മഴ കനക്കുന്നു; ഇന്ന്​ ​​​​​റെഡ്​ അലർട്ട്

തൊ​ടു​പു​ഴ: ക​ന​ത്ത മ​ഴ തു​ട​രു​ന്ന​തി​നി​ടെ ജി​ല്ല​യി​ൽ ബു​ധ​നാ​ഴ്ച റെ​ഡ്​ അ​ല​ർ​ട്ട്​ കൂ​ടി പ്ര​ഖ്യാ​പി​ച്ച​ു. ദി​വ​സ​ങ്ങ​ളാ​യി ഹൈ​റേ​ഞ്ചി​ല​ട​ക്കം മ​ഴ ശ​ക്​​ത​മാ​ണ്​. ക​ഴി​ഞ്ഞ ദി​വ​സ​ത്തെ മ​ഴ​യി​ൽ ക​ട്ട​പ്പ​ന, നെ​ടു​ങ്ക​ണ്ടം, കു​മ​ളി, വ​ണ്ടി​പ്പെ​രി​യാ​ർ മേ​ഖ​ല​യി​ൽ ​വെ​ള്ളം ക​യ​റി​യും മ​ണ്ണി​ടി​ഞ്ഞും വ്യാ​പ​ക നാ​ശ​മാ​ണ്​ ഉ​ണ്ടാ​യ​ത്. മ​ഴ തു​ട​രു​ന്ന​ത്​ മേ​ഖ​ല​യി​ൽ ആ​ശ​ങ്ക സൃ​ഷ്ടി​ക്കു​ന്ന സാ​ഹ​ച​ര്യ​മാ​ണ്.

ബു​ധ​നാ​ഴ്ച​ റെ​ഡ്​ അ​ല​ർ​ട്ട്​ പ്ര​ഖ്യാ​പി​ച്ചി​രി​ക്കു​ന്ന സാ​ഹ​ച​ര്യ​ത്തി​ൽ മ​ല​യോ​ര മേ​ഖ​ല​യി​ൽ മ​ണ്ണി​ടി​ച്ചി​ൽ, ഉ​രു​ൾ​പൊ​ട്ട​ൽ, മ​ല​വെ​ള്ള​പ്പാ​ച്ചി​ൽ സാ​ധ്യ​ത​യു​ള്ള പ്ര​ദേ​ശ​ങ്ങ​ളി​ലു​ള്ള​വ​ർ സു​ര​ക്ഷി​ത​മാ​യ സ്ഥ​ല​ത്തേ​ക്ക് മാ​റി താ​മ​സി​ക്ക​ണ​മെ​ന്ന്​ ദു​ര​ന്ത നി​വാ​ര​ണ അ​തോ​റി​റ്റി അ​റി​യി​ച്ചു. സ്ഥി​ര​മാ​യി വെ​ള്ള​ക്കെ​ട്ട് രൂ​പ​പ്പെ​ടാ​റു​ള്ള താ​ഴ്ന്ന പ്ര​ദേ​ശ​ങ്ങ​ളി​ൽ താ​മ​സി​ക്കു​ന്ന​വ​ർ സാ​ഹ​ച​ര്യം വി​ല​യി​രു​ത്തി നി​ർ​ദേ​ശി​ക്ക​പ്പെ​ടു​ന്ന ക്യാ​മ്പു​ക​ളി​ലേ​ക്ക് മാ​റ​ണം.

ശ​ക്ത​മാ​യ കാ​റ്റി​നു സാ​ധ്യ​ത​യു​ള്ള​തി​നാ​ൽ അ​ട​ച്ചു​റ​പ്പി​ല്ലാ​ത്ത വീ​ടു​ക​ളി​ൽ താ​മ​സി​ക്കു​ന്ന​വ​രും മേ​ൽ​ക്കൂ​ര ശ​ക്ത​മ​ല്ലാ​ത്ത വീ​ടു​ക​ളി​ൽ താ​മ​സി​ക്കു​ന്ന​വ​രും പ്ര​ത്യേ​ക ജാ​ഗ്ര​ത പാ​ലി​ക്കേ​ണ്ട​താ​ണ്. അ​പ​ക​ടാ​വ​സ്ഥ മു​ന്നി​ൽ കാ​ണു​ന്ന​വ​ർ അ​ധി​കൃ​ത​രു​മാ​യി ബ​ന്ധ​പ്പെ​ട്ട് സു​ര​ക്ഷി​ത​മാ​യ സ്ഥ​ല​ങ്ങ​ളി​ലേ​ക്ക് സു​ര​ക്ഷാ മു​ൻ​ക​രു​ത​ലി​ന്റെ ഭാ​ഗ​മാ​യി മാ​റി താ​മ​സി​ക്ക​ണം.

നി​യ​ന്ത്ര​ണം നാളെ രാവിലെ വരെ

തൊ​ടു​പു​ഴ: റെ​ഡ്​ അ​ല​ർ​ട്ട്​ പ്ര​ഖ്യാ​പി​ച്ച സാ​ഹ​ച​ര്യ​ത്തി​ൽ മ​ല​യോ​ര മേ​ഖ​ല​യി​ലൂ​ടെ​യു​ള്ള രാ​ത്രി യാ​ത്ര ബു​ധ​നാ​ഴ്ച വൈ​കി​ട്ട് ഏ​ഴു മു​ത​ൽ വ്യാ​ഴാ​ഴ്ച രാ​വി​ലെ ആ​റ്​ വ​രെ നി​രോ​ധി​ച്ചു. മ​ണ്ണെ​ടു​പ്പ്​ ഖ​ന​ന പ്ര​വ​ർ​ത്ത​ന​ങ്ങ​ളും നി​രോ​ധി​ച്ചി​ട്ടു​ണ്ട്. തൊ​ഴി​ലു​റ​പ്പ്, തോ​ട്ടം ജോ​ലി​ക​ൾ, റോ​ഡ് നി​ർ​മാ​ണം എ​ന്നി​വ നി​ർ​ത്തി​വെ​ക്കാ​നും നി​ർ​ദേ​ശ​മു​ണ്ട്. സാ​ഹ​സി​ക - ജ​ല വി​നോ​ദ​ങ്ങ​ളും നി​രോ​ധി​ച്ച്​ ഉ​ത്ത​ര​വി​ട്ടി​ട്ടു​ണ്ട്.

ദു​ര​ന്ത​നി​വാ​ര​ണ സേ​ന​യെ വി​ന്യ​സി​ക്ക​ണം –മു​ല്ല​പ്പെ​രി​യാ​ർ ജ​ന സം​ര​ക്ഷ​ണ സ​മി​തി

തൊ​ടു​പു​ഴ: അ​തി​തീ​വ്ര മ​ഴ​യും പ്ര​തി​കൂ​ല കാ​ലാ​വ​സ്ഥ​യും നി​ല​നി​ൽ​ക്കു​ന്ന ഇ​ടു​ക്കി ജി​ല്ല​യി​ൽ ദേ​ശീ​യ ദു​ര​ന്ത​നി​വാ​ര​ണ സേ​ന​യെ വി​ന്യ​സി​ക്ക​ണ​മെ​ന്ന് മു​ല്ല​പ്പെ​രി​യാ​ർ ജ​ന സം​ര​ക്ഷ​ണ സ​മി​തി ആ​വ​ശ്യ​പ്പെ​ട്ടു. സ​മാ​ന​ത​ക​ൾ ഇ​ല്ലാ​ത്ത ദു​രി​ത​മാ​ണ് ജ​ന​ങ്ങ​ൾ അ​നു​ഭ​വി​ക്കു​ന്ന​ത്. മു​ല്ല​പ്പെ​രി​യാ​ർ ഡാ​മി​ന്റെ വൃ​ഷ്ടി പ്ര​ദേ​ശ​ത്ത് മേ​ഘ​വി​സ്ഫോ​ട​ന​ത്തി​ന് തു​ല്യ​മാ​യ മ​ഴ​യാ​ണ് ല​ഭി​ക്കു​ന്ന​ത്.

ഡാ​മി​ലെ ജ​ല​നി​ര​പ്പ് അ​പ​ക​ട​ക​ര​മാ​യ നി​ല​യി​ലേ​ക്ക് എ​ത്തി . ജി​ല്ലാ ഭ​ര​ണ​കൂ​ടം ഫ​ല​പ്ര​ദ​മാ​യ മു​ൻ​ക​രു​ത​ൽ ന​ട​പ​ടി​ക​ൾ സ്വീ​ക​രി​ക്ക​ണം. കൂ​ടു​ത​ൽ വെ​ള്ളം ത​മി​ഴ്നാ​ട്ടി​ലേ​ക്ക്‌ കൊ​ണ്ടു​പോ​കാ​ൻ ത​മി​ഴ് നാ​ട് അ​ധി​കാ​രി​ക​ളോ​ട് ആ​വ​ശ്യ​പ്പെ​ട​ണം. ഡാ​മി​ന്റെ താ​ഴ്ന്ന പ്ര​ദേ​ശ​ത്ത് വ​ഴി​വി​ള​ക്ക് സ്ഥാ​പി​ക്കു​വാ​നും മു​ന്ന​റി​യി​പ്പ് സം​വി​ധാ​നം ഏ​ർ​പ്പെ​ടു​ത്തു​വാ​നും ന​ട​പ​ടി​ക​ൾ സ്വീ​ക​രി​ക്ക​ണം.

എ​ൻ ഡി.​ആ​ർ.​എ​ഫി​ന്റെ​യും ദു​ര​ന്ത നി​വാ​ര​ണ സ​മി​തി​യു​ടെ​യും പ്ര​വ​ർ​ത്ത​നം ക​ള​ക്ട​റേ​റ്റ് കേ​ന്ദ്രീ​ക​രി​ച്ച് ആ​രം​ഭി​ക്കാ​ൻ അ​ടി​യ​ന്ത​ര ന​ട​പ​ടി​ക​ൾ സ്വീ​ക​രി​ക്ക​ണ​മെ​ന്ന് ആ​വ​ശ്യ​പ്പെ​ട്ട്​ ജ​ല വി​ഭ​വ മ​ന്ത്രി, ജി​ല്ലാ ക​ല​ക്ട​ർ എ​ന്നി​വ​ർ​ക്ക് നി​വേ​ദ​നം ന​ൽ​കി​യ​താ​യി സ​മി​തി ചെ​യ​ർ​മാ​ൻ അ​ഡ്വ. റോ​യ് വാ​രി​കാ​ട്ട്, ജ​ന​റ​ൽ ക​ൺ​വീ​ന​ർ പി.​ടി ശ്രീ​കു​മാ​ർ, പി.​ആ​ർ.​ഒ. ഷി​ബു.​കെ ത​മ്പി എ​ന്നി​വ​ർ അ​റി​യി​ച്ചു.

സൂ​ക്ഷി​ക്ക​ണം!

സ്വ​കാ​ര്യ - പൊ​തു ഇ​ട​ങ്ങ​ളി​ൽ അ​പ​ക​ടാ​വ​സ്ഥ​യി​ൽ നി​ൽ​ക്കു​ന്ന മ​ര​ങ്ങ​ൾ/​പോ​സ്റ്റു​ക​ൾ/​ബോ​ർ​ഡു​ക​ൾ, മ​തി​ലു​ക​ൾ തു​ട​ങ്ങി​യ​വ സു​ര​ക്ഷി​ത​മാ​ക്കേ​ണ്ട​തും മ​ര​ങ്ങ​ൾ കോ​തി ഒ​തു​ക്കു​ക​യും ചെ​യ്യേ​ണ്ട​താ​ണ്. അ​പ​ക​ടാ​വ​സ്ഥ അ​ധി​കൃ​ത​രു​ടെ ശ്ര​ദ്ധ​യി​ൽ പെ​ടു​ത്തേ​ണ്ട​താ​ണ്. ശ​ക്ത​മാ​യ മ​ഴ പെ​യ്യു​ന്ന സാ​ഹ​ച​ര്യ​ത്തി​ൽ ഒ​രു കാ​ര​ണ​വ​ശാ​ലും ന​ദി​ക​ൾ മു​റി​ച്ചു ക​ട​ക്കാ​നോ, ന​ദി​ക​ളി​ലോ മ​റ്റ് ജ​ലാ​ശ​യ​ങ്ങ​ളി​ലോ കു​ളി​ക്കാ​നോ മീ​ൻ​പി​ടി​ക്കാ​നോ മ​റ്റ് ആ​വ​ശ്യ​ങ്ങ​ൾ​ക്കോ ഇ​റ​ങ്ങാ​ൻ പാ​ടു​ള്ള​ത​ല്ല.

മ​ഴ ശ​ക്ത​മാ​കു​ന്ന അ​വ​സ​ര​ങ്ങ​ളി​ൽ അ​ത്യാ​വ​ശ്യ​മ​ല്ലാ​ത്ത യാ​ത്ര​ക​ൾ പ​ര​മാ​വ​ധി ഒ​ഴി​വാ​ക്കു​ക. വെ​ള്ള​ച്ചാ​ട്ട​ങ്ങ​ൾ, ജ​ലാ​ശ​യ​ങ്ങ​ൾ, മ​ല​യോ​ര മേ​ഖ​ല​ക​ൾ എ​ന്നി​വി​ട​ങ്ങ​ളി​ലേ​ക്കു​ള്ള വി​നോ​ദ യാ​ത്ര​ക​ൾ മ​ഴ മു​ന്ന​റി​യി​പ്പ് മാ​റു​ന്ന​ത് വ​രെ ഒ​ഴി​വാ​ക്കേ​ണ്ട​താ​ണ്. ജ​ലാ​ശ​യ​ങ്ങ​ളോ​ട് ചേ​ർ​ന്ന റോ​ഡു​ക​ളി​ലൂ​ടെ​യു​ള്ള യാ​ത്ര​ക​ളി​ൽ പ്ര​ത്യേ​ക ജാ​ഗ്ര​ത പാ​ലി​ക്ക​ണം.

അ​റ്റ​കു​റ്റ​പ്പ​ണി​ക​ൾ ന​ട​ക്കു​ന്ന റോ​ഡു​ക​ളി​ലും ജാ​ഗ്ര​ത പാ​ലി​ക്കു​ക. അ​തി​ശ​ക്ത​മാ​യ മ​ഴ​യു​ണ്ടാ​കു​ന്ന സാ​ഹ​ച​ര്യ​ത്തി​ൽ റോ​ഡ​പ​ക​ട​ങ്ങ​ൾ വ​ർ​ധി​ക്കാ​നു​ള്ള സാ​ധ്യ​ത മു​ന്നി​ൽ കാ​ണ​ണം. മ​ല​യോ​ര മേ​ഖ​ല​യി​ലേ​ക്കു​ള്ള രാ​ത്രി സ​ഞ്ചാ​രം പൂ​ർ​ണ​മാ​യി ഒ​ഴി​വാ​ക്ക​ണ​​മെ​ന്നും മു​ന്ന​റി​യി​പ്പു​ണ്ട്.