രാമക്ഷേത്ര ശിലാസ്ഥാപനം: പൊലീസ് സ്​റ്റേഷനിൽ ലഡു വിതരണം

മൂവാറ്റുപുഴ: രാമക്ഷേത്ര ശിലാസ്ഥാപനത്തിൽ ആഹ്ലാദം പ്രകടിപ്പിച്ച് മൂവാറ്റുപുഴ പൊലീസ് സ്​റ്റേഷനിൽ ലഡു വിതരണം. ബുധനാഴ്ച ഉച്ചക്ക് അയോധ്യയിൽ നടന്ന ശിലാന്യാസത്തിനു പിന്നാലെയാണ്​ ഏതാനും ​െപാലീസുകാർ ലഡു വിതരണം ചെയ്​തത്​.

സംഭവം വിവാദമാകുമെന്ന്​ വന്നതോടെ കുറച്ചുപേർക്ക് വിതരണം ചെയ്​ത ശേഷം നിർത്തുകയായിരുന്നു. സംഭവത്തെക്കുറിച്ച്​ അന്വേഷിക്കുമെന്ന്​ ഉന്നത പൊലീസ്​ ഉദ്യോഗസ്ഥർ പറഞ്ഞു.