കാട്ടാനയെ തുരത്താനുള്ള സ്പെഷൽ ഡ്രൈവിലും ജില്ലക്ക് അവഗണന

പീ​രു​മേ​ട്: കാ​ട്ടാ​ന​ക​ളെ തു​ര​ത്താ​ൻ ആ​രം​ഭി​ച്ച സ്പെ​ഷ​ൽ ഡ്രൈ​വി​ലും ജി​ല്ല​ക്ക് അ​വ​ഗ​ണ​ന. കാ​ട്ടാ​ന ശ​ല്യം രൂ​ക്ഷ​മാ​യ സ്ഥ​ല​ങ്ങ​ളി​ൽ വ​നം വ​കു​പ്പ് ആ​രം​ഭി​ച്ച പ്ര​ത്യേ​ക സ്പെ​ഷ​ൽ ഡ്രൈ​വി​ലാ​ണ് ജി​ല്ല​യെ അ​വ​ഗ​ണി​ച്ച​ത്. സം​സ്ഥാ​ന​ത്തു​ത​ന്നെ ആ​ന​ശ​ല്യം രൂ​ക്ഷ​മാ​യ പീ​രു​മേ​ട്, പെ​രു​വ​ന്താ​നം ഗ്രാ​മ​പ​ഞ്ചാ​യ​ത്തു​ക​ളി​ൽ പ​ദ്ധ​തി ആ​രം​ഭി​ക്കാ​ത്ത​താ​ണ് വി​വാ​ദ​മാ​കു​ന്ന​ത്.

ര​ണ്ട് പ​ഞ്ചാ​യ​ത്തു​ക​ളി​ലും കാ​ട്ടാ​ന​യു​ടെ ആ​ക്ര​മ​ണ​ത്തി​ൽ അ​ടു​ത്ത​കാ​ല​ത്ത് ര​ണ്ട് വീ​ട്ട​മ്മ​മാ​ർ കൊ​ല്ല​പ്പെ​ട്ടി​രു​ന്നു. പ്ലാ​ക്ക​ത്ത​ടം സെ​റ്റി​ൽ​മെ​ന്‍റ്​ കോ​ള​നി​യി​ൽ 2016 മു​ത​ൽ ആ​ന​ശ​ല്യം രൂ​ക്ഷ​മാ​ണ്. ഇ​വി​ടെ 150 കു​ടും​ബ​ങ്ങ​ൾ ഭീ​തി​യി​ലാ​ണ്. കൃ​ഷി പൂ​ർ​ണ​മാ​യും ന​ശി​പ്പി​ച്ചു. തോ​ട്ടാ​പ്പു​ര-​ക​ച്ചേ​രി​ക്കു​ന്ന്-​സ​ർ​ക്കാ​ർ അ​ഥി​തി മ​ന്ദി​രം, കു​ട്ടി​ക്കാ​നം ക​ര​ണ്ട​ക​പ്പാ​റ-​ത​ട്ട​ത്തി​ക്കാ​നം, കൊ​ട്ടാ​രം പ​രി​സ​രം പാ​മ്പ​നാ​ർ, ക​ല്ലാ​ർ, അ​ഴു​ത​യാ​ർ എ​ന്നി​വി​ട​ങ്ങ​ളി​ലും ആ​ന​ശ​ല്യം രൂ​ക്ഷ​മാ​ണ്.

പെ​രു​വ​ന്താ​നം പ​ഞ്ചാ​യ​ത്തി​ലെ മ​ത​മ്പ-​ചെ​ന്നാ​പ്പാ​റ, ക​ണ​യ​ങ്ക​വ​യ​ൽ, പു​റ​ക്ക​യം മേ​ഖ​ല​ക​ളി​ലും ആ​ന​ക്കൂ​ട്ടം നാ​ശം വി​ത​ക്കു​ക​യാ​ണ്. ജ​നം ഭീ​തി​യി​ൽ ക​ഴി​യു​മ്പോ​ഴും വ​നം​വ​കു​പ്പ് നി​സ്സം​ഗ​ത​യി​ലാ​ണ്. ചെ​ന്നാ​പ്പാ​റ​യി​ൽ ആ​ന​ശ​ല്യ​ത്തെ തു​ട​ർ​ന്ന് പ്ര​ദേ​ശ​വാ​സി​ക​ൾ വീ​ടു​ക​ൾ ഒ​ഴി​യു​ന്ന സാ​ഹ​ച​ര്യ​മു​ണ്ട്. മേ​ഖ​ല​യി​ൽ പ​ക​ലും രാ​ത്രി​യും ആ​ന​ക​ൾ പൊ​തു​വ​ഴി​ക​ളി​ലും ഇ​റ​ങ്ങു​ന്നു​ണ്ട്. സ​ന്ധ്യ ക​ഴി​ഞ്ഞാ​ൽ വീ​ടി​ന് പു​റ​ത്തി​റ​ങ്ങാ​ൻ ഭ​യ​ക്കു​ന്ന സാ​ഹ​ച​ര്യ​മാ​ണ്. ആ​ളു​ക​ൾ പ​ട​ക്കം പൊ​ട്ടി​ച്ചും പാ​ട്ട​കൊ​ട്ടി​യും വീ​ടു​ക​ൾ​ക്ക് സ​മീ​പം വൈ​ദ്യു​തി ബ​ൾ​ബു​ക​ൾ സ്ഥാ​പി​ച്ച് പ്ര​കാ​ശം പ​ര​ത്തി​യും പ്ര​തി​രോ​ധം തീ​ർ​ക്കു​ക​യാ​ണ്.

ആ​ന​ശ​ല്യം നി​യ​ന്ത്രി​ക്ക​ണ​മെ​ന്നാ​വ​ശ്യ​പ്പെ​ട്ട് വി​വി​ധ പാ​ർ​ട്ടി​ക​ളു​ടെ നേ​തൃ​ത്വ​ത്തി​ൽ 2016 മു​ത​ൽ നി​ര​വ​ധി സ​മ​ര​ങ്ങ​ൾ ന​ട​ന്നു. എ​ന്നാ​ൽ, ആ​ന​ശ​ല്യ​വും മ​ര​ണ​ങ്ങ​ളും ജ​ന​കീ​യ പ്ര​ക്ഷോ​ഭ​ങ്ങ​ളും തു​ട​രു​മ്പോ​ഴും പെ​രു​വ​ന്താ​നം, പീ​രു​മേ​ട് പ​ഞ്ചാ​യ​ത്തി​ലെ ആ​ന ശ​ല്യം രൂ​ക്ഷ​മാ​യ മേ​ഖ​ല​ക​ളി​ൽ സ്പെ​ഷ​ൽ ഡ്രൈ​വ് ആ​രം​ഭി​ക്കാ​ൻ ത​യാ​റാ​കാ​ത്ത വ​നം വ​കു​പ്പ് ന​ട​പ​ടി​ക്കെ​തി​രെ പ്ര​തി​ഷേ​ധം ശ​ക്ത​മാ​യി​ട്ടു​ണ്ട്.

കാ​ട്ടാ​ന മൂ​ല​മു​ള്ള കൃ​ഷി​നാ​ശം, നി​ല​വി​ലെ സാ​ന്നി​ധ്യം എ​ന്നി​വ​യെ​ക്കു​റി​ച്ച് വ​നം വ​കു​പ്പി​ന്‍റെ റി​പ്പോ​ർ​ട്ട് പ​രി​ഗ​ണി​ച്ചാ​ണ് ആ​റ് സ്ഥ​ല​ങ്ങ​ളെ സ്പെ​ഷ​ൽ ഡ്രൈ​വി​ൽ ഉ​ൾ​പ്പെ​ടു​ത്തി​യ​ത്. ആ​റ​ളം, വ​യ​നാ​ട്, പാ​ല​ക്കാ​ട്, മ​ണ്ണാ​ർ​ക്കാ​ട്, മ​ല​യാ​റ്റൂ​ർ, കോ​ത​മം​ഗ​ലം എ​ന്നീ സ്ഥ​ല​ങ്ങ​ളി​ലാ​ണ് വ​നം വ​കു​പ്പ് പ​ദ്ധ​തി ആ​രം​ഭി​ച്ച​ത്.

ആ​ന​ക​ളെ നി​രീ​ക്ഷി​ക്കു​ക, തു​ര​ത്തു​ക, ഫെ​ൻ​സി​ങ് ഉ​ൾ​പ്പെ​ടെ​യു​ള്ള പ്ര​തി​രോ​ധ മാ​ർ​ഗ​ങ്ങ​ളു​ടെ പ്ര​വ​ർ​ത്ത​ന​ക്ഷ​മ​ത വി​ല​യി​രു​ത്തു​ക എ​ന്നി​വ​യാ​ണ് ഇ​തി​ലൂ​ടെ ന​ട​ത്തു​ന്ന​ത്. ഈ ​സ്ഥ​ല​ങ്ങ​ളി​ൽ വ​നം വ​കു​പ്പി​ന്‍റെ നി​രീ​ക്ഷ​ണം ശ​ക്ത​മാ​ക്കു​ക, ക​ൺ​ട്രോ​ൾ റൂം ​സ​ജ്ജ​മാ​യി​രി​ക്കു​ക, സൗ​രോ​ർ​ജ തൂ​ക്കു​വേ​ലി​ക​ൾ, വൈ​ദ്യു​തി​വേ​ലി എ​ന്നി​വ​യു​ടെ അ​റ്റ​കു​റ്റ​പ്പ​ണി കൃ​ത്യ​മാ​യി ന​ട​ത്തു​ക, മ​ര​ങ്ങ​ൾ വീ​ണ് വേ​ലി​യു​ടെ പ്ര​വ​ർ​ത്ത​നം ത​ക​രാ​റി​ലാ​കാ​തെ നി​രീ​ക്ഷി​ക്കു​ക എ​ന്നി​വ​യോ​ടൊ​പ്പം പ​ക​ലും രാ​ത്രി​യും ആ​ർ.​ആ​ർ.​ടി.​യു​ടെ സാ​ന്നി​ധ്യ​വും ഉ​ണ്ടാ​കു​മെ​ന്ന​താ​ണ് പ​ദ്ധ​തി​യു​ടെ പ്ര​ത്യേ​ക​ത.