ജലനിധി പദ്ധതിയില്‍നിന്ന് കിട്ടുന്നത് തുരുമ്പുകലര്‍ന്ന വെള്ളം

നെ​ടും​കു​ന്നം: ജ​ല​ക്ഷാ​മം രൂ​ക്ഷ​മാ​യ പ​തി​നാ​ലാം വാ​ര്‍ഡി​ല്‍ മൂ​ന്നു​വ​ര്‍ഷം മു​മ്പ്​ 26 ല​ക്ഷം രൂ​പ മു​ട​ക്കി നി​ര്‍മി​ച്ച പ​ദ്ധ​തി​യി​ലൂ​ടെ ല​ഭി​ക്കു​ന്ന വെ​ള്ളം തു​രു​മ്പു ക​ല​ർ​ന്ന​തെ​ന്ന് പ​രാ​തി. പ​ദ്ധ​തി ഉ​ദ്ഘാ​ട​നം ചെ​യ്ത​പ്പോ​ള്‍ ത​ന്നെ വെ​ള്ളം തു​രു​മ്പും ച​ളി​യും ക​ല​ര്‍ന്നാ​ണ് വ​ന്ന​ത്. പൈ​പ്പി​ന്‍റെ പ്ര​ശ്‌​ന​മാ​കും പി​ന്നീ​ട് മാ​റി​ക്കോ​ളും എ​ന്ന് ഗു​ണ​ഭോ​ക്താ​ക്ക​ള്‍ ക​രു​തി. ഓ​രോ ദി​വ​സ​വും വെ​ള്ളം കൂ​ടു​ത​ല്‍ മ​ലി​ന​മാ​യി തു​രു​മ്പ് ക​ല​ര്‍ന്നെ​ത്തി​യ​തോ​ടെ ആ​ളു​ക​ള്‍ പ​ദ്ധ​തി ഉ​പേ​ക്ഷി​ച്ചു. 52 കു​ടും​ബ​ങ്ങ​ളെ ഉ​ള്‍പ്പെ​ടു​ത്തി​യാ​ണ് ക​റ്റു​വെ​ട്ടി-​ചെ​റു​പു​തു​പ്പ​ള്ളി കു​ടി​വെ​ള്ള പ​ദ്ധ​തി ആ​രം​ഭി​ച്ച​ത്. ഇ​തേ വാ​ര്‍ഡി​ല്‍ ത​ന്നെ 82 കു​ടും​ബ​ങ്ങ​ള്‍ക്കാ​യി നി​ര്‍മി​ച്ച തൊ​ട്ടി​ക്ക​ല്‍ പ​ദ്ധ​തി ഒ​രു പ്ര​ശ്‌​ന​വു​മി​ല്ലാ​തെ പ്ര​വ​ര്‍ത്തി​ക്കു​ന്നു​ണ്ട്. വെ​ള്ളം പി​ടി​ക്കു​ന്ന പാ​ത്ര​ങ്ങ​ള്‍ പോ​ലും മ​ലി​ന​മാ​കു​ന്ന സ്ഥി​തി​യാ​ണ്. ല​ക്ഷ​ങ്ങ​ള്‍ മു​ട​ക്കി നി​ര്‍മി​ച്ച പ​ദ്ധ​തി പാ​ഴാ​യ​തോ​ടെ ശ​ക്ത​മാ​യ സ​മ​ര​ത്തി​നൊ​രു​ങ്ങു​ക​യാ​ണ് നാ​ട്ടു​കാ​ര്‍. പ​ദ്ധ​തി ആ​രം​ഭി​ച്ച​പ്പോ​ള്‍ പി.​വി.​സി പൈ​പ്പു​ക​ള്‍ വേ​ണ​മെ​ന്നാ​ണ് ജ​ല​നി​ധി വാ​ര്‍ഡ് സ​മി​തി ആ​വ​ശ്യ​പ്പെ​ട്ട​ത്. എ​ന്നാ​ല്‍ ജി.​ഐ പൈ​പ്പ് ത​ന്നെ മ​തി​യെ​ന്ന് ജ​ല​നി​ധി ഉ​ദ്യോ​ഗ​സ്ഥ​ര്‍ വാ​ശി​പി​ടി​ച്ചെ​ന്നാ​ണ് സ​മി​തി പ്ര​വ​ര്‍ത്ത​ക​ര്‍ പ​റ​യു​ന്ന​ത്.

നി​ല​വാ​രം കു​റ​ഞ്ഞ ജി.​ഐ പൈ​പ്പി​ലൂ​ടെ വെ​ള്ള​മെ​ത്തി​യ​പ്പോ​ള്‍ ഇ​വ പൂ​ര്‍ണ​മാ​യി തു​രു​മ്പെ​ടു​ത്തു. ഇ​തോ​ടെ ഗു​ണ​ഭോ​ക്താ​ക്ക​ള്‍ നെ​ടും​കു​ന്നം പ​ഞ്ചാ​യ​ത്തി​ലും ജ​ല​നി​ധി അ​ധി​കൃ​ത​ര്‍ക്കും പ​രാ​തി ന​ല്‍കി. ഇ​നി ഒ​ന്നും ചെ​യ്യാ​നി​ല്ലെ​ന്ന് മ​റു​പ​ടി​യാ​ണ് കി​ട്ടി​യ​ത്. തു​ട​ര്‍ന്ന് എ​ന്‍. ജ​യ​രാ​ജ് എം.​എ​ല്‍.​എ​ക്ക് നാ​ട്ടു​കാ​ര്‍ നി​വേ​ദ​നം ന​ല്‍കി​യി​രു​ന്നു. തു​രു​മ്പെ​ടു​ത്ത പൈ​പ്പു​ക​ള്‍ മാ​റ്റി പി.​വി.​സി പൈ​പ്പു​ക​ള്‍ ഇ​ട്ടാ​ല്‍ മാ​ത്ര​മേ പ്ര​ശ്‌​നം പ​രി​ഹ​രി​ക്കാ​ന്‍ ക​ഴി​യൂ. പ​ഞ്ചാ​യ​ത്തും ജ​ല​നി​ധി അ​ധി​കൃ​ത​രും ജ​ന​പ്ര​തി​നി​ധി​ക​ളും കൈ​വി​ട്ട​തോ​ടെ സ​മി​തി​യു​ടെ നേ​തൃ​ത്വ​ത്തി​ല്‍ പ്ര​മേ​യം പാ​സാ​ക്കി. വ​കു​പ്പ് മ​ന്ത്രി​ക്ക്​ പ​രാ​തി ന​ല്‍കാ​നു​ള്ള ഒ​രു​ക്ക​ത്തി​ലാ​ണ് ഇ​വ​ര്‍.