ലോക്​ഡൗണിൽ ബ്രേക്​ഡൗണായി സ്വകാര്യ ബസ്​ മേഖല

തൊ​ടു​പു​ഴ: കോ​വി​ഡ്​ വ്യാ​പ​ന​ത്തി​ലും തു​ട​ർ​ന്നു​ണ്ടാ​യ ​​ലോ​ക്ഡൗ​ണി​ലും ന​​ട്ടെ​ല്ലൊ​ടി​ഞ്ഞ്​ സ്വ​കാ​ര്യ ബ​സ്​ വ്യ​വ​സാ​യം. ലോ​ക്​​ഡൗ​ൺ നി​യ​ന്ത്ര​ണ​ങ്ങ​ൾ സ്വ​കാ​ര്യ ബ​സ്​ വ്യ​വ​സാ​യ​ത്തി​ന്​​ വ​രു​ത്തി​വെ​ച്ച ന​ഷ്​​ടം ചെ​റു​ത​ല്ല.

ലോ​ക്​​ഡൗ​ൺ ക​ഴി​ഞ്ഞാ​ലും കോ​വി​ഡ്​ ആ​ശ​ങ്ക നി​ല​നി​ൽ​ക്കു​ന്ന​തി​നാ​ൽ മു​ന്നോ​ട്ടു​ള്ള പോ​ക്ക്​ എ​ങ്ങ​നെ​യാ​കും എ​ന്നും​ ബ​സു​ട​മ​ക​ൾ​ക്ക്​ നി​ശ്ച​യ​മി​ല്ല. സ​ർ​ക്കാ​ർ അ​ർ​ഹ​മാ​യ പ​രി​ഗ​ണ​ന ന​ൽ​ക​ണ​മെ​ന്നാ​ണ്​ ഇ​വ​രു​ടെ ആ​വ​ശ്യം.​

പ​റ​യാ​ൻ ന​ഷ്​​ട​ക്ക​ണ​ക്ക്​ മാ​ത്രം

ജി​ല്ല​യി​ൽ 400 ഓ​ളം സ്വ​കാ​ര്യ ബ​സു​ക​ളാ​ണ്​ സ​ർ​വി​സ്​ ന​ട​ത്തു​ന്ന​ത്. നൂ​റു​ക​ണ​ക്കി​ന്​​ തൊ​ഴി​ലാ​ളി​ക​ളും ഇ​തി​നെ ആ​ശ്ര​യി​ച്ച്​ ക​ഴി​യു​ന്നു. ശ​മ്പ​ളം കൊ​ടു​ക്കാ​ൻ​പോ​ലും വ​രു​മാ​ന​മി​ല്ലാ​താ​യ​തോ​ടെ പ​ല ബ​സു​ക​ളി​ലും ഉ​ട​മ​ക​ൾ ത​ന്നെ​യാ​ണ്​ തൊ​ഴി​ലാ​ളി​യും. കോ​വി​ഡ്​ കേ​സു​ക​ൾ റി​പ്പോ​ർ​ട്ട്​ ചെ​യ്​​ത്​ തു​ട​ങ്ങി​യ 2020 മു​ത​ൽ ത​ന്നെ സ്വ​കാ​ര്യ ബ​സ്​ വ്യ​വ​സാ​യം വ​ലി​യ പ്ര​തി​സ​ന്ധി​യി​ലാ​ണെ​ന്ന്​ ഉ​ട​മ​ക​ൾ പ​റ​യു​ന്നു.

നി​യ​ന്ത്ര​ണ​ങ്ങ​ൾ പാ​ലി​ച്ച്​ സ​ര്‍വി​സ് ന​ട​ത്തി​യി​ട്ട്​ ന​ഷ്​​ട​ക്ക​ണ​ക്ക്​ മാ​ത്ര​മാ​യി​രു​ന്നു ബാ​ക്കി. പി​ടി​ച്ചു​നി​ൽ​ക്കാ​നാ​വാ​തെ വ​ന്ന​തോ​ടെ യാ​ത്ര​ക്കാ​ര്‍ കു​റ​ഞ്ഞ റൂ​ട്ടു​ക​ളി​ലെ സ​ര്‍വി​സു​ക​ള്‍ നേ​ര​ത്തേ ത​ന്നെ നി​ർ​ത്തി. കോ​വി​ഡി​െൻറ ആ​ദ്യ​ഘ​ട്ട​ത്തി​ല്‍ വ​ലി​യ പ്ര​തി​സ​ന്ധി​യാ​ണ് സ്വ​കാ​ര്യ ബ​സു​ട​ക​ള്‍ നേ​രി​ട്ട​ത്.

സ​ര്‍ക്കാ​ർ മു​ന്നോ​ട്ടു​വെ​ച്ച സു​ര​ക്ഷ മാ​ർ​ഗ​നി​ർ​ദേ​ശ​ങ്ങ​ൾ പാ​ലി​ച്ച്​ ഏ​താ​നും മാ​സം സ​ര്‍വി​സ് ന​ട​ത്തി. ഡ്രൈ​വ​ര്‍ കാ​ബി​ന്‍ വേ​ര്‍തി​രി​ച്ച് സാ​നി​റ്റൈ​സ​ര്‍ ഉ​ള്‍പ്പെ​ടെ ക്ര​മീ​ക​ര​ണ​ങ്ങ​ള്‍ ബ​സു​ക​ളി​ല്‍ ഏ​ര്‍പ്പെ​ടു​ത്തി​യി​രു​ന്നു. എ​ന്നാ​ല്‍, യാ​ത്ര​ക്കാ​രു​ടെ കു​റ​വു​മൂ​ലം സ​ര്‍വി​സു​ക​ള്‍ ന​ഷ്​​ട​​ത്തി​ലാ​യ​തോ​ടെ ബ​സു​ക​ള്‍ പ​ല​തും ജി-​ഫോം ന​ല്‍കി ഷെ​ഡി​ൽ ക​യ​റ്റി​യി​ട്ടു.

വേ​ണം, സ​ർ​ക്കാ​ർ ഇ​ട​പെ​ട​ൽ

ക​ഴി​ഞ്ഞ വ​ർ​ഷ​ത്തെ ലോ​ക്​​ഡൗ​ണി​ന്​ ശേ​ഷം യാ​ത്ര​ക്കാ​രു​ടെ എ​ണ്ണം പ​രി​മി​ത​പ്പെ​ടു​ത്തി​യും മ​റ്റും സ​ര്‍വി​സു​ക​ള്‍ പൂ​ര്‍ണ​മാ​യും പു​ന​രാ​രം​ഭി​ച്ച് ന​ഷ്​​ട​ത്തി​ല്‍നി​ന്ന്​ മെ​ല്ലെ ക​ര​ക​യ​റു​ന്ന​തി​നി​ടെ​യാ​ണ് വീ​ണ്ടും ലോ​ക്​​ഡൗ​ൺ എ​ത്തു​ന്ന​ത്. ക​ഴി​ഞ്ഞ ലോ​ക്​​ഡൗ​ൺ കാ​ല​ത്ത്​ സ​ർ​ക്കാ​ർ ഒ​മ്പ​ത്​ മാ​സ​ത്തെ നി​കു​തി ഒ​ഴി​വാ​ക്കി​യി​രു​ന്നു.

ഇ​ത്ത​വ​ണ​യും ഇ​ത്ത​രം ഇ​ട​പെ​ട​ലു​ക​ൾ വേ​ണ​മെ​ന്നാ​ണ്​ ബ​സു​ട​മ​ക​ളു​ടെ ആ​വ​ശ്യം. ലോ​ക്​​ഡൗ​ൺ ക​ഴി​ഞ്ഞാ​ലും യാ​ത്ര​ക്കാ​ർ വ​ർ​ധി​ക്കാ​നു​ള്ള സാ​ഹ​ച​ര്യ​മി​ല്ല.

അ​നി​യ​ന്ത്രി​ത​മാ​യ ഡീ​സ​ൽ വി​ല വ​ർ​ധ​ന​യും വെ​ല്ലു​വി​ളി ഉ​യ​ർ​ത്തു​ന്നു. ഡീ​സ​ലി​ന്​ സ​ബ്​​സി​ഡി വേ​ണ​മെ​ന്ന ആ​വ​ശ്യം പ​ല​ത​വ​ണ ഉ​ന്ന​യി​ച്ചെ​ങ്കി​ലും ഫ​ലം​ക​ണ്ടി​ല്ല. പ്ര​തി​സ​ന്ധി​യി​ലാ​യ സ്വ​കാ​ര്യ ബ​സ്​ വ്യ​വ​സാ​യ​ത്തെ ര​ക്ഷി​ക്കാ​ൻ സ​ർ​ക്കാ​ർ ഇ​ട​പെ​ട​ണ​മെ​ന്ന്​ പ്രൈ​വ​റ്റ്​ ബ​സ്​ ​ഓ​ണോ​ഴ്​​സ്​ അ​സോ. ജി​ല്ല പ്ര​സി​ഡ​ൻ​റ്​ കെ.​കെ. തോ​മ​സ്, സെ​ക്ര​ട്ട​റി കെ.​കെ. അ​ജി​ത്​​കു​മാ​ർ എ​ന്നി​വ​ർ പ​റ​ഞ്ഞു.