പ്ലാസ്റ്റിക് നിരോധനം പാളി; ഹൈറേഞ്ച് മാലിന്യക്കൂമ്പാരം

പീ​രു​മേ​ട്: നി​രോ​ധി​ച്ച പ്ലാ​സ്റ്റി​ക് ഉ​ൽ​പ​ന്ന​ങ്ങ​ളു​ടെ വി​ൽ​പ​ന തു​ട​രു​ന്നു. ക്യാ​രി​ബാ​ഗു​ക​ൾ, ക​പ്പു​ക​ൾ, പേ​പ്പ​ർ പ്ലേ​റ്റു​ക​ൾ എ​ന്നി​വ​യാ​ണ് വ്യാ​പ​ക​മാ​യി വി​ൽ​ക്ക​പ്പെ​ടു​ന്ന​ത്. വ്യാ​പാ​ര സ്ഥാ​പ​ന​ങ്ങ​ളി​ലും വ​ഴി​യോ​ര​ക്ക​ച്ച​വ​ടം ന​ട​ത്തു​ന്ന​വ​രും വാ​ഹ​ന​ങ്ങ​ളി​ൽ മ​ത്സ്യം, പ​ഴ​വ​ർ​ഗ​ങ്ങ​ൾ, പ​ച്ച​ക്ക​റി​ക​ൾ എ​ന്നി​വ വി​ൽ​ക്കു​ന്ന​വ​രും നി​രോ​ധി​ച്ച ക്യാ​രി​ബാ​ഗു​ക​ൾ ന​ൽ​കു​ന്നു.

പീ​രു​മേ​ട്, ഏ​ല​പ്പാ​റ, പെ​രു​വ​ന്താ​നം, വ​ണ്ടി​പ്പെ​രി​യാ​ർ ഗ്രാ​മ​പ​ഞ്ചാ​യ​ത്തു​ക​ളു​ടെ പ​രി​ധി​യി​ലാ​ണ് വി​ൽ​പ​ന ന​ട​ക്കു​ന്ന​ത്. നി​രോ​ധി​ത ഉ​ൽ​പ​ന്ന​ങ്ങ​ൾ വി​ൽ​ക്കു​ന്ന​ത് ത​ട​യാ​ൻ ന​ട​പ​ടി​യി​ല്ല. ക​ട്ട​പ്പ​ന, പെ​രു​വ​ന്താ​നം, മു​ണ്ട​ക്ക​യം എ​ന്നി​വി​ട​ങ്ങ​ളി​ൽ​നി​ന്ന് വാ​ഹ​ന​ത്തി​ൽ വി​ത​ര​ണ​ത്തി​നെ​ത്തു​ന്ന​വ​രാ​ണ് ക​ട​ക​ളി​ൽ എ​ത്തി​ക്കു​ന്ന​ത്. റോ​ഡ് വ​ക്കി​ൽ മ​ദ്യ​പി​ക്കു​ന്ന​വ​ർ പ്ലാ​സ്റ്റി​ക്​ ക​പ്പു​ക​ൾ റോ​ഡ് വ​ക്കി​ൽ ഉ​പേ​ക്ഷി​ക്കു​ക​യാ​ണ്​ പ​തി​വ്. ഇ​തി​ൽ മ​ഴ​വെ​ള്ളം നി​റ​ഞ്ഞ്​ കൊ​തു​കു​ക​ളും വ​ള​രു​ന്നു.

ഞാ​യ​റാ​ഴ്ച ഡ്രൈ​ഡേ ആ​ച​രി​ച്ച് മ​ഴ​ക്കാ​ല ശു​ചീ​ക​ര​ണം ന​ട​ത്താ​ൻ ക​ല​ക്ട​ർ നി​ർ​ദേ​ശി​ച്ചി​ട്ടു​ണ്ട്. എ​ന്നാ​ൽ, നി​രോ​ധി​ത പ്ലാ​സ്റ്റി​ക് ഉ​ൽ​പ​ന്ന​ങ്ങ​ളു​ടെ വി​ൽ​പ​ന ത​ട​യാ​തെ പൊ​തു​സ്ഥ​ലം വൃ​ത്തി​യാ​ക്കി​യാ​ലും വീ​ണ്ടും പ്ലാ​സ്റ്റി​ക് മാ​ലി​ന്യം നി​റ​യു​മെ​ന്ന​താ​ണ്​ സ്ഥി​തി.