കാന്തല്ലൂരിനെ ചെറുധാന്യങ്ങളുടെ വിളഭൂമിയാക്കാന്‍ പദ്ധതി

മ​റ​യൂ​ര്‍: ര​ണ്ട് പ​തി​റ്റാ​ണ്ട് മു​മ്പ്​ കാ​ന്ത​ല്ലൂ​രി​ല്‍ ധാ​രാ​ള​മാ​യി വി​ള​ഞ്ഞ ചെ​റു​ധാ​ന്യ​ങ്ങ​ളു​ടെ കൃ​ഷി വീ​ണ്ടെ​ടു​ത്ത് അ​ന്ത​ര്‍ദേ​ശീ​യ ത​ല​ത്തി​ൽ വി​ല്‍പ​ന ന​ട​ത്താ​നും അ​തി​ലൂ​ടെ ക​ര്‍ഷ​ക​ര്‍ക്ക് മി​ക​ച്ച വ​രു​മാ​നം സൃ​ഷ്ടി​ക്കാ​നും പ​ദ്ധ​തി. ആ​ഗോ​ള ക​മ്പ​നി​യാ​യ ലെ​നോ​വ​യു​ടെ ‘ലെ​നോ​വ വ​ര്‍ക്ക് ഫോ​ര്‍ ഹ്യൂ​മ​ന്‍ കൈ​ന്‍ഡ്നെ​സ് ഇ​ന്ത്യ’ പ​ദ്ധ​തി​യാ​ണ് കാ​ന്ത​ല്ലൂ​രി​ല്‍ ആ​രം​ഭി​ച്ച​ത്. കാ​ന്ത​ല്ലൂ​ര്‍ ഗ്രാ​മ​പ​ഞ്ചാ​യ​ത്ത്, ഐ.​എ​ച്ച്.​ആ​ര്‍.​ഡി കോ​ള​ജ് ഓ​ഫ് അ​പ്ലൈ​ഡ്​ സ​യ​ന്‍സി​ലെ ടൂ​റി​സം ക്ല​ബ്, ബം​ഗ​ളൂ​രൂ ആ​സ്ഥാ​ന​മാ​യ ഡ്രീം ​ഇ​ന്ത്യ നെ​റ്റ് വ​ര്‍ക്ക് എ​ന്നി​വ​യു​ടെ ആ​ഭി​മു​ഖ്യ​ത്തി​ലാ​ണ് പ​ദ്ധ​തി.

വി​ത്തി​ടു​ന്ന​തി​ന്​ നി​ലം ഒ​രു​ക്കു​ന്ന​ത് മു​ത​ല്‍ വി​ല്‍പ​ന ന​ട​ത്തി ഏ​ത് ഉ​പ​ഭോ​ക്താ​വി​ന്‍റെ കൈ​ക​ളി​ല്‍ എ​ത്തു​ന്നു എ​ന്ന വി​വ​ര​ങ്ങ​ൾ​വ​രെ ഡി​ജി​റ്റ​ലാ​യി രേ​ഖ​പ്പെ​ടു​ത്തി പ്ര​സി​ദ്ധ​പ്പെ​ടു​ത്തും. ഇ​തി​നാ​യി കാ​ന്ത​ല്ലൂ​രി​ലെ ഐ.​എ​ച്ച്.​ആ​ര്‍.​ഡി കോ​ള​ജി​ല്‍ ലെ​നോ​വ ഡി​ജി​റ്റ​ല്‍ സെ​ന്‍റ​ര്‍ ഫോ​ര്‍ മി​ല്ല​റ്റ്സ് സ്ഥാ​പി​ക്കും. ക​ന്ത​ല്ലൂ​ര്‍ ഐ.​എ​ച്ച്.​ആ​ര്‍.​ഡി കോ​ള​ജി​ലെ ഒ​രേ​ക്ക​ല്‍ ഭൂ​മി​യി​ല്‍ ചി​ന്നാ​ര്‍ വ​ന്യ​ജീ​വി സ​ങ്കേ​ത​വു​മാ​യി സ​ഹ​ക​രി​ച്ച് എ​ട്ടു​ത​രം റാ​ഗി, തി​ന, വ​ര​ക്, ചീ​ര എ​ന്നി​വ കൃ​ഷി റി​ച്ച് ഹി​ല്‍ കാ​മ്പ​സ് ഡെ​വ​ല​പ്​​മെ​ന്‍റ് പ്രോ​ഗ്രാ​മി​ന്‍റെ ഭാ​ഗ​മാ​യി ഡി​സം​ബ​റി​ല്‍ ആ​രം​ഭി​ച്ച ചെ​റു​ധാ​ന്യ​ങ്ങ​ളു​ടെ കൃ​ഷി വി​ള​വെ​ടു​പ്പി​ന് പാ​ക​മാ​യി​രി​ക്കു​ക​യാ​ണ്.

ലെ​നോ​വ​യു​ടെ ടെ​ക് സെ​ന്‍റ​റി​ലൂ​ടെ സാ​ങ്കേ​തി​ക വി​ദ്യ ഉ​പ​യോ​ഗി​ച്ച്​ ആ​ദ്യ​ഘ​ട്ട​ത്തി​ല്‍ തെ​ര​ഞ്ഞെ​ടു​ത്ത 25 ആ​ദി​വാ​സി ക​ര്‍ഷ​ക​ര്‍ക്ക് ആ​പ്ലി​ക്കേ​ഷ​ന്‍ അ​ട​ങ്ങി​യ മൊ​ബൈ​ല്‍ ഫോ​ണു​ക​ള്‍ സൗ​ജ​ന്യ​മാ​യി ന​ല്‍കും. ഇ​തി​ലൂ​ടെ ക​ര്‍ഷ​ക​രെ നി​ര​ന്ത​രം ബ​ന്ധ​പ്പെ​ടു​ന്ന​തി​നും ദി​വ​സേ​ന​യു​ള്ള പു​രോ​ഗ​തി അ​റി​യു​ന്ന​തി​നും സാ​ധി​ക്കു​മെ​ന്ന് ലോ​ഞ്ചി​ങ്​ പ്ര​ഖ്യാ​പി​ച്ച്​ ലെ​നോ​വോ ഇ​ന്ത്യ മാ​നേ​ജി​ങ്​ ഡ​യ​റ​ക്ട​ർ ശൈ​ലേ​ന്ദ്ര ക​ത്യാ​ൽ പ​റ​ഞ്ഞു. ആ​ധു​നി​ക ഇ​ട​പെ​ട​ലു​ക​ളു​ടെ സ​ഹാ​യ​ത്തോ​ടെ പ​ര​മ്പ​രാ​ഗ​ത കൃ​ഷി​രീ​തി​ക​ൾ പു​ന​രു​ജ്ജീ​വി​പ്പി​ക്കാ​ൻ പ​ദ്ധ​തി സ​ഹാ​യി​ക്കു​മെ​ന്ന്​​ കാ​ന്ത​ല്ലൂ​ർ പ​ഞ്ചാ​യ​ത്ത് പ്ര​സി​ഡ​ന്‍റ്​ പി.​ടി. മോ​ഹ​ൻ​ദാ​സ് പ​റ​ഞ്ഞു.