നെയ്യശ്ശേരി-തോക്കുമ്പന്‍; റോഡുപണി തുടങ്ങിയിട്ട്​ ഒരുവർഷം; എങ്ങുമെത്തിയില്ല

ക​രി​മ​ണ്ണൂ​ർ: നെ​യ്യ​ശ്ശേ​രി-​തോ​ക്കു​മ്പ​ൻ റോ​ഡ്​ പ​ണി​തു​ട​ങ്ങി ഒ​രു​വ​ര്‍ഷം പി​ന്നി​ട്ടി​ട്ടും എ​ങ്ങു​മെ​ത്തി​യി​ല്ല. ക​രി​മ​ണ്ണൂ​ർ മു​ത​ൽ തൊ​മ്മ​ന്‍കു​ത്ത്​ വി​നോ​ദ​സ​ഞ്ചാ​ര കേ​ന്ദ്രം വ​രെ എ​ട്ടു​കി​ലോ​മീ​റ്റ​റാ​ണ് ഇ​പ്പോ​ള്‍ പ​ണി​യു​ന്ന​ത്. ഇ​തി​ന് പു​റ​മെ മു​ള്ള​രി​ങ്ങാ​ട്​-​വെ​ള്ള​ക്ക​യം റോ​ഡി​ല്‍ മാ​മ്പാ​റ​തോ​ടി​ന് കു​റു​കെ ക​ലു​ങ്കു​പ​ണി​യു​മാ​ണ് ന​ട​ത്തു​ന്ന​ത്. ക​ലു​ങ്കു​പ​ണി മാ​ത്ര​മാ​ണ് പൂ​ര്‍ത്തി​യാ​യ​ത്. ക​രി​മ​ണ്ണൂ​ർ ഭാ​ഗം പ​ണി തു​ട​ങ്ങി​യെ​ങ്കി​ലും വേ​ഗ​മി​ല്ല.

മു​ള​പ്പു​റം പാ​ലം പൊ​ളി​ക്കു​ക​യും ഉ​യ​ര​ത്തി​ല്‍ വാ​ര്‍ക്കു​ക​യും ചെ​യ്തി​ട്ട് മാ​സ​ങ്ങ​ള്‍ ക​ഴി​ഞ്ഞി​ട്ടും അ​പ്രോ​ച്ച്​ റോ​ഡ് പ​ണി​തി​ട്ടി​ല്ല. ഇ​വി​ടെ പാ​ലം പ​ണി​യാ​ന്‍ ഗ​താ​ഗ​തം മി​ഷ​ന്‍കു​ന്ന്​ വ​ഴി തി​രി​ച്ചു​വി​ട്ടി​രു​ന്നു. ഇ​തു​വ​ഴി വ​ലി​യ വാ​ഹ​ന​ങ്ങ​ൾ അ​ട​ക്കം ഓ​ടാ​ൻ തു​ട​ങ്ങി​യ​തോ​ടെ ഈ​റോ​ഡും ത​ക​ര്‍ന്നു.

ഏ​റെ​നാ​ള​ത്തെ പ​രി​ശ്ര​മ​ങ്ങ​ള്‍ക്കും കാ​ത്തി​രി​പ്പി​നു​മൊ​ടു​വി​ലാ​ണ് ജ​ര്‍മ​ന്‍ സ​ഹാ​യ​ത്തോ​ടെ റോ​ഡു​പ​ണി​യാ​ൻ 138.72 കോ​ടി രൂ​പ അ​നു​വ​ദി​ച്ച​ത്.

ക​രി​മ​ണ്ണൂ​രി​ൽ​നി​ന്ന്​ തു​ട​ങ്ങി തൊ​മ്മ​ന്‍കു​ത്ത്​ വി​നോ​ദ​സ​ഞ്ചാ​ര കേ​ന്ദ്ര​ത്തി​ൽ വ​രെ​യും തു​ട​ര്‍ന്ന് നാ​ര​ങ്ങാ​നം വ​ഴി മു​ണ്ട​ന്‍മു​ടി​യി​ൽ ആ​ല​പ്പു​ഴ-​മ​ധു​ര സം​സ്ഥാ​ന​പാ​ത​യി​ൽ എ​ത്തു​ക​യും പി​ന്നീ​ട് വ​ണ്ണ​പ്പു​റം ഹൈ​റേ​ഞ്ച് ക​വ​ല​ക്ക്​​ അ​ടു​ത്തു​നി​ന്ന് കോ​ട്ട​പ്പാ​റ-​മു​ള്ള​രി​ങ്ങാ​ട്-​വെ​ള്ള​ക്ക​യം-​വെ​ള്ളെ​ള്ള്-​പു​ളി​ക്ക​ത്തൊ​ട്ടി-​ആ​ന​ക്കു​ഴി വ​ഴി പ​ട്ട​യ​ക്കു​ടി​യി​ല്‍ എ​ത്തു​ന്ന റോ​ഡി​ന്‍റെ ദൂ​രം 29.19 കി.​മീ. ആ​ണ്. ര​ണ്ടു​വ​ര്‍ഷ​മാ​ണ് നി​ർ​മാ​ണ കാ​ലാ​വ​ധി. എ​ന്നാ​ൽ, ഒ​രു​വ​ര്‍ഷം പൂ​ര്‍ത്തി​യാ​കാ​റാ​യി​ട്ടും പ​ണി എ​ങ്ങും എ​ത്തി​യി​ട്ടി​ല്ല.

ഗ്രാ​മ​ങ്ങ​ളു​ടെ വി​ക​സ​ന​ത്തി​നൊ​പ്പം തൊ​മ്മ​ന്‍കു​ത്ത്, ആ​ന​ചാ​ടി​ക്കു​ത്ത്, കൊ​ട്ട​പ്പാ​റ, മീ​നു​ളി​യാ​ന്‍പാ​റ, കാ​റ്റാ​ടി​ക്ക​ട​വ് എ​ന്നീ വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളി​ലേ​ക്ക്​ എ​ത്താ​നും എ​ളു​പ്പം സാ​ധി​ക്കും. റോ​ഡു​പ​ണി വേ​ഗ​ത്തി​ലാ​ക്കു​ന്ന​തി​നെ​പ്പ​റ്റി ആ​ലോ​ചി​ക്കാ​ൻ ക​രി​മ​ണ്ണൂ​ർ പ​ഞ്ചാ​യ​ത്തി​ൽ ക​ഴി​ഞ്ഞ ദി​വ​സം യോ​ഗം ന​ട​ന്നി​രു​ന്നു. ഇ​തി​ൽ വ്യ​ക്ത​മാ​യ തീ​രു​മാ​ന​ങ്ങ​ൾ ഉ​ണ്ടാ​യി​ല്ല.

നി​ല​വി​ലെ റോ​ഡ് അ​തേ​പ​ടി പു​ന​ർ​നി​ർ​മി​ക്കു​ക മാ​ത്ര​മാ​ണ് ചെ​യ്യു​ന്ന​തെ​ന്ന് ക​മ്പ​നി അ​ധി​കൃ​ത​ർ പ​റ​ഞ്ഞു. വീ​തി കൂ​ട്ടാ​നും പൊ​ളി​ക്കു​ന്ന തൊ​മ്മ​ൻ​കു​ത്ത് പാ​ല​ത്തി​ന് ബ​ദ​ൽ സം​വി​ധാ​നം ഒ​രു​ക്കാ​നും എം.​പി, എം.​എ​ൽ.​എ എ​ന്നി​വ​രെ കാ​ണാ​ൻ ക​മ്മി​റ്റി തീ​രു​മാ​നി​ച്ചു. മൂ​വാ​റ്റു​പു​ഴ ആ​സ്ഥാ​ന​മാ​യു​ള്ള സ്വ​കാ​ര്യ ക​മ്പ​നി​ക്കാ​ണ് ക​രാ​ർ. കെ.​എ​സ്.​ടി.​പി​ക്കാ​ണ് നി​ർ​മാ​ണ​ച്ചു​മ​ത​ല.

ഇടപ്പള്ളി-കോടതി ലിങ്ക്; റോഡ് ഗതാഗത യോഗ്യമാക്കണം

മു​ട്ടം: ഇ​ട​പ്പ​ള്ളി-​കോ​ട​തി ലി​ങ്ക് റോ​ഡ് ഗ​താ​ഗ​ത യോ​ഗ്യ​മാ​ക്ക​ണ​മെ​ന്ന് ആ​വ​ശ്യം ശ​ക്ത​മാ​കു​ന്നു. ഇ​ട​പ്പ​ള്ളി ഭാ​ഗ​ത്തു​നി​ന്ന്​ ജി​ല്ല വി​ജി​ല​ൻ​സ് ഓ​ഫി​സി​ന് മു​ന്നി​ലേ​ക്ക് എ​ത്തു​ന്ന റോ​ഡാ​ണ് ഗ​താ​ഗ​ത​യോ​ഗ്യ​മ​ല്ലാ​തെ കി​ട​ക്കു​ന്ന​ത്. പൊ​തു​ജ​ന​ങ്ങ​ൾ​ക്കും കോ​ട​തി, വി​ജി​ല​ൻ​സ് ഓ​ഫി​സ്, പോ​ളി​ടെ​ക്നി​ക്, ഐ.​എ​ച്ച്.​ആ​ർ.​ഡി കോ​ള​ജ്, സ്കൂ​ൾ, നി​ര​വ​ധി ഹോ​സ്റ്റ​ലു​ക​ൾ ജി​ല്ല ഹോ​മി​യോ ആ​ശു​പ​ത്രി തു​ട​ങ്ങി​യ നി​ര​വ​ധി സ്ഥാ​പ​ന​ങ്ങ​ളി​ലെ ജീ​വ​ന​ക്കാ​രും വി​ദ്യാ​ർ​ഥി​ക​ളും നി​ത്യേ​ന ഉ​പ​യോ​ഗി​ക്കു​ന്ന ലി​ങ്ക് റോ​ഡ് ന​ശി​ച്ചു​കി​ട​ക്കു​ക​യാ​ണ്.

വ​ർ​ഷ​ങ്ങ​ളു​ടെ പ​ഴ​ക്ക​മു​ള്ള റോ​ഡ് കു​റേ​ക്കാ​ലം സ്വ​കാ​ര്യ വ്യ​ക്തി​ക​ളു​ടെ കൈ​വ​ശ​മാ​യി​രു​ന്നു. 15 വ​ർ​ഷം മു​മ്പ്​ സ്ഥ​ലം പ​ഞ്ചാ​യ​ത്തി​ന് സ​റ​ണ്ട​ർ ചെ​യ്ത് ന​ൽ​കി. അ​ര കി​ലോ​മീ​റ്റ​ർ ദൂ​രം ടാ​റി​ങ് ന​ട​ത്തി​യാ​ൽ ര​ണ്ട് കി​ലോ​മീ​റ്റ​ർ ചു​റ്റി​ത്തി​രി​യു​ന്ന​ത് ഒ​ഴി​വാ​ക്കാ​ൻ ക​ഴി​യും. 50 മീ​റ്റ​ർ ദൂ​രം മാ​ത്ര​മാ​ണ് കോ​ൺ​ക്രീ​റ്റ് ചെ​യ്തി​ട്ടു​ള്ള​ത്.

ആൽപാറ-പാൽക്കുളംമേട്; റോഡ് നന്നാക്കാത്തതിൽ പ്രതിഷേധം

ചെ​റു​തോ​ണി: നാ​ലു​​ വ​ർ​ഷ​ത്തി​ൽ അ​ധി​ക​മാ​യി ത​ക​ർ​ന്നു കി​ട​ക്കു​ന്ന ആ​ൽ​പാ​റ-​പാ​ൽ​ക്കു​ളം​മേ​ട് റോ​ഡ് ന​ന്നാ​ക്കാ​ത്ത​തി​ൽ പ്ര​തി​ഷേ​ധം. ക​ഞ്ഞി​ക്കു​ഴി പ​ഞ്ചാ​യ​ത്തി​ലെ ഏ​ഴ്, എ​ട്ട് വാ​ർ​ഡു​ക​ളി​ലൂ​ടെ​യു​ള്ള റോ​ഡ് 160ൽ​പ​രം കു​ടും​ബ​ങ്ങ​ളു​ടെ ഏ​ക ആ​ശ്ര​യ​മാ​ണ്. നി​ര​വ​ധി ഭ​ക്ത​ർ എ​ത്തു​ന്ന ആ​ൽ​പാ​റ ദേ​വീ​ക്ഷേ​ത്രം, പാ​ൽ​ക്കു​ളം​മേ​ട് ടൂ​റി​സം കേ​ന്ദ്രം തു​ട​ങ്ങി​യ​വ​യി​ൽ എ​ത്ത​ണ​മെ​ങ്കി​ൽ ഈ ​റോ​ഡി​നെ ആ​ശ്ര​യി​ക്ക​ണം.

പ​ഞ്ചാ​യ​ത്തി​ന്‍റെ ക​ണ​ക്ക​നു​സ​രി​ച്ച് 18 കി​ട​പ്പു​രോ​ഗി​ക​ൾ ര​ണ്ടു വാ​ർ​ഡി​ലാ​യി ക​ഴി​യു​ന്നു​ണ്ട്. ഇ​വ​രെ ആ​ശു​പ​ത്രി​യി​ൽ കൊ​ണ്ടു​പോ​കാ​ൻ​പോ​ലും സാ​ധി​ക്കു​ന്നി​ല്ലെ​ന്ന് ബ​ന്ധു​ക്ക​ൾ പ​രാ​തി​പ്പെ​ടു​ന്നു. പ്ര​ള​യ​കാ​ല​ത്ത് മ​റ്റു റോ​ഡു​ക​ളെ​ല്ലാം ത​ക​ർ​ന്ന​പ്പോ​ൾ പു​റം​ലോ​ക​വു​മാ​യി നാ​ട്ടു​കാ​ർ ബ​ന്ധ​പ്പെ​ട്ടി​രു​ന്ന​ത് ഈ ​റോ​ഡ് വ​ഴി​യാ​ണ്. കാ​ൽ​ന​ട​പോ​ലും ദു​ഷ്ക​ര​മാ​യ റോ​ഡ് ടാ​ർ​ചെ​യ്ത്​ സ​ഞ്ചാ​ര​യോ​ഗ്യ​മാ​ക്കു​ന്ന​തി​ന് ഇ​ട​പെ​ട​ണ​മെ​ന്ന്​ ആ​വ​ശ്യ​പ്പെ​ട്ട് നാ​ട്ടു​കാ​ർ ക​ല​ക്ട​ർ​ക്കു പ​രാ​തി ന​ൽ​കി.