ഇല്ല, മായില്ല ആ കുടിയിരുത്തൽ കാലം...

നെ​ടു​ങ്ക​ണ്ടം: ഓ​ർ​മ​ക​ൾ പ​ല​യി​ട​ത്തും മാ​ഞ്ഞു തു​ട​ങ്ങി​യെ​ങ്കി​ലും 99 വ​യ​സ്സു​ള്ള മാ​ധി​ക്കു​ട്ടി​യ​മ്മ​ക്ക്​ കാ​ട്ടു​ജീ​വി​ക​ളു​മാ​യി മ​ല്ല​ടി​ച്ചും ട്ര​ഞ്ചു​ക​ളി​ലൊ​ളി​ച്ചും ക​ഴി​ഞ്ഞ ആ ​കാ​ലം ഇ​​പ്പോ​ഴും ഒ​ളി​മ​ങ്ങാ​തെ മു​ന്നി​ലു​ണ്ട്.

പ​ട്ടം കോ​ള​നി​യു​ടെ സ​പ്ത​തി ആ​ഘോ​ഷ​ങ്ങ​ൾ​ക്ക്​ തി​ങ്ക​ളാ​ഴ്ച തു​ട​ക്ക​മാ​വു​മ്പോ​ൾ ഏ​ഴ്​ പ​തി​റ്റാ​ണ്ട്​ മു​മ്പ്​ പ​ട്ടം കോ​ള​നി​യി​ൽ കു​ടി​യി​രു​ത്ത​പ്പെ​ട്ട​വ​രി​ലെ ആ​ദ്യ പ​ട്ട​യ​ക്കാ​രി​യാ​യ മാ​ധ​വി​ക്കു​ട്ടി​യ​മ്മ​ക്ക്​ ആ ​കാ​ലം അ​ങ്ങ​നെ​യ​ങ്ങ്​ മ​റ​ക്കാ​നാ​വി​ല്ല. ആ ​ഓ​ർ​മ​ക​ളാ​ണ്​ രാ​മ​ക്ക​ല്‍മേ​ട് കോ​മ്പ​മു​ക്ക് ബ്ലോ​ക് ന​മ്പ​ര്‍ 805ല്‍ ​താ​മ​സി​ക്കു​ന്ന മാ​ധ​വി​ക്കു​ട്ടി​യു​ടെ ജീ​വി​തം. മാ​ധ​വി​ക്കു​ട്ടി​യ​മ്മ കു​ടി​യേ​റ്റ​ക്കാ​രി​യ​ല്ല, അ​വ​രെ കു​ടി​യി​രു​ത്തി​യ​താ​ണ്. കൊ​ല്ലം ജി​ല്ല​യി​ലെ വ​ള്ളി​ക്കാ​വ് ക്ലാ​പ്പ​ന​യി​ലാ​യി​രു​ന്നു മാ​ധ​വി​ക്കു​ട്ടി​യ​മ്മ​യു​ടെ അ​ച്ഛ​ൻ സി. ​ശ​ങ്ക​ര​പി​ള്ള​യു​ടെ വീ​ട്. ഏ​ഴ്​ പ​തി​റ്റാ​ണ്ട്​ മു​മ്പ്​ മു​ഖ്യ​മ​ന്ത്രി​യാ​യി​രു​ന്ന പ​ട്ടം താ​ണു​പി​ള്ള അ​ഞ്ചേ​ക്ക​ർ വീ​തം സ്ഥ​ലം ന​ൽ​കു​ന്നു​ന്നെ പ​ത്ര​പ​ര​സ്യം ക​ണ്ട്​ അ​ദ്ദേ​ഹം അ​പേ​ക്ഷ ന​ൽ​കി. സ്ഥ​ലം കി​ട്ടി​യ​പ്പോ​ൾ ശ​ങ്ക​ര​പ്പി​ള്ള അ​ത്​ മ​ക​ളു​ടെ പേ​രി​ൽ എ​​ഴു​തി വാ​ങ്ങി.

അ​ന്ന് ദേ​വി​കു​ള​ത്താ​ണ്​ പ​ട്ട​യ വി​ത​ര​ണം ന​ട​ന്ന​ത്. ര​ണ്ടു​മൂ​ന്ന് ത​വ​ണ ദേ​വി​കു​ള​ത്ത് പോ​യ​താ​യും ഓ​ര്‍ക്കു​ന്നു. അ​ങ്ങ​നെ പ​ട്ടം കോ​ള​നി​യി​ൽ പ​ട്ട​യം കി​ട്ടി​യ ആ​ദ്യ വ​നി​ത മാ​ധ​വി​ക്കു​ട്ടി​യാ​യി. 6.73 ഏ​ക്ക​ർ സ്ഥ​ല​മാ​ണ്​ അ​ന്ന്​ കി​ട്ടി​യ​ത്. പ​ട്ടി​ണി ക​ടു​ത്ത​പ്പോ​ൾ കു​റേ സ്ഥ​ലം കി​ട്ടി​യ വി​ല​ക്ക്​ ഭ​ർ​ത്താ​വ്​ വി​റ്റു.

കാ​ട്ടാ​ന ശ​ല്യം അ​ന്നും രൂ​ക്ഷ​മാ​യി​രു​ന്നു. പ​ല​രും ആ​ന​ശ​ല്യ​വും പ​ട്ടി​ണി​യും കാ​ര​ണം സ്ഥ​ലം ഉ​പേ​ക്ഷി​ച്ചു പോ​യി. ആ ​സ്ഥ​ല​മൊ​ക്കെ പ​ല​രും കൈ​ക്ക​ലാ​ക്കി. അ​ന്നൊ​ക്കെ എ​​ന്തോ​രം സ്ഥ​ലം വേ​ണ​മെ​ങ്കി​ലും കൈ​വ​ശ​മാ​ക്കാ​മാ​യി​രു​ന്നു​വെ​ന്ന്​ മാ​ധ​വി​ക്കു​ട്ടി​യ​മ്മ പ​റ​യു​ന്നു. അ​ന്ന്​ മ​നു​​ഷ്യ​രൊ​ക്കെ ന​ല്ല യോ​ജി​പ്പി​ലാ​യി​രു​ന്നു. ആ​ന വ​രു​മ്പോ​ൾ മ​റ്റു​ള്ള​വ​രോ​ടും വി​ളി​ച്ച് പ​റ​യും.

പ​ന്തം കൊ​ളു​ത്തി എ​ല്ലാ​വ​രും ഒ​ത്തു​കൂ​ടി ആ​ന​യെ ഓ​ടി​ക്കും. ഏ​റു​മാ​ടം കെ​ട്ടി താ​മ​സി​ച്ച​തും അ​ന്ന​ത്തെ മ​ഴ​യെ​പ്പ​റ്റി​യും ചെ​ള്ളു​ക​ള്‍ ഉ​ണ്ടാ​യി​രു​ന്ന​തും പു​ല്ല് പെ​ര വെ​ച്ച​തും എ​ല്ലാം മാ​യാ​ത്ത ഓ​ര്‍മ​യാ​യി ഇ​പ്പോ​ഴും മാ​ധി​ക്കു​ട്ടി​യി​ലു​ണ്ട്. അ​ഞ്ചു​മ​ക്ക​ളി​ല്‍ ര​ണ്ട് പേ​ര്‍ മ​രി​ച്ചു​പോ​യി. നാ​ലാ​മ​ത്തെ മ​ക​ള്‍ ല​ക്ഷ്മി​യോ​ടൊ​പ്പ​മാ​ണ് ഇ​പ്പോ​ള്‍ താ​മ​സം.

ജി​ല്ല​യു​ടെ മ​റ്റ് മേ​ഖ​ല​ക​ളി​ലേ​ക്ക് കു​ടി​യേ​റ്റ​മാ​ണു​ണ്ടാ​യ​തെ​ങ്കി​ല്‍ പ​ട്ടം​കോ​ള​നി​യി​ല്‍ ന​ട​ന്ന​ത് കു​ടി​യി​രു​ത്ത​ലാ​യി​രു​ന്നു. ഈ ​മേ​ഖ​ല​യി​ലെ കു​ടും​ബ​ങ്ങ​ളെ വീ​ട്ടു​പേ​രി​നു പ​ക​രം ബ്ലോ​ക് ന​മ്പ​റി​ലാ​ണ് അ​റി​യ​പ്പെ​ടു​ന്ന​ത്. തി​രു-​കൊ​ച്ചി സ​ര്‍ക്കാ​ര്‍ പ​ത്ര പ​ര​സ്യ​ത്തി​ലൂ​ടെ അ​ര്‍ഹ​രെ തെ​ര​ഞ്ഞെ​ടു​ത്ത് ഒ​രാ​ള്‍ക്ക് അ​ഞ്ചേ​ക്ക​ര്‍ സ്ഥ​ല​വും 1000 രൂ​പ വാ​യ്പ​യും പ​ണി​യാ​യു​ധ​ങ്ങ​ളു​മാ​ണ് അ​നു​വ​ദി​ച്ച​ത്.