കുരച്ചു ചാടി തെരുവ്​ നായ്​ക്കൾ; പാഞ്ഞോടി ജനം

​തൊ​ടു​പു​ഴ: തെ​രു​വ് നാ​യ്​​ക​ളു​ടെ ക​ടി​യേ​ൽ​ക്കു​ന്ന സം​ഭ​വ​ങ്ങ​ൾ ആ​വ​ർ​ത്തി​ക്കു​ന്ന സാ​ഹ​ച​ര്യ​ത്തി​ൽ ക​ർ​ശ​ന ന​ട​പ​ടി​യു​മാ​യി സു​പ്രീം​കോ​ട​തി രം​ഗ​ത്തെ​ത്തു​​മ്പോ​ഴും ജി​ല്ല​യി​ൽ പ​ല​യി​ട​ങ്ങ​ളി​ലും തെ​രു​വ്​ നാ​യ്​ ആ​ക്ര​മ​ണം ആ​ശ​ങ്ക സൃ​ഷ്ടി​ക്കു​ന്നു. വി​ദ്യാ​ഭ്യാ​സ സ്ഥാ​പ​ന​ങ്ങ​ൾ, ആ​ശു​പ​ത്രി​ക​ൾ, പൊ​തു കാ​യി​ക സ​മു​ച്ച​യ​ങ്ങ​ൾ, റെ​യി​ൽ​വേ സ്റ്റേ​ഷ​നു​ക​ൾ, ബ​സ് സ്റ്റാ​ൻ​ഡു​ക​ൾ, ഡി​പ്പോ​ക​ൾ എ​ന്നി​വി​ട​ങ്ങ​ളി​ൽ തെ​രു​വ് നാ​യ്​ പ്ര​വേ​ശി​ക്കു​ന്ന​ത്​ ത​ട​യാ​ൻ ന​ട​പ​ടി സ്വീ​ക​രി​ക്ക​ണ​മെ​ന്നാ​ണ്​ കോ​ട​തി​യു​ടെ നി​ർ​ദേ​ശം. ഈ ​സാ​ഹ​ച​ര്യ​ത്തി​ൽ ജി​ല്ല​യു​ടെ കാ​ര്യം പ​രി​ശോ​ധി​ച്ചാ​ൽ ആ​ശ​ങ്കാ​ജ​ന​ക​മാ​ണ്. ജി​ല്ല​യി​ൽ ഒ​രാ​ഴ്ച​ക്കി​ടെ നാ​യ്ക്ക​ളു​ടെ ക​ടി​യേ​റ്റ്​ ചി​കി​ത്സ തേ​ടി​യ​ത്​ 94 പേ​രാ​ണ്​. തെ​രു​വ് നാ​യ്ക്ക​ൾ, വ​ള​ർ​ത്ത് നാ​യ്ക്ക​ൾ ഉ​ൾ​പ്പെ​ടെ​യു​ള്ള ക​ണ​ക്കാ​ണി​ത്.

ക​ടി​യേ​ല്‍ക്കു​ന്ന​വ​രു​ടെ എ​ണ്ണം കൂ​ടു​മ്പോ​ഴും ത​ദ്ദേ​ശ സ്ഥാ​പ​ന​ങ്ങ​ളു​ടെ പ്ര​തി​രോ​ധ പ്ര​വ​ര്‍ത്ത​ന​ങ്ങ​ള്‍ പൂ​ര്‍ണ​മാ​യും നി​ല​ച്ച അ​വ​സ്ഥ​യി​ലാ​ണ്. ബ​സ്സ്‌​റ്റാ​ൻ​ഡി​ലൂ​ടെ ന​ട​ന്ന് പോ​കു​ന്ന​വ​ര്‍ക്ക് നേ​രെ​യും ബ​സ് കാ​ത്ത് നി​ല്‍ക്കു​ന്ന​വ​ര്‍ക്ക് നേ​രെ​യും നാ​യ്ക്ക​ൾ ചി​ല സ​മ​യ​ങ്ങ​ളി​ല്‍ കു​ര​ച്ചു​കൊ​ണ്ട് പാ​ഞ്ഞ​ടു​ക്കാ​റു​ണ്ട്. പ​ല സ്ഥ​ല​ത്തും ആ​ശു​പ​ത്രി പ​രി​സ​ര​ങ്ങ​ള്‍, വി​നോ​ദ സ​ഞ്ചാ​ര കേ​ന്ദ്ര​ങ്ങ​ള്‍, അ​ട​ഞ്ഞ് കി​ട​ക്കു​ന്ന കെ​ട്ടി​ട​ങ്ങ​ള്‍, സ​ര്‍ക്കാ​ര്‍ സ്ഥാ​പ​ന​ങ്ങ​ള്‍, ബ​സ് കാ​ത്തി​രി​പ്പു കേ​ന്ദ്ര​ങ്ങ​ള്‍ എ​ന്നി​ങ്ങ​നെ​യു​ള്ള സ്ഥ​ല​ങ്ങ​ളി​ല്‍ നാ​യ്ക്ക​ള്‍ കൂ​ട്ട​ത്തോ​ടെ ത​മ്പ​ടി​ക്കു​ക​യാ​ണ്. കു​ര​ച്ചെ​ത്തി​യാ​ൽ ജീ​വ​നും കൊ​ണ്ട്​ ​പാ​യു​ക​യ​ല്ലാ​തെ മ​റ്റ്​ മാ​ർ​ഗ​മി​ല്ല.

ജി​ല്ല​യി​ൽ 7375 തെ​രു​വ് നാ​യ്ക്ക​ൾ; കൂ​ടു​ത​ൽ ചി​ന്ന​ക്ക​നാ​ലി​ൽ

ജി​ല്ല​യി​ൽ 7375 തെ​രു​വ് നാ​യ്ക്ക​ളു​ണ്ടെ​ന്നാ​ണ് മൃ​ഗ സം​ര​ക്ഷ​ണ വ​കു​പ്പി​ന്‍റെ ക​ണ​ക്ക്. സെ​ൻ​സ​സി​ന്‍റെ ഭാ​ഗ​മാ​യി മൃ​ഗ സം​ര​ക്ഷ​ണ വ​കു​പ്പ് ​ 2019ൽ ​ന​ട​ത്തി​യ വി​വ​ര ശേ​ഖ​ര​ണ​ത്തി​ലെ ക​ണ​ക്കാ​ണി​ത്. ചി​ന്ന​ക്ക​നാ​ലി​ലാ​ണ് ജി​ല്ല​യി​ൽ ഏ​റ്റ​വും കൂ​ടു​ത​ൽ തെ​രു​വ് നാ​യ്​ ഉ​ള്ള​ത്. 411 നാ​യ്ക്ക​ളെ​യാ​ണ് ഇ​വി​ടെ ക​ണ്ടെ​ത്തി​യ​ത്. കോ​ടി​ക്കു​ളം പ​ഞ്ചാ​യ​ത്തി​ലാ​ണ് ഏ​റ്റ​വും കു​റ​വ്, 15 എ​ണ്ണം. 2025 ഏ​പ്രി​ൽ 15ന്​ ​പു​തി​യ ലൈ​വ്​ ​സ്​​റ്റോ​ക്ക്​ സെ​ൻ​സ​സ്​ പൂ​ർ​ത്തി​യാ​ക്കി​യി​ട്ടു​ണ്ട്. ശേ​ഖ​രി​ച്ച വി​വ​ര​ങ്ങ​ൾ കേ​ന്ദ്ര സ​ർ​ക്കാ​ർ പോ​ർ​ട്ട​ലി​ലേ​ക്ക്​ അ​യ​ച്ചി​ട്ടു​ണ്ട്. അ​ന്തി​മ റി​​പ്പോ​ർ​ട്ട്​ പ്ര​സി​ദ്ധീ​ക​രി​​ക്കേ​ണ്ട​ത്​ കേ​​ന്ദ്ര സ​ർ​ക്കാ​രാ​ണ്. ​

ക​ർ​മ​പ​ദ്ധ​തി​ക​ള്‍ പാ​ളി; എ.​ബി.​സി സെ​ന്‍റ​ർ യാ​ഥാ​ർ​ഥ്യ​മാ​യി​ല്ല

ജി​ല്ല​യി​ൽ എ.​ബി.​സി സെ​ന്റ​ര്‍ നി​ര്‍മി​ക്കാ​നു​ള്ള ന​ട​പ​ടി​ക​ള്‍ തു​ട​ങ്ങി​യി​ട്ട് വ​ര്‍ഷ​ങ്ങ​ള്‍ പി​ന്നി​ട്ടു. കു​യി​ലി​മ​ല​യി​ല്‍ ജി​ല്ല പ​ഞ്ചാ​യ​ത്ത് വി​ട്ടു ന​ല്‍കി​യ അ​ര ഏ​ക്ക​ര്‍ സ്ഥ​ല​ത്താ​ണ് നാ​യ്ക്ക​ളു​ടെ വ​ന്ധ്യം​ക​ര​ണ​ത്തി​നും മ​റ്റു​മാ​യു​ള്ള എ.​ബി.​സി സെ​ന്റ​ര്‍ നി​ര്‍മി​ക്കു​ന്ന​ത്. ഇ​തി​നാ​യി മൂ​ന്ന​ര കോ​ടി​യാ​ണ് വ​ക​യി​രു​ത്തി​യി​രി​ക്കു​ന്ന​ത്. ജി​ല്ല പ​ഞ്ചാ​യ​ത്തി​ന്റെ​യും എ​ട്ട് ബ്ലോ​ക്ക് പ​ഞ്ചാ​യ​ത്തു​ക​ളു​ടെ​യും 52 പ​ഞ്ചാ​യ​ത്തു​ക​ളു​ടെ​യും ഫ​ണ്ടാ​ണ് പ​ദ്ധ​തി​ക്കാ​യി നീ​ക്കി​വെ​ച്ച​ത്. നേ​ര​ത്തെ ര​ണ്ട് ബ്ലോ​ക്കു​ക​ളു​ടെ പ​രി​ധി​യി​ല്‍ ഒ​രു സെ​ന്റ​ര്‍ വീ​തം നാ​ലു കേ​ന്ദ്ര​ങ്ങ​ള്‍ ആ​രം​ഭി​ക്കാ​നാ​യി​രു​ന്നു പ​ദ്ധ​തി.

എ​ങ്കി​ലും പ്ര​ദേ​ശ​വാ​സി​ക​ളു​ടെ എ​തി​ര്‍പ്പി​നെ തു​ട​ര്‍ന്ന് ഇ​ത് തു​ട​ങ്ങാ​നാ​യി​ല്ല. പി​ന്നീ​ടാ​ണ് ജി​ല്ല ആ​സ്ഥാ​ന​ത്ത് ജ​ന​വാ​സ​മേ​ഖ​ല​യി​ല്‍ നി​ന്നും മാ​റി സെ​ന്റ​ര്‍ തു​ട​ങ്ങാ​ന്‍ ജി​ല്ല പ​ഞ്ചാ​യ​ത്ത് തീ​രു​മാ​നി​ച്ച​ത്. ജി​ല്ല പ​ഞ്ചാ​യ​ത്തി​ന്റെ ഫ​ണ്ട് വി​നി​യോ​ഗി​ച്ചാ​ണ് ഇ​പ്പോ​ഴു​ള്ള നി​ര്‍മാ​ണ പ്ര​വ​ര്‍ത്ത​ന​ങ്ങ​ള്‍ ന​ട​ത്തു​ന്ന​ത്. സെ​ന്‍റ​റി​ന്‍റെ നി​ർ​മാ​ണം അ​വ​സാ​ന ഘ​ട്ട​ത്തി​ലാ​ണെ​ന്നും 70 ശ​ത​മാ​നം പൂ​ർ​ത്തി​യാ​യ​താ​യും ജി​ല്ല പ​ഞ്ചാ​യ​ത്ത്​ പ്ര​സി​ഡ​ന്‍റ്​ രാ​രി​ച്ച​ൻ നീ​റ​നാ​കു​ന്നേ​ൽ പ​റ​ഞ്ഞു.