കാ​ല​വ​ർ​ഷം ന​ടു​ക്കു​ന്ന ഓ​ർ​മ​യാ​ണ്​ ആ​ന്‍റ​ണി​ക്ക്​

ചെ​റു​തോ​ണി: ഓ​രോ കാ​ല​വ​ർ​ഷ​വും ന​ടു​ക്കു​ന്ന ഓ​ർ​മ​യാ​ണ് ക​രി​മ്പ​ൻ അ​ട്ടി​ക്ക​ളം ആ​ക്കാ​ട്ട് ആ​ന്‍റ​ണി​ക്ക്. തു​ട​ർ​ച്ച​യാ​യ ഉ​രു​ൾ​പൊ​ട്ട​ൽ മൂ​ലം ഒ​രു കു​ടും​ബം ഭൂ​ര​ഹി​ത​മാ​യി​ത്തീ​ർ​ന്ന ക​ഥ​യാ​ണ് ആ​ന്‍റ​ണി​ക്കു പ​റ​യാ​നു​ള്ള​ത്. ക​ഞ്ഞി​ക്കു​ഴി പ​ഞ്ചാ​യ​ത്തി​ലെ കു​ട​ക്ക​ല്ലി​ലാ​യി​രു​ന്നു ആ​ന്‍റ​ണി താ​മ​സി​ച്ചി​രു​ന്ന​ത്. ഇ​വി​ടു​ണ്ടാ​യി​രു​ന്ന നാ​ലേ​ക്ക​ർ ഭൂ​മി​യും വീ​ടും തു​ട​ർ​ച്ച​യാ​യ ഉ​രു​ൾ​പൊ​ട്ട​ലി​ൽ കു​ത്തി​യൊ​ലി​ച്ച് ന​ശി​ച്ചു​പോ​കു​ക​യാ​യി​രു​ന്നു.

ഉ​രു​ൾ​പൊ​ട്ട​ൽ മൂ​ലം കൃ​ഷി​യി​ട​ത്തി​ന്‍റെ വി​സ്തൃ​തി ചു​രു​ങ്ങി​യ​ത്​ ഭാ​ര്യ​യും ര​ണ്ടു മ​ക്ക​ളു​മ​ട​ങ്ങു​ന്ന ആ​ന്‍റ​ണി​യു​ടെ ജീ​വി​തം ദു​രി​ത​പൂ​ർ​ണ​മാ​ക്കി. കൃ​ഷി​യി​ടം ന​ശി​ച്ച​തി​നാ​ൽ പ​ക​രം ഭൂ​മി ന​ൽ​ക​ണ​മെ​ന്നാ​വ​ശ്യ​പ്പെ​ട്ട് ക​ല​ക്ട​ർ ഉ​ൾ​പ്പെ​ടെ​യു​ള്ള​വ​ർ​ക്ക് അ​പേ​ക്ഷ ന​ൽ​കി​യെ​ങ്കി​ലും ന​ട​പ​ടി​ക​ളൊ​ന്നു​മു​ണ്ടാ​യി​ല്ല. എ​ങ്കി​ലും ആ​ന്‍റ​ണി നി​രാ​ശ​നാ​യി​ല്ല. ക​രി​മ്പ​ൻ അ​ട്ടി​ക്ക​ള​ത്തെ​ത്തി 10 സെ​ന്‍റ്​ സ്ഥ​ലം​വാ​ങ്ങി താ​മ​സ​മാ​രം​ഭി​ച്ചു.

പ്ര​കൃ​തി​ദു​ര​ന്തം മൂ​ലം സ​മ്പാ​ദ്യം ന​ഷ്ട​മാ​യ ആ​ന്‍റ​ണി പി​ന്നീ​ട്​ ആ​ടു​വ​ള​ർ​ത്ത​ലി​ലേ​ക്കാ​ണ്​ തി​രി​ഞ്ഞ​ത്. ഇ​പ്പോ​ൾ 73 വ​യ​സ്സു​ള്ള ആ​ന്‍റ​ണി​യു​ടെ ജീ​വി​തം മ​റ്റു​ള്ള​വ​ർ​ക്കൊ​രു​പാ​ഠ​മാ​ണ്. വ​ർ​ഷ​ക്ക​ൾ​ക്ക്​ മു​മ്പ്​ വ​ന​മാ​യി​രു​ന്ന ക​ഞ്ഞി​ക്കു​ഴി​യി​ലെ​ത്തി​യ​താ​ണ് ആ​ന്‍റ​ണി​യെ​ന്ന ത​ങ്ക​ൻ. വ​ന്യ​മൃ​ഗ​ങ്ങ​ളെ​യും മ​ല​മ്പ​നി​യെ​യും അ​വ​ഗ​ണി​ച്ച് വ​ന​ഭൂ​മി വെ​ട്ടി​ത്തെ​ളി​ച്ച് മ​ണ്ണി​നെ വി​ണ്ണാ​ക്കി മാ​റ്റി അ​ക്കാ​ല​ത്ത് കു​ടി​യേ​റ്റ​ക്കാ​ർ​ക്കി​ട​യി​ൽ എ​ങ്ക്റോ​ച്ച് ത​ങ്ക​ൻ എ​ന്ന പേ​രും വീ​ണു.

കൃ​ഷി​യി​റ​ക്കി 1200 പ​റ​നെ​ല്ലും 400 തു​ലാം കു​രു​മു​ള​കും കൃ​ഷി​യി​ൽ​നി​ന്ന്​ ല​ഭി​ച്ചി​രു​ന്നു. തു​ട​ർ​ച്ച​യാ​യു​ണ്ടാ​യ ഉ​രു​ൾ​പൊ​ട്ട​ലു​ക​ൾ എ​ല്ലാം ത​ക​ർ​ക്കു​ക​യാ​യി​രു​ന്നു. 2006ൽ ​സ്ഥ​ല​മു​പേ​ക്ഷി​ച്ച് വെ​റും കൈ​യോ​ടെ അ​ട്ടി​ക്ക​ള​ത്തെ​ത്തി​യ അ​ദ്ദേ​ഹം ഉ​രു​ൾ​പൊ​ട്ട​ലി​ലൂ​ടെ ന​ഷ്ട​മാ​യ​തെ​ല്ലാം ആ​ടു​കൃ​ഷി​യി​ലൂ​ടെ തി​രി​ച്ചു​പി​ടി​ക്കു​ക​യാ​യി​രു​ന്നു.