വീടുകളിൽ ഇനി തനിച്ചിരിക്കണ്ട; കുരുന്നുകൾക്ക് സുരക്ഷയൊരുക്കാൻ ‘കൂട്’ പദ്ധതി

തൊ​ടു​പു​ഴ: ജി​ല്ല​യി​ൽ കു​രു​ന്നു​ക​ൾ​ക്ക് കൂ​ട്ടാ​യി ‘കൂ​ട്’ ഒ​രു​ക്കാ​ൻ ജി​ല്ല ഭ​ര​ണ​കൂ​ടം. വ​നി​ത ശി​ശു​ക്ഷേ​മ വ​കു​പ്പി​ന്‍റെ നേ​തൃ​ത്വ​ത്തി​ൽ ജി​ല്ല​യി​ലെ അ​ഴു​ത ബ്ലോ​ക്കി​ൽ ര​ണ്ട​ര വ​ർ​ഷം മു​മ്പ് ന​ട​പ്പാ​ക്കി​യ പ​ദ്ധ​തി വി​ജ​യ​മാ​യ​തോ​ടെ​യാ​ണ് ജി​ല്ല​ത​ല​ത്തി​ൽ വ്യാ​പി​പ്പി​ക്കാ​ൻ ജി​ല്ല ഭ​ര​ണ​കൂ​ടം ഒ​രു​ങ്ങു​ന്ന​ത്. ശ​നി​യാ​ഴ്ച ന​ട​ന്ന ജി​ല്ല വി​ക​സ​ന​സ​മി​തി യോ​ഗ​ത്തി​ൽ ഇ​തു​സം​ബ​ന്ധി​ച്ച ന​ട​പ​ടി​ക​ൾ സ്വീ​ക​രി​ക്കാ​ൻ ക​ല​ക്ട​ർ നി​ർ​ദേ​ശം ന​ൽ​കി.

‘കൂ​ടൊ’​രു​ക്കി മാ​തൃ​ക​യാ​യി അ​ഴു​ത ബ്ലോ​ക്ക്

കൗ​മാ​ര​ക്കാ​ർ​ക്ക് സു​ര​ക്ഷി​ത ഇ​ടം എ​ന്ന നി​ല​യി​ൽ അ​ഴു​ത ബ്ലോ​ക്കാ​ണ് ജി​ല്ല​യി​ൽ പ​ദ്ധ​തി ആ​രം​ഭി​ച്ച​ത്. ബ്ലോ​ക്ക് പ​രി​ധി​യി​ലെ തോ​ട്ടം, ട്രൈ​ബ​ൽ മേ​ഖ​ല​ക​ളി​ലെ ആ​റ്​-18 പ്രാ​യ​പ​രി​ധി​യു​ള്ള കു​ട്ടി​ക​ളാ​യി​രു​ന്നു പ​ദ്ധ​തി​യു​ടെ ഗു​ണ​ഭോ​ക്താ​ക്ക​ൾ. പ​ക​ൽ മാ​താ​പി​താ​ക്ക​ൾ കൂ​ലി​വേ​ല​ക്കും മ​റ്റും പോ​കു​മ്പോ​ൾ വീ​ട്ടി​ൽ ത​നി​ച്ചാ​കു​ന്ന കൂ​ട്ടി​ക​ൾ​ക്ക് സു​ര​ക്ഷി​ത​മാ​യി ഇ​രി​ക്കാ​ൻ ഒ​രി​ടം എ​ന്ന​താ​യി​രു​ന്നു ഇ​തി​ന്‍റെ ല​ക്ഷ്യം. വ​ണ്ടി​പ്പെ​രി​യാ​റി​ൽ ബാ​ലി​ക പീ​ഡ​ന​ത്തി​നി​ര​യാ​യി കൊ​ല്ല​പ്പെ​ട്ട സം​ഭ​വ​മാ​യി​രു​ന്നു പ​ദ്ധ​തി​ക്ക് വേ​ഗം കൂ​ട്ടി​യ​ത്.

വ​നി​ത ശി​ശു വി​ക​സ​ന വ​കു​പ്പി​ന്‍റെ സ​ഹ​ക​ര​ണ​ത്തോ​ടെ അം​ഗ​ൻ​വാ​ടി​ക​ളോ​ട് ചേ​ർ​ന്ന് ഇ​തി​നാ​യി സൗ​ക​ര്യ​മൊ​രു​ക്കി. ഇ​വ​രു​ടെ മേ​ൽ​നോ​ട്ട​ത്തി​നാ​യി സൈ​ക്കോ​ള​ജി​യി​ലോ സോ​ഷ്യ​ൽ വ​ർ​ക്കി​ലോ യോ​ഗ്യ​ത​യു​ള്ള ഇ​ൻ​സ്ട്ര​ക്ട​ർ​മാ​രെ​യും നി​യ​മി​ച്ചു. ഇ​വ​രു​ടെ ശ​മ്പ​ള​മ​ട​ക്കം കാ​ര്യ​ങ്ങ​ൾ​ക്കു​ള​ള ഫ​ണ്ടും ബ്ലോ​ക്ക് വ​ക​യി​രു​ത്തി. ബ്ലോ​ക്കി​ന് കീ​ഴി​ൽ വി​വി​ധ ഗ്രാ​മ​പ​ഞ്ചാ​യ​ത്ത് പ​രി​ധി​യി​ലെ നി​ര​വ​ധി കു​ട്ടി​ക​ളാ​ണ് പ​ദ്ധ​തി​യു​ടെ ഗു​ണ​ഭോ​ക്താ​ക്ക​ളാ​യ​ത്.

കൂ​ട്ടി​ക​ൾ​ക്കാ​യി ബ്ലോ​ക്ക്​ ഒ​രു​ക്കി​യ​ത് അ​ഞ്ച് ‘കൂ​ടു’​ക​ൾ

2023 ജ​നു​വ​രി ഒ​ന്നു മു​ത​ലാ​ണ് ബ്ലോ​ക്കി​ൽ പ​ദ്ധ​തി ആ​രം​ഭി​ച്ച​ത്. ഇ​തി​നോ​ട​കം വ​ണ്ടി​പ്പെ​രി​യാ​ർ പ​ഞ്ചാ​യ​ത്തി​ൽ അ​ര​ണ​ക്ക​ൽ, ന​ല്ല​ത​മ്പി കോ​ള​നി എ​ന്നി​വി​ട​ങ്ങ​ളി​ലും ഏ​ല​പ്പാ​റ പ​ഞ്ചാ​യ​ത്തി​ലെ കോ​ഴി​ക്കാ​നം, കു​മ​ളി പ​ഞ്ചാ​യ​ത്തി​ലെ അ​ട്ട​പ്പ​ളം, പീ​രു​മേ​ട് പ​ഞ്ചാ​യ​ത്തി​ലെ തെ​പ്പ​ക്കു​ളം എ​ന്നി​വി​ട​ങ്ങ​ളി​ലാ​യി അ​ഞ്ച് കേ​ന്ദ്ര​ങ്ങ​ളാ​ണ് ഇ​വി​ടെ ഒ​രു​ക്കി​യ​ത്.

രാ​വി​ലെ ഒ​മ്പ​തു മു​ത​ൽ വൈ​കീ​ട്ട് അ​ഞ്ച് വ​രെ കു​ട്ടി​ക​ൾ​ക്ക് ഇ​വി​ടെ സു​ര​ക്ഷി​ത​മാ​യി ക​ഴി​യാം. ഏ​തെ​ങ്കി​ലും കു​ട്ടി​ക​ളു​ടെ ര​ക്ഷി​താ​ക്ക​ൾ അ​ൽ​പം​കൂ​ടി വൈ​കി​യെ​ത്തി​യാ​ലും കു​ട്ടി​ക​ൾ​ക്ക് ഇ​വി​ടെ ത​ന്നെ സം​ര​ക്ഷ​ണം ന​ൽ​ക​ണ​മെ​ന്ന് ഇ​ൻ​സ്ട്ര​ക്ട​ർ​മാ​ർ​ക്ക് നി​ർ​ദേ​ശ​വും ന​ൽ​കി​യി​ട്ടു​ണ്ട്.

വി​പു​ലീ​ക​ര​ണം ല​ക്ഷ്യ​മി​ട്ട് പ​ദ്ധ​തി

ആ​രം​ഭി​ച്ച് ര​ണ്ട​ര​വ​ർ​ഷം പി​ന്നി​ടു​മ്പോ​ൾ മി​ക​ച്ച പ്ര​തി​ക​ര​ണ​മാ​ണ് ജ​ന​ങ്ങ​ളി​ൽ​നി​ന്ന് ല​ഭി​ക്കു​ന്ന​തെ​ന്ന് ബ്ലോ​ക്ക് പ​ഞ്ചാ​യ​ത്ത്​ അ​ധി​കൃ​ത​രും ചു​മ​ത​ല​യു​ള്ള സി.​ഡി.​പി.​ഒ​യും പ​റ​യു​ന്നു. ഇ​തു​കൊ​ണ്ടു ത​ന്നെ കു​ട്ടി​ക​ൾ​ക്കാ​യി കൂ​ടു​ത​ൽ സൗ​ക​ര്യ​മൊ​രു​ക്ക​ലാ​ണ് ഇ​വ​രു​ടെ ല​ക്ഷ്യം. ഇ​തി​ൽ ത​ന്നെ പു​സ്ത​ക​ങ്ങ​ൾ, സ്പോ​ട്സ് കി​റ്റ് അ​ട​ക്ക​മു​ള്ള​വ​ക്കാ​ണ് പ്ര​ഥ​മ പ​രി​ഗ​ണ​ന. എ​ന്നാ​ൽ, ഫ​ണ്ട് ഇ​വി​ടെ വി​ല്ല​നാ​ണ്.

ഏ​തെ​ങ്കി​ലു​മൊ​ക്കെ സം​രം​ഭ​ങ്ങ​ളു​ടെ സി.​എ​സ്.​ആ​ർ ഫ​ണ്ടു​ക​ൾ ഉ​പ​യോ​ഗ​പ്പെ​ടു​ത്തി ഇ​ത്ത​രം സൗ​ക​ര്യ​ങ്ങ​ൾ ഏ​ർ​പ്പെ​ടു​ത്താ​ൻ പ​റ്റു​മോ​യെ​ന്ന ആ​ലോ​ച​ന​യും ഇ​വ​ർ​ക്കു​ണ്ട്. ഇ​തി​നി​ടെ​യാ​ണ് ബ്ലോ​ക്ക് ത​ല​ത്തി​ൽ പ​ദ്ധ​തി​യു​ടെ വി​ജ​യം മ​ന​സ്സി​ലാ​ക്കി​യ ജി​ല്ല ഭ​ര​ണ​കൂ​ടം പ​ദ്ധ​തി ജി​ല്ല​ത​ല​ത്തി​ൽ വ്യാ​പി​പ്പി​ക്കാ​ൻ തീ​രു​മാ​നി​ച്ച​ത്. ഇ​തി​നാ​യി വ​നി​ത ശി​ശു​ക്ഷേ​മ വ​കു​പ്പി​ൽ​നി​ന്നും റി​പ്പോ​ർ​ട്ടും തേ​ടി​യി​രു​ന്നു.