നെ​ല്ലാ​പ്പാ​റ- മ​ട​ക്ക​ത്താ​നം ബൈ​പാ​സ്; കാ​ത്തി​രി​പ്പി​ന്​ കാ​ല്‍ നൂ​റ്റാ​ണ്ട്

തൊ​ടു​പു​ഴ: കാ​ല്‍നൂ​റ്റാ​ണ്ടാ​യി കാ​ത്തി​രി​ക്കു​ന്ന നെ​ല്ലാ​പ്പാ​റ-​മ​ട​ക്ക​ത്താ​നം ബൈ​പാ​സ് എ​ത്ര​യും വേ​ഗം പൂ​ര്‍ത്തി​യാ​ക്ക​ണ​മെ​ന്ന മു​റ​വി​ളി ശ​ക്ത​മാ​കു​ന്നു. ശ​ബ​രി റെ​യി​ല്‍ പ​ദ്ധ​തി​ക്കു വീ​ണ്ടും ജീ​വ​ന്‍ വ​ച്ച​തോ​ടെ ബൈ​പാ​സി​ന്റെ പ്ര​സ​ക്തി വ​ര്‍ധി​ച്ച്​ വ​രി​ക​യാ​ണ്. ആ​റു കി​ലോ​മീ​റ്റ​ര്‍ വ​രു​ന്ന നി​ര്‍ദി​ഷ്ട പാ​ത​യി​ല്‍ തൊ​ടു​പു​ഴ​യാ​റി​ന്​ കു​റു​കെ​യു​ള്ള പാ​ലം അ​ട​ക്കം അ​ങ്കം​വെ​ട്ടി-​മ​ട​ക്ക​ത്താ​നം മൂ​ന്നാം റീ​ച്ചി​ലെ ഒ​ന്ന​ര കി​ലോ​മീ​റ്റ​റി​ലാ​ണ് സ്ഥ​ലം ഏ​റ്റെ​ടു​ത്ത്​ നി​ര്‍മാ​ണം ന​ട​ത്തേ​ണ്ട​ത്. ഇ​തി​നു 38 കോ​ടി രൂ​പ എ​സ്റ്റി​മേ​റ്റ് ക​ണ​ക്കാ​ക്കി​യി​രു​ന്നു.

ഭൂ​മി സ​ര്‍വേ ന​ട​ത്തി ക​ല്ലി​ട്ടി​ട്ടു വ​ര്‍ഷ​ങ്ങ​ളാ​യി. മു​ന്‍മ​ന്ത്രി പി.​ജെ.​ജോ​സ​ഫും വി​വി​ധ രാ​ഷ്ടീ​യ​ക​ക്ഷി​ക​ളും ന​ട​ത്തി​യ സ​മ്മ​ര്‍ദ ഫ​ല​മാ​യി 2001-ല്‍ ​സ​ര്‍ക്കാ​ർ പ്ര​ഖ്യാ​പി​ച്ച ബൈ​പാ​സ് 2002 മു​ത​ല്‍ ബ​ജ​റ്റി​ല്‍ സ്ഥാ​നം പി​ടി​ച്ചി​ട്ടു​ണ്ട്. അ​ഞ്ചു സ്റ്റേ​റ്റ് ഹൈ​വേ​ക​ളെ ബ​ന്ധി​പ്പി​ക്കു​ന്ന റോഡ്​ ഭാ​ര​വ​ണ്ടി​ക​ള്‍ക്ക് കു​റ​ഞ്ഞ ദൂ​ര​ത്തി​ല്‍ പ​ടി​ഞ്ഞാ​റോ​ട്ടു​ള്ള യാ​ത്ര സാ​ധ്യ​മാ​ക്കും. ശ​ബ​രി​പാ​ത വ​രു​മ്പോ​ള്‍ ഉ​ണ്ടാ​കു​ന്ന ലെ​വ​ല്‍ ക്രോ​സു​ക​ള്‍, ഓ​വ​ര്‍ ബ്രി​ഡ്ജു​ക​ള്‍, അ​ണ്ട​ര്‍ ബ്രി​ഡ്ജു​ക​ള്‍ തു​ട​ങ്ങി​യ​വ ഒ​ഴി​വാ​ക്കി യാ​ത്ര സു​ഗ​മ​മാ​ക്കാ​നു​മാ​കും.

മ​ട​ക്ക​ത്താ​നം-​നെ​ല്ലാ​പ്പാ​റ ദൂ​രം ഏ​ഴു കി​ലോ​മീ​റ്റ​ര്‍ കു​റ​യു​ക​യും ചെ​യ്യും. മ​ട​ക്ക​ത്താ​ന​ത്തു നി​ന്ന്​ തൊ​ടു​പു​ഴ-​ഊ​ന്നു​ക​ല്‍ റോ​ഡി​ലേ​ക്കു നീ​ട്ടി​യാ​ല്‍ മൂ​ന്നാ​റി​നും മ​റ്റും പോ​കു​ന്ന​വ​ര്‍ക്കു കൂ​ടു​ത​ല്‍ സൗ​ക​ര്യ​പ്ര​ദ​മാ​കും. ബൈ​പാ​സി​ന്റെ ഒ​ന്നാം റീ​ച്ച് നെ​ല്ലാ​പ്പാ​റ-​പു​റ​പ്പു​ഴ ഭാ​ഗം നി​ര്‍മാ​ണം പൂ​ര്‍ത്തീ​ക​രി​ച്ച​താ​ണ്. ര​ണ്ടാം റീ​ച്ച് പു​റ​പ്പു​ഴ-​അ​ങ്കം​വെ​ട്ടി ഭാ​ഗ​ത്ത നി​ല​വി​ലെ റോ​ഡ് വീ​തി കൂ​ട്ടേ​ണ്ട കാ​ര്യ​മേ​യു​ള്ളൂ. മൂ​ന്നാം റീ​ച്ച് ര​ണ്ടു ജി​ല്ല​ക​ളി​ലാ​ണ്. അ​ങ്കം വെ​ട്ടി മു​ത​ല്‍ ​തൊ​ടു​പു​ഴ​യാ​ർ വ​രെ ഇ​ടു​ക്കി ജി​ല്ല​യി​ലും പു​ഴ മു​ത​ല്‍ മ​ട​ക്ക​ത്താ​നം വ​രെ എ​റ​ണാ​കു​ളം ജി​ല്ല​യി​ലു​മാ​ണ്. ഇ​ടു​ക്കി ജി​ല്ല​യി​ല്‍ സാ​മൂ​ഹി​ക പ​രി​സ്ഥി​തി ആ​ഘാ​ത പ​ഠ​ന​ത്തി​നു​ള്ള ഫ​ണ്ട് ല​ഭി​ച്ചാ​ല്‍ മ​റ്റു ന​ട​പ​ടി​ക​ളി​ലേ​ക്കു ക​ട​ക്കാ​നാ​കും.

പാ​ലം പ​ണി​ക്കു ടെ​ന്‍ഡ​ര്‍ ന​ല്‍കി തൂ​ണു​ക​ളു​ടെ ഫൗ​ണ്ടേ​ഷ​ന്‍ നി​ര്‍മി​ച്ചി​ട്ടു​ണ്ട്. തു​ട​ര്‍ നി​ര്‍മാ​ണം വ​ര്‍ഷ​ങ്ങ​ളാ​യി മു​ട​ങ്ങി​ക്കി​ട​ക്കു​ക​യാ​ണ്. 2025-26 ലെ ​ബ​ജ​റ്റി​ലും പ​ദ്ധ​തി സ്ഥാ​നം പി​ടി​ച്ചി​ട്ടു​ണ്ട്. ഇ​നി വേ​ണ്ട​ത് അ​ടി​യ​ന്ത​ര​മാ​യി പ​ണം അ​നു​വ​ദി​ക്ക​ലാ​ണ്. ധ​ന​മ​ന്ത്രി ഇ​തി​നു പ്ര​ത്യേ​ക താ​ൽ​പ​ര്യം എ​ടു​ക്ക​ണ​മൊ​ണ് ആ​വ​ശ്യം.