വ​ഴി​യി​ല്ലാ​തെ വ​ല​യു​ന്ന ഗ്രാ​മ​ങ്ങ​ൾ

അ​ടി​മാ​ലി: ത​ന​താ​യ പൈ​തൃ​കം അ​വ​കാ​ശ​പ്പെ​ടാ​വു​ന്ന ആ​ദി​വാ​സി സ​മൂ​ഹം കൂ​ട്ട​ത്തോ​ടെ വ​സി​ക്കു​ന്ന വ​ട്ട​വ​ട പ​ഞ്ചാ​യ​ത്തി​ലെ ചി​ല​യി​ട​ങ്ങ​ളി​ൽ ഇ​പ്പോ​ഴും ഗ​താ​ഗ​ത​സൗ​ക​ര്യം അ​ന്യ​മാ​ണ്. റോ​ഡ്, വൈ​ദ്യു​തി, ആ​രോ​ഗ്യ, വി​ദ്യാ​ഭ്യാ​സ മേ​ഖ​ല​ക​ളി​ലെ​ല്ലാം അ​വ​ഗ​ണ​ന​യാ​ണ് പ്ര​ദേ​ശ​വാ​സി​ക​ൾ നേ​രി​ടു​ന്ന​ത്. പ​ല​യി​ട​ത്തും മ​ണ്‍റോ​ഡു​ക​ള്‍ മാ​ത്ര​മാ​ണ് ആ​ശ്ര​യം. ഇ​താ​ക​ട്ടെ വ​ള​രെ മോ​ശ​വും.

തൊ​ഴി​ലു​റ​പ്പ് ജോ​ലി​ക്കി​ടെ പ​രി​ക്കേ​റ്റ വ​യോ​ധി​ക​യെ മ​ര​ക്ക​മ്പി​ല്‍ തു​ണി​ത്തൊ​ട്ടി​ല്‍ ഉ​ണ്ടാ​ക്കി കി​ലോ​മീ​റ്റ​റു​ക​ള്‍ വ​ന​ത്തി​ലൂ​ടെ ചു​മ​ന്ന് ആ​ശു​പ​ത്രി​യി​ല്‍ എ​ത്തി​ച്ച സം​ഭ​വം ഒ​രു മാ​സം മു​മ്പാ​ണ്​ ന​ട​ന്ന​ത്. ഇ​ത് ഒ​റ്റ​പ്പെ​ട്ട സം​ഭ​വം അ​ല്ല. വി​ദൂ​ര​മേ​ഖ​ല​ക​ളി​ലെ ചി​ല പ്ര​ദേ​ശ​ങ്ങ​ളി​ൽ എ​ന്ത് അ​സു​ഖം വ​ന്നാ​ലും രോ​ഗി​യെ ചു​മ​ക്കു​ക​യ​ല്ലാ​തെ മ​റ്റ് മാ​ര്‍ഗ​മി​ല്ലാ​ത്ത​തി​നാ​ല്‍ നാ​ട്ടു​കാ​ര്‍ക്ക് ഒ​റ്റ​പ്പെ​ട്ട സം​ഭ​വ​വ​മ​ല്ലി​ത്.

സ്വാ​മി​യാ​ര്‍കു​ടി, വ​ത്സ​പ്പെ​ട്ടി​ക്കു​ടി, കൂ​ട​ലാ​ര്‍കു​ടി തു​ട​ങ്ങി​യ ഉ​ന്ന​തി​ക​ൾ അ​ടി​സ്ഥാ​ന സൗ​ക​ര്യ​ങ്ങ​ളു​ടെ അ​ഭാ​വ​ത്തി​ൽ വീ​ർ​പ്പു​മു​ട്ടു​ക​യാ​ണ്. ഇ​തി​ല്‍ കീ​ഴ്​​വ​ത്സ​പ്പെ​ട്ടി​ക്കു​ടി​വ​രെ സാ​ഹ​സി​ക​മാ​യി​ട്ടെ​ങ്കി​ലും വാ​ഹ​ന​ങ്ങ​ള്‍ എ​ത്തും. മ​റ്റി​ട​ങ്ങ​ളി​ല്‍ താ​മ​സി​ക്കു​ന്ന​വ​ര്‍ക്ക് എ​ന്തെ​ങ്കി​ലും അ​സു​ഖം വ​ന്നാ​ല്‍ 13 കി​ലോ​മീ​റ്റ​ര്‍ അ​ക​ലെ​യു​ള്ള കാ​ന്ത​ല്ലൂ​രി​ലെ പ്രൈ​മ​റി ഹെ​ല്‍ത്ത് സെ​ന്റ​റാ​ണ് ആ​ശ്ര​യം. ഇ​വ​ര്‍ ഉ​ള​വ​യ​ല്‍കു​ടി വ​ഴി രോ​ഗി​ക​ളെ ചു​മ​ന്ന് എ​ത്തി​ക്ക​ണം. വി​ദ​ഗ്​​ധ ചി​കി​ത്സ​വേ​ണ്ട​വ​ര്‍ പി​ന്നീ​ട് അ​ടി​മാ​ലി താ​ലൂ​ക്ക്​ ആ​ശു​പ​ത്രി​യി​ല്‍ എ​ത്ത​ണം. അ​ടി​സ്ഥാ​ന സൗ​ക​ര്യ​ങ്ങ​ളു​ടെ അ​ഭാ​വം മൂ​ലം വി​ദ്യാ​ർ​ഥി​ക​ളി​ല്‍ അ​ധി​ക​വും വി​ദൂ​ര ഇ​ട​ങ്ങ​ളി​ലെ സ​ര്‍ക്കാ​ര്‍ ഹോ​സ്റ്റ​ലു​ക​ളി​ലും റെ​സി​ഡ​ന്‍റ്​​സ്​ വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ലു​മാ​ണ് പ​ഠി​ക്കു​ന്ന​ത്.

വൈ​ദ്യു​തി​യു​ണ്ട്; ആ​ഴ്ച​യി​ല്‍ ഒ​ന്നോ ര​ണ്ടോ മ​ണി​ക്കൂ​ര്‍

സ​മ്പൂ​ര്‍ണ വൈ​ദ്യു​തി പ​ദ്ധ​തി​യു​ടെ ഭാ​ഗ​മാ​യി വ​ട്ട​വ​ട പ​ഞ്ചാ​യ​ത്തി​ലെ ആ​ദി​വാ​സി ഉ​ന്ന​തി​ക​ളി​ല്‍ വൈ​ദ്യു​തി എ​ത്തി​ച്ചി​രു​ന്നു. എ​ന്നാ​ല്‍, ഇ​തി​ന്റെ പ്ര​യോ​ജ​നം ആ​ദി​വാ​സി സ​മൂ​ഹ​ത്തി​നി​ല്ല. ആ​ഴ്ച​യി​ല്‍ ഒ​ന്നോ ര​ണ്ടോ മ​ണി​ക്കൂ​റി​ന​പ്പു​റം ഇ​വി​ടെ വൈ​ദ്യു​തി ഇ​ല്ല. വീ​ടു​ക​ളി​ല്‍ വൈ​ദ്യു​തി എ​ത്തി​യ​തോ​ടെ റേ​ഷ​ന്‍ മ​ണ്ണെ​ണ്ണ​യും നി​ല​ച്ചു. ഇ​തോ​ടെ പ​ഴ​യ മ​ണ്ണെ​ണ്ണ വി​ള​ക്കു​ക​ള്‍ അ​പ്ര​ത്യ​ക്ഷ്യ​മാ​യി. ഇ​പ്പോ​ള്‍ മെ​ഴു​കു​തി​രി​വെ​ട്ട​മാ​ണ്​ ആ​ശ്ര​യം.

​

ക​ഠി​നാ​ധ്വാ​നം മാ​ത്രം​ മി​ച്ചം; ക​ര്‍ഷ​ക​ർ​ക്കും ചൂ​ഷ​ണം

പ​ച്ച​ക്ക​റി കൃ​ഷി​യാ​ണ് ഇ​വി​ടെ പ്ര​ധാ​ന​മാ​യു​ള്ള തൊ​ഴി​ല്‍ മേ​ഖ​ല. ആ​ദി​വാ​സി ഉ​ന്ന​തി​ക​ളി​ലെ ശീ​ത​കാ​ല പ​ച്ച​ക്ക​റി ക​ര്‍ഷ​ക​ർ പ​ല​പ്പോ​ഴും വ​ലി​യ ചൂ​ഷ​ണ​ത്തി​നും വി​ധേ​യ​രാ​കു​ന്നു​ണ്ട്. വി​ള​വി​റ​ക്കാ​നും മ​റ്റു​മാ​യി ത​മി​ഴ്‌​നാ​ട്ടി​ല്‍നി​ന്നെ​ത്തു​ന്ന ഇ​ട​നി​ല​ക്കാ​ര്‍ തു​ച്ഛ​മാ​യ പ​ണം ന​ല്‍കി പ​ച്ച​ക്ക​റി മൊ​ത്ത​മാ​യി ത​മി​ഴ്‌​നാ​ട്ടി​ലേ​ക്ക് കൊ​ണ്ടു​പോ​കു​ന്നു.

ഇ​തോ​ടെ എ​ല്ലു​മു​റി​യെ പ​ണി​യെ​ടു​ത്താ​ലും അ​ര​ച്ചാ​ൺ വ​യ​റ് നി​റ​യു​ന്നി​ല്ലെ​ന്ന​താ​ണ്​ ക​ർ​ഷ​ക​രു​ടെ അ​വ​സ്ഥ. ഗ​താ​ഗ​ത പ്ര​ശ്‌​നം ത​ന്നെ​യാ​ണ് ഇ​തി​ന്​ പ്ര​ധാ​ന കാ​ര​ണം. ഇ​പ്പോ​ഴും കൃ​ഷി ചെ​യ്തു​ണ്ടാ​ക്കു​ന്ന പ​ച്ച​ക്ക​റി​ക​ൾ ക​ഴു​ത​പ്പു​റ​ത്ത് ക​യ​റ്റി​യാ​ണ് കോ​വി​ല്ലൂ​രി​ലെ ച​ന്ത​യി​ലെ​ത്തി​ക്കു​ന്ന​ത്. ഭ​ക്ഷ്യ​വ​സ്തു​ക്ക​ള്‍ വി​ദൂ​ര കു​ടി​ക​ളി​ലേ​ക്ക്​ എ​ത്തി​ക്കു​ന്ന​തും ഇ​തേ രീ​തി​യി​ല്‍ ത​ന്നെ.

(തു​ട​രും )