പോക്സോ കേസ്: 41കാരന് കഠിന തടവും പിഴയും

ചെ​റു​തോ​ണി: ഒ​മ്പ​ത് വ​യ​സ്സു​കാ​രി​യോ​ട് ലൈം​ഗി​കാ​തി​ക്ര​മം ന​ട​ത്തി​യ കേ​സി​ൽ 41കാ​ര​ന്​ അ​ഞ്ചു​വ​ർ​ഷം ക​ഠി​ന ത​ട​വും 30,000 രൂ​പ പി​ഴ​യും. ഇ​ടു​ക്കി അ​തി​വേ​ഗ (പോ​ക്സോ) കോ​ട​തി​യു​ടെ അ​ധി​ക​ച്ചു​മ​ത​ല വ​ഹി​ക്കു​ന്ന ജ​ഡ്ജ് വി. ​മ​ഞ്ജു​വാ​ണ് പ്ര​തി​യെ ശി​ക്ഷി​ച്ച​ത്. ഇ​ടു​ക്കി സ്വ​ദേ​ശി ഗി​രീ​ഷി​നെ​യാ​ണ് കോ​ട​തി ശി​ക്ഷി​ച്ച​ത്. പി​ഴ ഒ​ടു​ക്കാ​ത്ത പ​ക്ഷം പ്ര​തി ആ​റു​മാ​സം അ​ധി​ക ത​ട​വ് അ​നു​ഭ​വി​ക്ക​ണം. കൂ​ടാ​തെ പെ​ൺ​കു​ട്ടി​ക്കു മ​തി​യാ​യ ന​ഷ്ട​പ​രി​ഹാ​രം ന​ൽ​കാ​നും ജി​ല്ല ലീ​ഗ​ൽ സ​ർ​വി​സ് അ​തോ​റി​റ്റി​യോ​ടും കോ​ട​തി ശി​പാ​ർ​ശ ചെ​യ്തു.

2024ൽ ​ഇ​ടു​ക്കി പൊ​ലീ​സ് ര​ജി​സ്റ്റ​ർ ചെ​യ്ത് അ​ന്വേ​ഷ​ണം ന​ട​ത്തി അ​ന്ന​ത്തെ ഇ​ൻ​സ്‌​പെ​ക്ട​ർ സ​ന്തോ​ഷ്‌ സ​ജീ​വ് അ​ന്തി​മ റി​പ്പോ​ർ​ട്ട്‌ ന​ൽ​കി​യ കേ​സി​ൽ സീ​നി​യ​ർ സി.​പി.​ഒ പി.​കെ. ആ​ശ പ്രോ​സി​ക്യൂ​ഷ​ൻ ന​ട​പ​ടി​ക​ൾ ഏ​കോ​പി​പ്പി​ച്ചു. പ്രോ​സി​ക്യൂ​ഷ​നു വേ​ണ്ടി സ്പെ​ഷ​ൽ പ​ബ്ലി​ക് പ്രോ​സി​ക്യൂ​ട്ട​ർ അ​ഡ്വ. ഷി​ജോ​മോ​ൻ ജോ​സ​ഫ് ഹാ​ജ​രാ​യി.