സ്വകാര്യ ബസുകളിലെ മൈ ബസ് പ്രീപെയ്​ഡ്‌ കാർഡുകൾ തിരിച്ചെത്തി

പീ​രു​മേ​ട്: സ്വ​കാ​ര്യ ബ​സു​ക​ളി​ലെ മൈ ​ബ​സ് പ്രീ​പെ​യ്ഡ് കാ​ർ​ഡു​ക​ൾ ജ​നു​വ​രി ഒ​ന്നു മു​ത​ൽ വീ​ണ്ടും തു​ട​ങ്ങി. റി​സ​ർ​വ് ബാ​ങ്ക്​ നി​ർ​ദേ​ശ​ത്തെ തു​ട​ർ​ന്ന് ആ​ഗ​സ്റ്റ് മു​ത​ലാ​ണ് കാ​ർ​ഡ് നി​ർ​ത്ത​ലാ​ക്കി​യ​ത്. പൊ​തു​ജ​ന​ങ്ങ​ളി​ൽ​നി​ന്ന് മു​ൻ​കൂ​ർ പ​ണം സ്വീ​ക​രി​ക്കാ​ൻ റി​സ​ർ​വ് ബാ​ങ്കി​ന്‍റെ അ​നു​മ​തി​യി​ല്ലാ​ത്ത​തും ബാ​ങ്കി​ങ് ച​ട്ടം ലം​ഘി​ച്ച​തു​മാ​യി റി​സ​ർ​വ് ബാ​ങ്ക് ക​ണ്ടെ​ത്തി​യ​തി​നെ തു​ട​ർ​ന്ന് പ്ര​വ​ർ​ത്ത​നം അ​വ​സാ​നി​പ്പി​ക്കാ​ൻ നി​ർ​ദേ​ശം ന​ൽ​കു​ക​യാ​യി​രു​ന്നു.

ഇ​ടു​ക്കി, കോ​ട്ട​യം, പ​ത്ത​നം​തി​ട്ട, എ​റ​ണാ​കു​ളം ജി​ല്ല​ക​ളി​ൽ സ​ർ​വി​സ് ന​ട​ത്തു​ന്ന സ്വ​കാ​ര്യ ബ​സു​ക​ളു​ടെ കൂ​ട്ടാ​യ്മ ച​ങ്ങ​നാ​ശ്ശേ​രി കേ​ന്ദ്രീ​ക​രി​ച്ച് മൈ ​ബ​സ് യു​ണൈ​റ്റ​ഡ് സ​ർ​വി​സ് ലി​മി​റ്റ​ഡ് ല​യ​ബി​ലി​റ്റി പാ​ർ​ട്ണ​ർ​ഷി​പ് എ​ന്ന ക​മ്പ​നി രൂ​പ​വ​ത്​​ക​രി​ക്കു​ക​യാ​യി​രു​ന്നു. 80 ഉ​ട​മ​ക​ളി​ൽ 40 പേ​രാ​ണ് പാ​ർ​ട്ണ​ർ​മാ​രാ​യി ഉ​ണ്ടാ​യി​രു​ന്ന​ത്.

പാ​ർ​ട്​​ണ​ർ​മാ​രു​ടെ ബ​സു​ക​ളി​ൽ മാ​ത്രം കാ​ർ​ഡ് ന​ൽ​കാ​ൻ റി​സ​ർ​വ് ബാ​ങ്ക് അ​നു​മ​തി ന​ൽ​കി. പി​ന്നീ​ട്​ പാ​ർ​ട്ണ​ർ​മാ​രാ​യി ഇ​ല്ലാ​തി​രു​ന്ന​വ​രെ​യും ഉ​ൾ​പ്പെ​ടു​ത്തി ഭേ​ദ​ഗ​തി ചെ​യ്ത് ക​മ്പ​നി റി​സ​ർ​വ് ബാ​ങ്കി​ന് റി​പ്പോ​ർ​ട്ട് ന​ൽ​കി. കാ​ർ​ഡ് സം​വി​ധാ​ന​ത്തി​ൽ ച​ട്ടം ലം​ഘി​ച്ച​തി​ന് പി​ഴ​യൊ​ടു​ക്കു​ക​യും ചെ​യ്താ​ണ് വീ​ണ്ടും അ​നു​മ​തി നേ​ടി​യെ​ടു​ത്ത​ത്. പ്രീ​പെ​യ്ഡ് കാ​ർ​ഡി​ൽ 100 രൂ​പ​യും നൂ​റി​ന്‍റെ ഗു​ണി​ത​ങ്ങ​ളു​മാ​യി റീ​ചാ​ർ​ജ് ചെ​യ്യാ​ൻ സാ​ധി​ക്കും. 15 ശ​ത​മാ​നം ഇ​ള​വും ല​ഭി​ക്കും.