വിധവയുടെ വീടുനിർമാണം പാതിവഴിയിൽ; കനിയുമോ സര്‍ക്കാർ?

നെ​ടു​ങ്ക​ണ്ടം: ഭ​ര്‍ത്താ​വി​െൻറ വി​യോ​ഗ​വും തു​ട​ര്‍ന്നു​ണ്ടാ​യ സാ​മ്പ​ത്തി​ക ബു​ദ്ധി​മു​ട്ടും മൂ​ലം പാ​തി​വ​ഴി​യി​ല്‍ മു​ട​ങ്ങി​യ വീ​ടു​നി​ര്‍മാ​ണം പൂ​ര്‍ത്തി​യാ​ക്കാ​നാ​വാ​തെ ഉ​ടു​മ്പ​ന്‍ചോ​ല​യി​ലെ ആ​ദി​വാ​സി കു​ടും​ബം. എ​ഴു​മ​ല​ക്കു​ടി​യി​ല്‍ താ​മ​സി​ക്കു​ന്ന രാ​ജി ത​ങ്ക​ച്ച​െൻറ വീ​ടു​നി​ര്‍മാ​ണ​മാ​ണ് 10 വ​ര്‍ഷ​മാ​യി​ട്ടും പൂ​ര്‍ത്തീ​ക​രി​ക്കാ​ന്‍ ക​ഴി​യാ​ത്ത​ത്. ശൗ​ചാ​ല​യ നി​ര്‍മാ​ണ​മ​ട​ക്കം അ​വ​സാ​ന​ഘ​ട്ട ജോ​ലി​ക​ളാ​ണ് ബാ​ക്കി​യു​ള്ള​ത്. ഇ​വ​രു​ടെ താ​മ​സം ഇ​പ്പോ​ൾ ബ​ന്ധു​വീ​ട്ടി​ലാ​ണ്.

ക​ഴി​ഞ്ഞ മ​ഴ​ക്കാ​ല​ത്ത് വീ​ടി​ന് മു​ക​ളി​ൽ മ​ര​ക്കൊ​മ്പ് വീ​ണ് ഒ​രു മു​റി​യി​ലെ ആ​സ്ബ​സ്​​റ്റോ​സ് ഷീ​റ്റു​ക​ള്‍ ത​ക​ര്‍ന്നി​രു​ന്നു. രാ​ജി കൂ​ലി​വേ​ല ചെ​യ്താ​ണ് മൂ​ന്ന്​ കു​ട്ടി​ക​ളു​ടെ വി​ദ്യാ​ഭ്യാ​സം ഉ​ള്‍പ്പെ​ടെ ചെ​ല​വു​ക​ള്‍ക്ക്​ പ​ണം ക​ണ്ടെ​ത്തു​ന്ന​ത്.

10 വ​ര്‍ഷം മു​മ്പ് വീ​ട് നി​ര്‍മി​ക്കാ​ൻ ഉ​ടു​മ്പ​ന്‍ചോ​ല പ​ഞ്ചാ​യ​ത്തി​ല്‍നി​ന്ന്​ ഒ​രു ല​ക്ഷം രൂ​പ ഇ​വ​ര്‍ക്ക് അ​നു​വ​ദി​ച്ചി​രു​ന്നു. ഈ ​തു​ക​കൊ​ണ്ട്്് നി​ര്‍മാ​ണം ആ​രം​ഭി​ച്ചെ​ങ്കി​ലും പൊ​ടു​ന്ന​നെ രാ​ജി​ക്ക് രോ​ഗം പി​ടി​പെ​ട്ട​ത് കു​ടും​ബ​ത്തെ സാ​മ്പ​ത്തി​ക ബു​ദ്ധി​മു​ട്ടി​ലാ​ക്കി. ഭ​ര്‍ത്താ​വ് ത​ങ്ക​ച്ച​ന്‍ അ​കാ​ല​ത്തി​ല്‍ മ​ര​ണ​പ്പെ​ട്ട​ത് കു​ടും​ബ​ത്തി​ന് ഇ​ര​ട്ടി പ്ര​ഹ​ര​മാ​യി. ഇ​തോ​ടെ വീ​ടു​നി​ര്‍മാ​ണം പൂ​ര്‍ണ​മാ​യി നി​ല​ച്ചു.

മൂ​ന്ന് സെൻറ്​ സ്ഥ​ലം മാ​ത്ര​മാ​ണ് ഇ​വ​ര്‍ക്ക് ആ​കെ​യു​ള്ള​ത്. മൂ​ന്നു കു​ട്ടി​ക​ൾ​ക്കാ​യി ആ​കെ​യു​ള്ള​ത് ഒ​രു മൊ​ബൈ​ല്‍ ഫോ​ണ്‍ ആ​യ​തി​നാ​ല്‍ പ​ല​പ്പോ​ഴും ക്ലാ​സി​ല്‍ പ​ങ്കെ​ടു​ക്കാ​നും സാ​ധി​ക്കു​ന്നി​ല്ല. നി​ല​വി​ലെ സാ​ഹ​ച​ര്യ​ത്തി​ല്‍ വീ​ടു​നി​ര്‍മാ​ണം പൂ​ര്‍ത്തീ​ക​രി​ക്കാ​ൻ സ​ര്‍ക്കാ​ര്‍ സ​ഹാ​യം വേ​ണ​മെ​ന്നാ​ണ്​ ഇ​വ​രു​ടെ ആ​വ​ശ്യം.