മുക്കുപണ്ടം പണയംവെച്ച് ഒന്നരലക്ഷം തട്ടി: രണ്ടുപേർ അറസ്റ്റിൽ

കു​മ​ളി: സ്വ​കാ​ര്യ പ​ണ​മി​ട​പാ​ട് സ്ഥാ​പ​ന​ത്തി​ൽ മു​ക്കു​പ​ണ്ടം പ​ണ​യം​വെ​ച്ച് ഒ​ന്ന​ര​ല​ക്ഷ​ത്തോ​ളം രൂ​പ ത​ട്ടി​യെ​ടു​ത്ത കേ​സി​ൽ ര​ണ്ടു​പേ​രെ കു​മ​ളി പൊ​ലീ​സ് അ​റ​സ്റ്റ് ചെ​യ്തു. കു​മ​ളി അ​മ​രാ​വ​തി ക​ണി​മ​റ്റ​ത്തി​ൽ ര​ഞ്ജു​മോ​ൻ (40) നാ​ലാം​മൈ​ൽ കു​മ്മ​ണ്ണൂ​ർ പ​റ​മ്പി​ൽ ബി​ജോ​യ് (41) എ​ന്നി​വ​രാ​ണ് പി​ടി​യി​ലാ​യ​ത്.

കു​മ​ളി ഒ​ന്നാം​മൈ​ലി​ലെ സ്വ​കാ​ര്യ പ​ണ​മി​ട​പാ​ട് സ്ഥാ​പ​ന​ത്തി​ൽ അ​ഞ്ചു​മാ​സം മു​മ്പ് 34.950 ഗ്രാം ​ആ​ഭ​ര​ണം പ​ണ​യം​വെ​ച്ച് പ്ര​തി​ക​ൾ 1.45 ല​ക്ഷം രൂ​പ കൈ​പ്പ​റ്റി​യ​താ​യി പൊ​ലീ​സ് പ​റ​ഞ്ഞു.ആ​ഭ​ര​ണം തി​രി​കെ​യെ​ടു​ക്കാ​തി​രു​ന്ന​തോ​ടെ സം​ശ​യം​തോ​ന്നി പ​രി​ശോ​ധി​ച്ച​പ്പോ​ഴാ​ണ് മു​ക്കു​പ​ണ്ട​മാ​ണെ​ന്ന് വ്യ​ക്ത​മാ​യ​ത്. ഇ​തി​നെ തു​ട​ർ​ന്ന് മാ​നേ​ജ​ർ അ​ന്ന​മ്മ ജോ​സ​ഫ് കു​മ​ളി പൊ​ലീ​സി​ൽ പ​രാ​തി ന​ൽ​കു​ക​യാ​യി​രു​ന്നു.

ഇ​ൻ​സ്പെ​ക്ട​ർ ടി.​ഡി. സു​നി​ൽ​കു​മാ​ർ, എ​സ്.​ഐ സ​ലീം രാ​ജ് എ​ന്നി​വ​രു​ടെ നേ​തൃ​ത്വ​ത്തി​ൽ ന​ട​ത്തി​യ അ​ന്വേ​ഷ​ണ​ത്തി​ലാ​ണ് പ്ര​തി​ക​ൾ പി​ടി​യി​ലാ​യ​ത്. പീ​രു​മേ​ട് കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ്​ ചെ​യ്തു.