​അടിസ്ഥാന സൗകര്യമില്ലാതെ ഇടുക്കിയിലെ അഗ്നിരക്ഷാസേന

മൂന്നാർ ദുരന്തമേഖല; സ്ഥിതി പരിതാപകരം

മൂ​ന്നാ​ർ: മ​ഴ​ക്കാ​ല​മാ​കു​ന്ന​തോ​ടെ നി​ൽ​ക്കാ​തെ ഓ​ട്ടം ആ​രം​ഭി​ക്കു​ന്ന മൂ​ന്നാ​റി​ലെ അ​ഗ്നി​ര​ക്ഷാ സേ​ന വി​ഭാ​ഗ​ത്തി​ന് പ​രാ​ധീ​ന​ത​ക​ളേ​റെ. സം​സ്ഥാ​ന അ​തി​ർ​ത്തി മേ​ഖ​ല​ക​ളാ​യ ചി​ന്നാ​ർ മു​ത​ൽ ബോ​ഡി​മെ​ട്ടു​വ​രെ 65 ച​തു​ര​ശ്ര​കി​ലോ​മീ​റ്റ​ർ വി​സ്തൃ​തി​യി​ലു​ള്ള ഭൂ​പ്ര​ദേ​ശ​മാ​ണ് ഈ ​സ്റ്റേ​ഷ​ന് കീ​ഴി​ൽ വ​രു​ന്ന​ത്. ജി​ല്ല​യി​ൽ കൂ​ടു​ത​ൽ ദു​ര​ന്ത​മേ​ഖ​ല​ക​ൾ സ്ഥി​തി ചെ​യ്യു​ന്ന​ത് ഈ ​സ്​​റ്റേ​ഷ​ൻ പ​രി​ധി​യി​ലാ​ണ്. പെ​ട്ടി​മു​ടി​യി​ലേ​തു ഉ​ൾ​പ്പെ​ടെ ഉ​രു​ൾ​പൊ​ട്ട​ൽ​പോ​ലു​ള്ള ദു​ര​ന്ത​ങ്ങ​ൾ ഉ​ണ്ടാ​കു​മ്പോ​ൾ അ​ടി​യ​ന്ത​ര​മാ​യി നേ​രി​ടു​ന്ന​തി​നു​ള്ള ഉ​പ​ക​ര​ണ​ങ്ങ​ളും മ​റ്റും ഇ​പ്പോ​ഴും അ​പ​ര്യാ​പ്ത​മാ​ണ്. മ​ണ്ണു​മാ​ന്തി യ​ന്ത്ര​ങ്ങ​ളും ദു​ര​ന്ത മേ​ഖ​ല​യി​ലേ​ക്ക് എ​ത്തി​പ്പെ​ടാ​ൻ ക​ഴി​യു​ന്ന ത​രം വാ​ഹ​ന​ങ്ങ​ളും ഇ​വി​ടെ ആ​വ​ശ്യ​മാ​ണ്. നി​ല​വി​ൽ ഒ​രു മ​ദ​ർ ടാ​ങ്ക് യൂ​നി​റ്റും (എം.​ടി.​യു), മി​നി​വാ​ട്ട​ർ മി​സ്റ്റും ഒ​രു വാ​ട്ട​ർ മി​സ്റ്റ് ബൈ‌​ക്കും ഉ​ൾ​പ്പെ​ടെ അ​ഞ്ച് വാ​ഹ​ന​ങ്ങ​ളാ​ണ് ഇ​വി​ടെ​യു​ള്ള​ത്. പെ​ട്ടി​മു​ടി ദു​ര​ന്ത​ത്തി​നു​ശേ​ഷം കൂ​ടു​ത​ൽ സു​ര​ക്ഷാ ഉ​പ​ക​ര​ണ​ങ്ങ​ൾ ഇ​വി​ടേ​ക്ക് അ​നു​വ​ദി​ച്ചി​ട്ടു​ണ്ട്.

1990ലാ​ണ് മൂ​ന്നാ​ർ ന​ല്ല​ത​ണ്ണി​യി​ൽ അ​ഗ്​​നി​ര​ക്ഷാ കാ​ര്യാ​ല​യം സ്ഥാ​പി​ച്ച​ത്. ടൗ​ണി​ൽ​നി​ന്ന് നാ​ല് കി​ലോ​മീ​റ്റ​ർ ദൂ​രെ​യാ​ണ് ന​ല്ല​ത​ണ്ണി. സ്റ്റേ​ഷ​ൻ ടൗ​ൺ ഭാ​ഗ​ത്തേ​ക്ക്‌ മാ​റ്റ​ണ​മെ​ന്ന ആ​വ​ശ്യ​ത്തി​ന് പ​തി​റ്റാ​ണ്ടു​ക​ളു​ടെ പ​ഴ​ക്ക​മു​ണ്ട്. ടാ​റ്റ ക​മ്പ​നി വി​ട്ടു​ന​ൽ​കി​യ കെ​ട്ടി​ട​ത്തി​ലാ​ണ് തു​ട​ങ്ങി​യ കാ​ലം മു​ത​ൽ ഇ​തി​ന്റെ പ്ര​വ​ർ​ത്ത​നം. ചോ​ർ​ന്നൊ​ലി​ച്ച്‌ നി​ലം​പൊ​ത്താ​റാ​യി സ്ഥി​തി​ചെ​യ്തി​രു​ന്ന ഈ ​കെ​ട്ടി​ടം അ​ടു​ത്ത​യി​ടെ ക​മ്പ​നി മൂ​ന്നു ല​ക്ഷം ചെ​ല​വി​ട്ട് അ​റ്റ​കു​റ്റ​പ്പ​ണി ചെ​യ്തി​ട്ടു​ണ്ട്. താ​മ​സ​സൗ​ക​ര്യം കു​റ​വാ​യ​തി​നാ​ൽ ഉ​ദ്യോ​ഗ​സ്ഥ​രു​ടെ താ​മ​സ​വും ഭ​ക്ഷ​ണം പാ​ച​കം ചെ​യ്യ​ലു​മൊ​ക്കെ സ്റ്റേ​ഷ​ൻ കെ​ട്ടി​ട​ത്തി​ലെ ഒ​രു മു​റി​യി​ൽ​ത​ന്നെ.

പീരുമേട് ആംബുലൻസ് കട്ടപ്പുറത്ത്

പീ​രു​മേ​ട്: അ​ഗ്​​നി​ര​ക്ഷാ സേ​ന യൂ​നി​റ്റി​ൽ ജീ​വ​ന​ക്കാ​രു​ടെ അ​ഭാ​വ​വും ആം​ബു​ല​ൻ​സ് ഇ​ല്ലാ​ത്ത​തും പ്ര​വ​ർ​ത്ത​ന​ത്തെ ബാ​ധി​ക്കു​ന്നു. 36 ജീ​വ​ന​ക്കാ​രു​ടെ ത​സ്തി​ക ഉ​ള്ള​പ്പോ​ൾ 30ൽ ​താ​ഴെ പേ​ർ മാ​ത്ര​മാ​ണു​ള്ള​ത്.

അ​റ്റ​കു​റ്റ​പ്പ​ണി​ക്കാ​യി ക​ട്ട​പ്പു​റ​ത്താ​യ​തി​നാ​ൽ അ​ടി​യ​ന്ത​ര ഘ​ട്ട​ങ്ങ​ളി​ൽ ആം​ബു​ല​ൻ​സി​ന്‍റെ സേ​വ​നം ല​ഭ്യ​മ​ല്ല. കാ​ല​വ​ർ​ഷം ക​ന​ക്കു​ന്ന​തോ​ടെ അ​ടി​യ​ന്ത​ര ഘ​ട്ട​ങ്ങ​ൾ ഉ​ണ്ടാ​യാ​ൽ ജീ​വ​ന​ക്കാ​രു​ടെ അ​ഭാ​വ​വും ആം​ബു​ല​ൻ​സ് ഇ​ല്ലാ​ത്ത​തും പ്ര​വ​ർ​ത്ത​ന​ത്തെ ബാ​ധി​ക്കു​ന്നു. ക​ഴി​ഞ്ഞ മാ​ർ​ച്ചി​ൽ ജീ​വ​ന​ക്കാ​ർ വി​ര​മി​ച്ച​തും ഒ​ഴി​വു​ക​ൾ നി​ക​ത്താ​ത്ത​തു​മാ​ണ് ജീ​വ​ന​ക്കാ​ർ കു​റ​യാ​ൻ കാ​ര​ണം. കാ​ല​വ​ർ​ഷം ശ​ക്ത​മാ​കു​മ്പോ​ൾ പെ​രു​വ​ന്താ​നം മു​ത​ൽ കു​ട്ടി​ക്കാ​നം​വ​രെ മ​ണ്ണി​ടി​ച്ചി​ലു​ണ്ടാ​യി ഗ​താ​ഗ​തം സ്തം​ഭി​ക്കു​ന്ന​തും വ​ണ്ടി​പ്പെ​രി​യാ​ർ മു​ത​ൽ വാ​ളാ​ർ​ഡി​വ​രെ ദേ​ശീ​യ​പാ​ത​യി​ൽ വെ​ള്ളം ക​യ​റി ഗ​താ​ഗ​തം സ്തം​ഭി​ക്കു​മ്പോ​ഴും അ​ടി​യ​ന്ത​ര ഘ​ട്ട​ങ്ങ​ളി​ൽ അ​ഗ്നി​ര​ക്ഷാ സേ​ന​യു​ടെ സേ​വ​നം വി​ല​പ്പെ​ട്ട​താ​ണ്.

അ​ടി​മാ​ലി മി​നി ഫ​യ​ർ സ്റ്റേ​ഷ​നും സ്വ​ന്തം കെ​ട്ടിടമി​ല്ല

അ​ടി​മാ​ലി: അ​ടി​മാ​ലി മി​നി ഫ​യ​ർ സ്റ്റേ​ഷ​ൻ അ​ടി​സ്ഥാ​ന സൗ​ക​ര്യ​ങ്ങ​ൾ ഇ​ല്ലാ​തെ വ​ല​യു​ന്നു. പ​ഞ്ചാ​യ​ത്ത് നി​ർ​മി​ച്ച് കൈ​മാ​റി​യ കെ​ട്ടി​ടം വ​കു​പ്പി​ന് സ്വ​ന്തം പേ​രി​ലേ​ക്ക് ആ​ധാ​രം ചെ​യ്ത് ല​ഭി​ക്കാ​ത്ത​തി​നാ​ൽ അ​റ്റ​കു​റ്റ​പ്പ​ണി ന​ട​ത്തു​ന്ന​തി​നോ അ​ടി​സ്ഥാ​ന സൗ​ക​ര്യ​ങ്ങ​ൾ എ​ത്തി​ക്കാ​നോ ക​ഴി​യു​ന്നി​ല്ല.

റ​വ​ന്യൂ വ​കു​പ്പി​ന്‍റെ കെ​ടു​കാ​ര്യ​സ്ഥ​ത​യാ​ണ് ഭൂ​മി​യും കെ​ട്ടി​ട​വും വ​കു​പ്പി​ന് ല​ഭി​ക്കാ​ത്ത​തി​ന്‍റെ കാ​ര​ണം. 24 ജീ​വ​ന​ക്കാ​രാ​ണു​ള്ള​ത്. 24 മ​ണി​ക്കൂ​റും ജീ​വ​ന​ക്കാ​ർ സ​ർ​വ സ​ന്നാ​ഹ​വു​മാ​യി നി​ൽ​ക്കു​മ്പോ​ൾ ഇ​വ​ർ​ക്ക് വി​ശ്ര​മി​ക്കാ​നും ഇ​ട​മി​ല്ല. ഓ​ഫി​സി​നു​പു​റ​മെ ഫ​യ​ർ വാ​ഹ​ന​ങ്ങ​ൾ ഇ​ടു​ന്ന​തി​നു​ള്ള കെ​ട്ടി​ട​മാ​ണു​ള്ള​ത്. ചെ​റി​യൊ​രു​ഭാ​ഗം ജീ​വ​ന​ക്കാ​ർ ദു​രി​ത​പൂ​ർ​ണ​മാ​യ സാ​ഹ​ച​ര്യ​ത്തി​ലാ​ണ്​ ജോ​ലി ചെ​യ്യു​ന്ന​ത്. കു​ടി​വെ​ള്ളം ഇ​ല്ലാ​ത്ത​താ​ണ്​ മ​റ്റൊ​രു പ്ര​ശ്നം. അ​യ​ൽ​വീ​ട്ടു​കാ​ർ ക​നി​ഞ്ഞി​ല്ലെ​ങ്കി​ൽ കു​ടി​വെ​ള്ളം മു​ട​ങ്ങും. കു​ഴ​ൽ​ക്കി​ണ​ർ അ​ടി​ക്കാ​ൻ വ​കു​പ്പി​ന് ക​ഴി​യു​മെ​ങ്കി​ലും ഭൂ​മി സ്വ​ന്ത​മാ​യി​ല്ല. 2015ലാ​ണ്​ പ്ര​വ​ർ​ത്ത​നം തു​ട​ങ്ങി​യ​ത്. ജീ​വ​ന​ക്കാ​രെ കു​റ​ക്കാ​ൻ മി​നി ഫ​യ​ർ സ്റ്റേ​ഷ​നാ​യി​ട്ടാ​ണ് പ്ര​വ​ർ​ത്ത​നം തു​ട​ങ്ങി​യ​ത്. ജി​ല്ല​യി​ൽ ആ​റ്​ ഫ​യ​ർ സ്റ്റേ​ഷ​നും ര​ണ്ട്​ മി​നി ഫ​യ​ർ സ്റ്റേ​ഷ​നു​മാ​ണു​ള്ള​ത്. തൊ​ടു​പു​ഴ ഫ​യ​ർ സ്റ്റേ​ഷ​ൻ ക​ഴി​ഞ്ഞാ​ൽ കൂ​ടു​ത​ൽ അ​ത്യാ​ഹി​ത​ങ്ങ​ളി​ലും ഓ​ടി​യെ​ത്തു​ന്ന​ത് ഇ​പ്പോ​ൾ അ​ടി​മാ​ലി മി​നി ഫ​യ​ർ സ്റ്റേ​ഷ​നാ​ണ്.

ഈ ​വ​ർ​ഷം 82 അ​ത്യാ​ഹി​ത സം​ഭ​വ​ങ്ങ​ളി​ലാ​ണ് ഫ​യ​ർ​സ്​​റ്റേ​ഷ​ൻ ജീ​വ​ന​ക്കാ​ർ സ്ഥ​ല​ത്തെ​ത്തി​യ​ത്. ഒ​രു ഫ​യ​ർ എ​ൻ​ജി​ൻ, ഒ​രു ആം​ബു​ല​ൻ​സ്, ഒ​രു വാ​ട്ട​ർ ലോ​റി ഉ​ൾ​പ്പെ​ടെ അ​ഞ്ച്​ വാ​ഹ​ന​ങ്ങ​ളു​മു​ണ്ട്.

കട്ടപ്പന: കെട്ടിടമോ അനുബന്ധ സൗകര്യങ്ങളോ ഇല്ല

ക​ട്ട​പ്പ​ന: 1984 മു​ത​ൽ ക​ട്ട​പ്പ​ന​യി​ൽ പ്ര​വ​ർ​ത്തി​ക്കു​ന്ന അ​ഗ്​​നി​ര​ക്ഷാ​സേ​ന​യു​ടെ സ്ഥി​തി ശോ​ച​നീ​യ​മാ​ണ്. സ്വ​ന്ത​മാ​യി കെ​ട്ടി​ടം പോ​ലും ല​ഭി​ച്ചി​ട്ടി​ല്ല. വാ​ട​ക കെ​ട്ടി​ട​ത്തി​ലാ​ണ് ഇ​പ്പോ​ഴും പ്ര​വ​ർ​ത്തി​ക്കു​ന്ന​ത്. വാ​ഹ​ന​ങ്ങ​ൾ എ​ല്ലാം താ​ൽ​ക്കാ​ലി​ക ഷെ​ഡി​ലാ​ണ് പാ​ർ​ക്ക് ചെ​യ്യു​ന്ന​ത്. ജീ​വ​ന​ക്കാ​ർ ത​ക​ര ഷെ​ഡി​ൽ ക​ഴി​യു​ന്നു. അ​മ്പ​ല​ക്ക​വ​ല​യി​ൽ ഫ​യ​ർ​ഫോ​ഴ്സി​ന് കെ​ട്ടി​ടം നി​ർ​മ്മി​ക്കാ​ൻ 20 സെ​ന്റ് സ്ഥ​ലം ന​ഗ​ര​സ​ഭ ന​ൽ​കി​യെ​ങ്കി​ലും കെ​ട്ടി​ട നി​ർ​മ്മാ​ണ ന​ട​പ​ടി​ക​ൾ വൈ​കു​ക​യാ​ണ്. ര​ണ്ട് ഫ​യ​ർ എ​ഞ്ചി​നും ഒ​രു ജീ​പ്പും ര​ണ്ട് ക്വി​ക് റെ​സ്ഫോ​ൺ​സ് വെ​ഹി​ക്കി​ളും ഉ​ൾ​പ്പെ​ടെ അ​ഞ്ചു വാ​ഹ​ന​ങ്ങ​ൾ ഉ​ണ്ടാ​യി​രു​ന്നി​ട​ത്ത്​ ഇ​പ്പോ​ൾ നാ​ലു​വാ​ഹ​ന​ങ്ങ​ളാ​യി ചു​രു​ങ്ങി. ഇ​ടു​ക്കി ജ​ലാ​ശ​യ​ത്തി​ലും പെ​രി​യാ​റി​ലും ആ​ളു​ക​ൾ അ​പ​ക​ട​ത്തി​ൽ​പ്പെ​ടു​മ്പോ​ൾ ര​ക്ഷി​ക്കാ​ൻ ഒ​രു റ​ബ്ബ​ർ ബോ​ട്ട് മാ​ത്ര​മാ​ണ് സേ​ന​ക്കു​ള്ള​ത്. ഇ​ത്ത​രം സ​ന്ദ​ർ​ഭ​ങ്ങ​ളി​ൽ സേ​വ​ന​ത്തി​നാ​വ​ശ്യ​മാ​യ മു​ങ്ങ​ൽ വി​ദ​ഗ്ധ​ര​ട​ങ്ങു​ന്ന സ്കൂ​ബാ ടീം ​ഇ​വി​ടെ​യി​ല്ല.

മ​ല​യി​ടി​ഞ്ഞാ​ൽ തൂ​മ്പ മാ​ത്രം; സ​ന്നാ​ഹ​ങ്ങ​ളി​ല്ലാ​െ​ത ജി​ല്ല ആ​സ്ഥാ​ന ഫ​യ​ർ സ്‌​റ്റേ​ഷ​ൻ

ചെ​റു​തോ​ണി: ജി​ല്ല ആ​സ്ഥാ​ന​ത്തെ ഫ​യ​ർ സ്‌​റ്റേ​ഷ​നി​ൽ ര​ണ്ട്​ ഫ​യ​ർ എ​ൻ​ജി​നും ഒ​രു ആം​ബു​ല​ൻ​സു​മാ​ണ് ആ​കെ​യു​ള്ള​ത്. ഇ​താ​വ​ട്ടെ കാ​ല​പ്പ​ഴ​ക്ക​മു​ള്ള​തും. നി​ര​ന്ത​രം ആ​വ​ശ്യ​പ്പെ​ട്ട​ത​നു​സ​രി​ച്ചാ​ണ് മെ​ക്കാ​നി​ക്കി​നെ നി​യ​മി​ച്ച​ത്.

വെ​ള്ള​ത്തി​ലു​ണ്ടാ​കു​ന്ന അ​പ​ക​ട​ങ്ങ​ളി​ൽ സ​ഹാ​യം ന​ൽ​ക​ണ​മെ​ങ്കി​ൽ സം​വി​ധാ​ന​ങ്ങ​ളൊ​ന്നു​മി​ല്ല. ഉ​രു​ൾ​പൊ​ട്ട​ൽ, മ​രം വീ​ണു​ള്ള അ​പ​ക​ട​ങ്ങ​ൾ എ​ന്നി​വ നേ​രി​ടു​ന്ന​തി​നും സ​ന്നാ​ഹ​ങ്ങ​ളൊ​ന്നു​മി​ല്ല. എ​മ​ർ​ജ​ൻ​സി ടെ​ൻ​ഡ​ർ വാ​ഹ​ന​മി​ല്ല.

വെ​ള്ള​ത്തി​ൽ വീ​ണു​ള്ള അ​പ​ക​ട​ങ്ങ​ൾ ഈ ​സ്‌​റ്റേ​ഷ​ൻ പ​രി​ധി​യി​ൽ നി​ത്യ​സം​ഭ​വ​മാ​ണ്. നീ​ന്ത​ൽ പ​രി​ശീ​ല​നം നേ​ടി​യ അ​ഞ്ച്​ ഫ​യ​ർ​മാ​ൻ​മാ​രു​ടെ ത​സ്തി​ക​യു​ണ്ട്. ഇ​വി​ടെ ആ​രു​മി​ല്ല. മൂ​ന്നു​പേ​ർ ഉ​ണ്ടാ​യി​രു​ന്ന​ത് സ്ഥ​ലം മാ​റി​പ്പോ​യി. വെ​ള്ള​ത്തി​ന​ടി​യി​ൽ മു​ങ്ങു​ന്ന​തി​നു​ള്ള ഉ​പ​ക​ര​ണ​ങ്ങ​ളും സേ​ർ​ച്ച്​ ലൈ​റ്റും ഇ​ല്ല. കൈ​യെ​ത്തും ദൂ​ര​ത്ത് ഇ​ടു​ക്കി ഡാ​മും നി​ര​ന്ത​രം സ​ന്ദ​ർ​ശ​ക​രു​മു​ള്ള​പ്പോ​ൾ ഇ​ത് അ​ത്യാ​ന്താ​പേ​ക്ഷി​ത​മാ​ണ്.

ര​ക്ഷാ​പ്ര​വ​ർ​ത്ത​നം ന​ട​ത്തു​ന്ന​തി​ന് യ​മ​ഹാ​ബോ​ട്ട് ന​ൽ​കു​മെ​ന്ന സ​ർ​ക്കാ​റി​ന്‍റെ വാ​ഗ്ദാ​നം ഇ​പ്പോ​ഴും അ​ങ്ങ​നെ ത​ന്നെ നി​ൽ​ക്കു​ന്നു. മ​ഴ​ക്കാ​ല​ത്ത് മ​ല​യി​ടി​ച്ചി​ൽ സ്ഥി​ര​മാ​ണ് എ​ന്നാ​ൽ, ഇ​ത്ത​രം അ​പ​ക​ടം ഉ​ണ്ടാ​യാ​ൽ ര​ക്ഷാ​പ്ര​വ​ർ​ത്ത​ന​ത്തി​ന് തൂ​മ്പ​ക​ൾ മാ​ത്ര​മാ​ണു​ള്ള​ത്.

മ​രം വെ​ട്ടാ​ൻ മു​മ്പ്​​ നാ​ട്ടു​കാ​ർ ഒ​രു വ​ട്ട​വാ​ളും വാ​ക്ക​ത്തി​യും സൗ​ജ​ന്യ​മാ​യി ന​ൽ​കി​യ​താ​ണ് ഇ​പ്പോ​ഴു​മു​ള്ള​ത്. കൂ​ടു​ത​ൽ വേ​ണ്ടി വ​ന്നാ​ൽ സ​മീ​പ​ത്തെ വീ​ടു​ക​ളി​ൽ നി​ന്ന് ക​ട​മെ​ടു​ക്ക​ണം. എ​മ​ർ​ജ​ൻ​സി ടെ​ന്‍ഡ​ർ ഉ​ട​ൻ ന​ൽ​കു​മെ​ന്ന് മ​ന്ത്രി​യും നാ​ലു എം.​എ​ൽ.​എ​മാ​രും പ​ങ്കെ​ടു​ത്ത ജി​ല്ല വി​ക​സ​ന സ​മി​തി യോ​ഗം തീ​രു​മാ​ന​മെ​ടു​ത്ത​താ​ണ്. അ​ത്​ പ്ര​ഖ്യാ​പ​ന​ത്തി​ലൊ​തു​ങ്ങി.