വീട്ടുമുറ്റത്തുനിന്ന കോടികള്‍ വിലമതിക്കുന്ന ചന്ദനം മോഷ്​ടിച്ചു

മറയൂര്‍: കഴിഞ്ഞദിവസം രാത്രി സ്വകാര്യവ്യക്തിയുടെ വീട്ടുമുറ്റത്തുനിന്ന്​ കോടികള്‍ വിലമതിക്കുന്ന ചന്ദനം മോഷ്​ടിച്ചു. കുണ്ടക്കാട് ചിറക്കടവില്‍ സോമ​െൻറ വീട്ടുമുറ്റത്തുനിന്നാണ് ചന്ദന മരം മോഷണംപോയത്. ഏകദേശം 80 സെൻറി മീറ്റര്‍ വ്യാസമുള്ള ഭൂരിഭാഗവും കാതലുള്ള കോടികള്‍ വിലമതിക്കുന്ന ചന്ദനമായിരുന്നു ഇത്​.

രണ്ടുമാസം മുമ്പ്​ ഈ മരത്തി​െൻറ ശിഖരങ്ങള്‍ മോഷ്​ടാക്കള്‍ മുറിച്ച് കടത്തിയിരുന്നു.

യന്ത്രവാള്‍ ഉപയോഗിച്ച് മുറിച്ച് പ്രധാനഭാഗം മോഷ്​ടിച്ചിരിക്കുകയാണ്​ ഇക്കുറി. ശിഖരങ്ങള്‍ ഇല്ലാതിരുന്നതിനാല്‍ മരം വീഴ്ത്തുമ്പോള്‍ അറിഞ്ഞില്ലെന്ന്​ കുടുംബാംഗങ്ങള്‍ പറയുന്നു.

അഞ്ചിലധികംപേര്‍ ചേര്‍ന്ന് മരം മോഷ്​ടിച്ചിരിക്കാമെന്നും തടി പാളപെട്ടി ഭാഗത്തേക്ക് കടത്തപെട്ടിരിക്കാമെന്നുമാണ് വനംവകുപ്പി​െൻറ പ്രാഥമിക നിഗമനം.

സോമ​െൻറ പുരയിടത്തില്‍ 12​ പൂര്‍ണ വളര്‍ച്ചയെത്തിയ ചന്ദന മരങ്ങളുണ്ടായിരുന്നതിൽ പത്തും മോഷണം പോകുകയായിരുന്നു.