തൊ​ഴി​ലാ​ളി​ക​ളെ കു​ത്തി​നി​റ​ച്ച് പ​റ​ന്നാ​ൽ പി​ടി​വീ​ഴും; മു​ന്ന​റി​യി​പ്പു​മാ​യി പൊ​ലീ​സ്​

കു​മ​ളി: തോ​ട്ടം തൊ​ഴി​ലാ​ളി​ക​ളെ കു​ത്തി​നി​റ​ച്ച് വാ​ഹ​ന​ങ്ങ​ളു​മാ​യി മ​ര​ണ​പ്പാ​ച്ചി​ൽ ന​ട​ത്തു​ന്ന​വ​ർ​ക്കെ​തി​രെ മു​ന്ന​റി​യി​പ്പു​മാ​യി പൊ​ലീ​സ്. അ​മി​ത വേ​ഗ​ത്തി​ൽ വാ​ഹ​ന​ങ്ങ​ൾ ഓ​ടി അ​പ​ക​ട​ങ്ങ​ൾ ഉ​ണ്ടാ​യ​തോ​ടെ നാ​ട്ടു​കാ​ർ പ്ര​തി​ഷേ​ധ​ത്തി​നി​റ​ങ്ങാ​ൻ സാ​ധ്യ​ത​യേ​റി​യ​തോ​ടെ​യാ​ണ് പൊ​ലീ​സ്​ ന​ട​പ​ടി​ക​ളു​മാ​യി രം​ഗ​ത്തി​റ​ങ്ങി​യ​ത്.

ജി​ല്ല​യി​ലെ ഏ​ലം തോ​ട്ടം മേ​ഖ​ല​യി​ലേ​ക്ക് തൊ​ഴി​ലാ​ളി​ക​ളെ വാ​ഹ​ന​ങ്ങ​ളി​ൽ കു​ത്തി​നി​റ​ച്ച് അ​മി​ത വേ​ഗ​ത്തി​ൽ വാ​ഹ​ന​ങ്ങ​ൾ പാ​യു​ന്ന​ത് വ്യാ​പ​ക പ​രാ​തി​ക്കി​ട​യാ​ക്കി​യി​രു​ന്നു. ഇ​തേ തു​ട​ർ​ന്ന് ത​മി​ഴ്നാ​ട്ടി​ലെ വാ​ഹ​ന ഉ​ട​മ​ക​ളെ​യും ഡ്രൈ​വ​ർ​മാ​രെ​യും കു​മ​ളി​യി​ൽ വി​ളി​ച്ചു​വ​രു​ത്തി​യാ​ണ് മു​ന്ന​റി​യി​പ്പ്​ ന​ൽ​കി​യ​ത്.

കു​മ​ളി ഇ​ൻ​സ്പെ​ക്ട​ർ ജോ​ബി​ൻ ആ​ന്‍റ​ണി​യു​ടെ നേ​തൃ​ത്വ​ത്തി​ൽ വ്യാ​പാ​ര​ഭ​വ​നി​ൽ ന​ട​ന്ന കൂ​ടി​ക്കാ​ഴ്ച യോ​ഗ​ത്തി​ൽ തേ​നി ജി​ല്ല​യി​ൽ​നി​ന്നു​ള്ള 120ഓ​ളം ഡ്രൈ​വ​ർ​മാ​ർ പ​ങ്കെ​ടു​ത്തു.

വാ​ഹ​ന​ങ്ങ​ളി​ൽ നി​യ​മ​പ്ര​കാ​ര​മു​ള്ള എ​ണ്ണം ആ​ളു​ക​ളെ മാ​ത്ര​മേ ക​യ​റ്റാ​ൻ പാ​ടു​ള്ളൂ​വെ​ന്ന് പൊ​ലീ​സ്​ ക​ർ​ശ​ന നി​ർ​ദേ​ശം ന​ൽ​കി. ഡ്രൈ​വ​ർ​മാ​ർ ലൈ​സ​ൻ​സ്, വാ​ഹ​ന​ത്തി​ന്‍റെ രേ​ഖ​ക​ൾ, ഇ​ൻ​ഷു​റ​ൻ​സ് രേ​ഖ​ക​ൾ എ​ന്നി​വ കൃ​ത്യ​മാ​യി വാ​ഹ​ന​ങ്ങ​ളി​ൽ സൂ​ക്ഷി​ക്ക​ണം. കേ​ര​ള​ത്തി​ൽ നി​രോ​ധി​ക്ക​പ്പെ​ട്ട ല​ഹ​രി ഉ​ൽ​പ​ന്ന​ങ്ങ​ൾ, കീ​ട​നാ​ശി​നി​ക​ൾ എ​ന്നി​വ തൊ​ഴി​ലാ​ളി​ക​ൾ വ്യാ​പ​ക​മാ​യി ക​ട​ത്തു​ന്ന​താ​യി പൊ​ലീ​സ്​ പ​റ​ഞ്ഞു. ഇ​ത് ക​ർ​ശ​ന​മാ​യി പ​രി​ശോ​ധി​ക്കും. ഇ​ത്ത​രം സാ​ധ​ന​ങ്ങ​ൾ കൊ​ണ്ടു​വ​രു​ന്ന വാ​ഹ​ന​ങ്ങ​ൾ പി​ടി​ച്ചെ​ടു​ക്കും. അ​മി​ത​വേ​ഗം, തൊ​ഴി​ലാ​ളി​ക​ളെ കു​ത്തി​നി​റ​ക്ക​ൽ എ​ന്നീ കു​റ്റ​ങ്ങ​ൾ വ്യ​ക്ത​മാ​യാ​ൽ ഡ്രൈ​വ​ർ​ക്കും വാ​ഹ​ന ഉ​ട​മ​ക്കു​മെ​തി​രെ കേ​സെ​ടു​ക്കു​മെ​ന്നും ഇ​ൻ​സ്പെ​ക്ട​ർ മു​ന്ന​റി​യി​പ്പ് ന​ൽ​കി.

ത​മി​ഴ്നാ​ട്ടി​ലെ ഗൂ​ഡ​ല്ലൂ​ർ, ക​മ്പം, ചി​ന്ന​മ​നൂ​ർ, ഉ​ത്ത​മ​പാ​ള​യം എ​ന്നി​വി​ട​ങ്ങ​ളി​ൽ നി​ന്നാ​യി ഓ​രോ ദി​വ​സ​വും നൂ​റു​ക​ണ​ക്കി​ന് ജീ​പ്പും മ​റ്റ്​ വാ​ഹ​ന​ങ്ങ​ളി​ലാ​യാ​ണ്​ തൊ​ഴി​ലാ​ളി​ക​ൾ ഇ​ടു​ക്കി ജി​ല്ല​യു​ടെ വി​വി​ധ ഭാ​ഗ​ങ്ങ​ളി​ൽ എ​ത്തു​ന്ന​ത്.