പൂമാലയിൽനിന്ന്​ റഷ്യൻ നാടകവേദിയിലേക്ക്​; നാടകീയം ഈ നേട്ടം

തൊ​ടു​പു​ഴ: അ​ഞ്ചാം ക്ലാ​സി​ൽ പ​ഠി​ക്കു​മ്പോ​ൾ സ്​​കൂ​ളി​ലെ നാ​ട​ക​ത്തി​ൽ അ​ധ്യാ​പ​ക​ന്റെ വേ​ഷ​മി​ടു​മ്പോ​ൾ ഈ ​മ​നു​ഷ്യ​ൻ ഓ​ർ​ത്തി​രു​ന്നി​ല്ല ത​ന്‍റെ ത​ല വ​ര മാ​റു​ക​യാ​ണെ​ന്ന്. വേ​ഷം മ​നോ​ഹ​ര​മാ​ക്കി വേ​ദി​യി​ൽ നി​ന്നി​റ​ങ്ങി​യ പൂ​മാ​ല പാ​ച്ചേ​രി​ൽ മ​ല്ലു പി. ​ശേ​ഖ​റി​ന്‍റെ നാ​ട​ക യാ​ത്ര ഇ​ന്ന്​ റ​ഷ്യ​യു​ടെ ദേ​ശീ​യ തി​യ​റ്റ​റി​ൽ എ​ത്തി നി​ൽ​ക്കു​ന്നു. അ​ല​ക് സാ​ൻ​ഡ്രി​സ്‌​കി രാ​ജ്യാ​ന്ത​ര തി​യ​റ്റ​ർ ഫെ​സ്റ്റി​വ​ലി​ന്റെ ഭാ​ഗ​മാ​കാ​ൻ ഒ​രു​ങ്ങു​ക​യാ​ണ് പൂ​മാ​ല ഗ​വ. ട്രൈ​ബ​ൽ ഹൈ​സ്‌​കൂ​ളി​ലെ പ​ഴ​യ വി​ദ്യാ​ർ​ഥി.

സെ​പ്റ്റം​ബ​ർ ര​ണ്ട്, മൂ​ന്ന്​ തീ​യ​തി​ക​ളി​ൽ ഹെൻറി​ക് ഇ​ബ്സ​ന്റെ ക്ലാ​സി​ക് നാ​ട​ക​മാ​യ പീ​ർ ഗി​ന്‍റി​ന്‍റെ മ​ല​യാ​ളം പ​തി​പ്പി​ൽ ശേ​ഖ​ർ ഒ​രേ​സ​മ​യം നാ​ല് ക​ഥാ​പാ​ത്ര​ങ്ങ​ളെ അ​വ​ത​രി​പ്പി​ക്കും. തൃ​ശൂ​ർ ആ​സ്ഥാ​ന​മാ​യു​ള്ള ഓ​ക്സി​ജ​ൻ തി​യ​റ്റ​ർ ക​മ്പ​നി​യാ​ണ് നി​ർ​മ്മാ​ണം. ദീ​പ​ൻ ശി​വ​രാ​മ​നാ​ണ് സം​വി​ധാ​നം ചെ​യ്യു​ന്ന​ത്. റ​ഷ്യ​യു​ടെ ദേ​ശീ​യ നാ​ട​ക വേ​ദി​യാ​യ അ​ല​ക് സാ​ൻ​ഡ്രി​സ്‌​കി​യി​ൽ ഒ​രു ഇ​ന്ത്യ​ൻ നാ​ട​കം അ​വ​ത​രി​പ്പി​ക്കു​ന്നു​വെ​ന്ന​താ​ണ്​ ഇ​തി​ലെ പ്ര​ത്യേ​ക​ത. ര​ണ്ട് പ​തി​റ്റാ​ണ്ടി​ലേ​റെ​യാ​യി തൃ​ശൂ​രി​ന്‍റെ നാ​ട​ക​രം​ഗ​ത്ത് പ്ര​മു​ഖ​നാ​യ ശേ​ഖ​റി​ന്റെ ര​ണ്ടാ​മ​ത്തെ അ​ന്താ​രാ​ഷ്ട്ര പ​ര്യ​ട​ന​മാ​ണി​ത്. ര​ണ്ട് വ​ർ​ഷം മു​മ്പ്, ചൈ​ന​യി​ലെ ഷാ​ങ്ഹാ​യി​ൽ ന​ട​ന്ന വു​ഹാ​ൻ അ​ന്താ​രാ​ഷ്ട്ര നാ​ട​ക മേ​ള​യി​ൽ അ​ദ്ദേ​ഹം പ​ങ്കെ​ടു​ത്തു.

പൂ​മ​ല ഗ​വ​ൺ​മെ​ന്റ് ട്രൈ​ബ​ൽ എ​ച്ച്.​എ​സ്.​എ​സി​ലെ വി​ദ്യാ​ർ​ഥി​യാ​യി​ട്ടാ​ണ് ശേ​ഖ​ർ ത​ന്റെ നാ​ട​ക യാ​ത്ര ആ​രം​ഭി​ച്ച​ത്. അ​വി​ടെ എം.​ഐ. രാ​മ​ൻ മെ​മ്മോ​റി​യ​ൽ ലൈ​ബ്ര​റി​യി​ലൂ​ടെ നാ​ട​ക​രം​ഗ​ത്ത് സ​ജീ​വ​മാ​യി. പി​ന്നീ​ട് നാ​ട​ക രം​ഗ​ത്ത്​ കൂ​ടു​ത​ൽ സ​ജീ​വ​മാ​കാ​ൻ തൃ​ശൂ​രി​ലേ​ക്ക് താ​മ​സം മാ​റി. അ​തി​നു​ശേ​ഷം ഇ​ന്ത്യ​യി​ലു​ട​നീ​ള​മു​ള്ള നി​ര​വ​ധി നാ​ട​ക മേ​ള​ക​ളി​ൽ അ​ദ്ദേ​ഹം പ്ര​ക​ട​നം കാ​ഴ്ച​വെ​ച്ചു. 14 ചി​ത്ര​ങ്ങ​ളി​ൽ അ​ഭി​ന​യി​ച്ചി​ട്ടു​ണ്ട്. ഇ​പ്പോ​ൾ സം​ഗീ​തം, അ​ഭി​ന​യം, സ​ർ​ക്ക​സ് പ്ര​ക​ട​നം എ​ന്നി​വ സ​മ​ന്വ​യി​പ്പി​ക്കു​ന്ന ഊ​രാ​ളി ബാ​ൻ​ഡി​ന്റെ ഒ​രു പു​തി​യ ഷോ​യു​ടെ ഭാ​ഗ​മാ​ണ്. അ​ന്ത​രി​ച്ച ന​ട​ൻ മു​ര​ളി രൂ​പ​വ​ത്ക​രി​ച്ച നാ​ട​ക​സം​ഘ​ത്തി​ൽ അം​ഗ​മാ​യി. സൂ​പ്പ​ർ​മാ​ർ​ക്ക​റ്റ് ആ​ണ് ആ​ദ്യ നാ​ട​കം. പി​ന്നീ​ട് വി​വി​ധ സ​മി​തി​ക​ളി​ൽ അ​മ​ച്വ​ർ നാ​ട​ക​ങ്ങ​ൾ അ​വ​ത​രി​പ്പി​ച്ചു. ഭാ​ര്യ: റാ​ണി. മ​ക്ക​ൾ: തേ​ന​ൻ, നെ​യ്‌​ത​ൽ.