക​ൾ​ക്കി​ട​യി​ലും ത​നി​ക്ക്​ സാ​ധി​ക്കു​ന്നി​ട​ത്തൊ​ക്കെ എ​ത്താ​നും അ​ദ്ദേ​ഹ​ത്തി​ന് മ​ടി​യു​ണ്ടാ​യി​രു​ന്നി​ല്ല. സ്‌​കൂ​ട്ട​റും ഹെ​ലി​കോ​പ്ട​റും കാ​റും കാ​ൽ​ന​ട​യാ​യും എ​ല്ലാം അ​ദ്ദേ​ഹം ത​ന്റെ യാ​ത്ര പൂ​ർ​ത്തി​യാ​ക്കി​യ​താ​യി മ​ന്ത്രി എ​ഴു​തു​ന്നു. ഇ​നി അ​വ​സാ​ന യാ​ത്ര, ജ​ന​സാ​ഗ​ര​ത്തി​ന്​ ന​ടു​വി​ലൂ​ടെ, ആ ​യാ​ത്ര​യും അ​ദ്ദേ​ഹം ചി​രി​ച്ചു​കൊ​ണ്ടു പൂ​ർ​ത്തി​യാ​ക്കും. പ്രാ​ർ​ഥ​ന​ക​ൾ.. റോ​ഷി ഫേ​സ്ബു​ക്കി​ൽ കു​റി​ക്കു​ന്നു.