പെരിയാർ കടുവ സങ്കേതത്തിൽനിന്ന്​ ചന്ദനം വെട്ടിക്കടത്തി; നാലുപേർ അറസ്റ്റിൽ

കു​മ​ളി: പെ​രി​യാ​ർ ക​ടു​വ സ​ങ്കേ​ത​ത്തി​ലെ തേ​ക്ക​ടി റേ​ഞ്ചി​ൽ ശ​കു​ന്ത​ള​ക്കാ​ട് ഭാ​ഗ​ത്തു​നി​ന്ന്​ ര​ണ്ട് ച​ന്ദ​ന​മ​രം മു​റി​ച്ചു​ക​ട​ത്തി. ഏ​ക​ദേ​ശം 50 കി​ലോ തൂ​ക്കം വ​രു​ന്ന ച​ന്ദ​ന​മാ​ണ് മോ​ഷ്ടാ​ക്ക​ൾ ക​ട​ത്തി​യ​ത്. നീ​ണ്ട ഇ​ട​വേ​ള​ക്കു​ശേ​ഷ​മാ​ണ് തേ​ക്ക​ടി​യി​ൽ ച​ന്ദ​ന​മോ​ഷ​ണം ന​ട​ക്കു​ന്ന​ത്.

സം​ഭ​വ​വു​മാ​യി ബ​ന്ധ​പ്പെ​ട്ട് കു​മ​ളി മ​ന്നാ​ക്കു​ടി ആ​ദി​വാ​സി കോ​ള​നി​യി​ലെ ബി​നോ​യ് (23), വി​ഷ്ണു (27), ശ്യാം (23) ​മാ​ങ്കു​ളം, താ​ളു​ക​ണ്ടം സ്വ​ദേ​ശി ഉ​ണ്ണി (25) എ​ന്നി​വ​രെ തേ​ക്ക​ടി റേ​ഞ്ച് ഓ​ഫി​സ​ർ അ​ഖി​ൽ ബാ​ബു, ഡെ​പ്യൂ​ട്ടി റേ​ഞ്ച് ഓ​ഫി​സ​ർ ര​ഞ്ജി​ത് എ​ന്നി​വ​രു​ടെ നേ​തൃ​ത്വ​ത്തി​ലു​ള്ള വ​ന​പാ​ല​ക സം​ഘം അ​റ​സ്റ്റ്​ ചെ​യ്തു. മാ​ങ്കു​ള​ത്തു​നി​ന്ന്​ കു​മ​ളി​യി​ൽ വി​വാ​ഹം ചെ​യ്ത പെ​ങ്ങ​ളു​ടെ വീ​ട്ടി​ൽ താ​മ​സി​ച്ച് കൂ​ലി​പ്പ​ണി​ക്കു പോ​കു​ക​യാ​യി​രു​ന്നു അ​റ​സ്റ്റി​ലാ​യ ഉ​ണ്ണി. ഇ​തി​നി​ട​യാ​യി​രു​ന്നു മോ​ഷ​ണം.

ബു​ധ​നാ​ഴ്ച രാ​ത്രി​യാ​ണ് സം​ഘം ശ​കു​ന്ത​ള​ക്കാ​ട്ടി​ൽ​നി​ന്ന്​ ച​ന്ദ​ന​മ​ര​ങ്ങ​ൾ മു​റി​ച്ച​ത്. മ​ര​ങ്ങ​ളു​ടെ വേ​ര് സ​ഹി​തം പി​ഴു​തെ​ടു​ക്കു​ക​യാ​യി​രു​ന്നു. ഇ​വ​ർ ക​ട​ത്തി​യ ച​ന്ദ​ന​മ​ര​ങ്ങ​ളി​ൽ 25 കി​ലോ​യോ​ളം പ്ര​തി​യാ​യ ബി​നോ​യി​യു​ടെ വീ​ട്ടി​ൽ​നി​ന്ന്​ ക​ണ്ടെ​ടു​ത്തു. ശേ​ഷി​ച്ച 25 കി​ലോ ച​ന്ദ​നം ഇ​വ​രി​ൽ​നി​ന്ന്​ വാ​ങ്ങി​യ റോ​സാ​പ്പൂ​ക്ക​ണ്ടം സ്വ​ദേ​ശി അ​ബ്ദു​ൽ സ​ലാം ഒ​ളി​വി​ലാ​ണ്.

കി​ലോ​ക്ക്​ 2500 രൂ​പ നി​ര​ക്കി​ലാ​ണ് പ്ര​തി​ക​ൾ ച​ന്ദ​നം വി​റ്റ​ത്. ഇ​വ ചെ​റി​യ ക​ഷ​ണ​ങ്ങ​ളാ​ക്കി വ്യാ​പാ​ര​സ്ഥാ​പ​ന​ങ്ങ​ൾ വ​ഴി വി​ൽ​ക്കു​ക​യാ​ണ് പ​തി​വെ​ന്ന് പ്ര​തി​ക​ൾ വ​ന​പാ​ല​ക​രോ​ട് പ​റ​ഞ്ഞു. അ​റ​സ്റ്റി​ലാ​യ പ്ര​തി​ക​ളെ പീ​രു​മേ​ട് കോ​ട​തി റി​മാ​ൻ​ഡ്​ ചെ​യ്തു.